រាជធានីភ្នំពេញ៖ សារមន្ទីរហោ ណាំហុង ត្រូវបានក្រុមចោរគាស់ចម្រឹងបង្អួចចូលលួចយកវត្ថុអនុស្សាវរីយ៍មានតម្លៃមិនអាចកាត់ថ្លៃបាន ។ ទោះបីជាយ៉ាងណា ជុំវិញការគាស់ទម្លុះចម្រឹង បង្អួចសារមន្ទីរនេះ អាជ្ញាធរក៏ដូចជានគរបាលមូលដ្ឋានព្យាយាមលាក់បាំង ។…
រាជធានីភ្នំពេញ៖ សារមន្ទីរហោ ណាំហុង ត្រូវបានក្រុមចោរគាស់ចម្រឹងបង្អួចចូលលួចយកវត្ថុអនុស្សាវរីយ៍មានតម្លៃមិនអាចកាត់ថ្លៃបាន ។ ទោះបីជាយ៉ាងណា ជុំវិញការគាស់ទម្លុះចម្រឹង បង្អួចសារមន្ទីរនេះ អាជ្ញាធរក៏ដូចជានគរបាលមូលដ្ឋានព្យាយាមលាក់បាំង ។ ហេតុការណ៍ ចោរគាស់នេះបង្កអោយមានការភ្ញាក់ផ្អើលកាលពីព្រឹកថ្ងៃទី៦ ខែកញ្ញា ឆ្នាំ២០១៨ នៅសារមន្ទីរហោណាំហុង ដែលស្ថិតនៅវត្តទួលសុវណ្ណារ៉ាម ហៅវត្តទួលសង្កែ សង្កាត់ទួលសង្កែ១ ខណ្ឌឬស្សីកែវ ។
បន្ទាប់ពីមានការគាស់ទម្លុះទម្លាយសារមន្ទីរចូលលួចនេះ សមត្ថកិច្ចក៍បានចុះទៅត្រួតពិនិត្យ និងស្រាវជ្រាវផងដែរ បន្ទាប់ពីមានប្រតិកម្មយ៉ាងខ្លាំងពីលោកហោ ណាំហុង អតីតរដ្ឋមន្ត្រី ក្រសួងការបរទេស និងសហប្រតិបត្តិអន្តរជាតិ ។
តាមព័ត៌មានអោយដឹងថា ក្រុមចោរអាចមានគ្នាច្រើនបានយកដែក និងដំបងឫស្សីគាស់ចម្រឹងបង្អួចទ្វារផ្នែកខាងជើង ចូលទៅលួចយករបស់របរដែលជាវត្តុអនុស្សាវរីយ៍របស់លោកហោ ណាំ ហុង ដែលត្រូវបានភ្ញៀវជាតិនិងអន្តរជាតិផ្តល់ឱ្យទុកជាអនុស្សារីយ៍ ហើយបង្កអោយមានការភ្ញាកផ្អើលកាលពីវេលាម៉ោងប្រមាណ៧និង៣០នាទីព្រឹកថ្ងៃទី៦ ខែកញ្ញា ឆ្នាំ ២០១៨ បន្ទាប់ពីក្មេងធ្វើដំណើរឆ្លងកាត់ប្រទះឃើញទ្វារចំហរ ។ នៅវេលាព្រឹកនោះ សមត្ថកិច្ចក៍បានចុះទៅត្រួតពិនិត្យផងដែរ។ បន្ទាប់ពីមានប្រតិកម្ម នៅរសៀលថ្ងៃទី៧ ខែកញ្ញា នេះ សមត្ថកិច្ចក៍បានចុះទៅត្រួតពិនិត្យជាថ្មី ។
តាមព័ត៌មានអោយដឹងថា វត្ថុអានុស្សាវរីយ៍ចំនួន១២មុខ ដែលជាអំណោយភ្ញៀវ និងអង្គទូតនានាផ្តល់ឱ្យលោក ហោណាំហុង ត្រូវបានចោរលួចយកទៅបាត់។
ទោះបីជាយ៉ាងណា វត្ថុតាំងនោះពុំត្រូវបានគេដឹងពីតម្លៃពិតប្រាកដនោះឡើយ តែខ្លះអះអាងថា មានតម្លៃ
មហាសាល មិនអាចកាត់ថ្លៃបានឡើយ ។
តាមព័ត៌មានអោយដឹងថា សារមន្ទីរហោ ណាំហុង ត្រូវបានលោក ហោ ណាំហុង កសាងឡើង នៅអំឡុងឆ្នាំ២០១៣ នៅក្នុងបរិវេណវត្តទួលសុវណ្ណារ៉ាម ហៅវត្តទួលសង្កែ ក្នុងសង្កាត់ទួលសង្កែ១ ខណ្ឌឬស្សីកែវ ដើម្បីតម្កល់វត្ថុអនុស្សាវរីយ៍របស់លោក ហើយមិននឹកស្មានថា ចោរ ចូលលួចបែបនេះសោះ ៕
ចែករំលែកព័តមាននេះ