ចរិត​និស្ស័យ​និង​ជោគវាសនា​នៃ​អ្នក​កើត​ថ្ងៃ​ទាំង​៧​សូម​ស៊ែរ​ចែករំលែក


ថ្ងៃ​ទាំង​៧ ចន្ទ អង្គារ ពុធ ព្រហស្បតិ៍ សុក្រ សៅរ៍ អាទិត្យ តើ​លោក​អ្នក​កើត​ចំ​ថ្ងៃ​ណា? សូមចូលអានរកការពិត ។
តាម​ក្បួន​ហុងស៊ុយ​បាន​គូសបញ្ជាក់​ថា ប្រុស​ស្រី​កើត​ក្នុង​ថ្ងៃ​ទាំង​៧​នេះ​មាន​ចរិត​និស្ស័យ និង​ជោគវាសនា​មិន​ដូច​គ្នា​ទេ គឺ​មាន​និស្ស័យ​ខ្ពស់​ទាប​ទៅ​តាម​ទេវតា​ប្រទាន​ឱ្យ បូក​រួម​នឹង​បុណ្យ​កុសល​ដែល​ខ្លួន​ធ្លាប់​សន្សំ​មក​ផង​។ ខាងក្រោម​នេះ​ជា​ការ​បរិយាយ​អំពី​លក្ខណសម្បត្តិ​ទូទៅ​នៃ​ថ្ងៃ​ទាំង​៧ ហើយ​សូម​លោក​អ្នក​ស៊ែរ​ចែករំលែក​នូវ​អត្ថបទ​ដ៏​មាន​ន័យ​នេះ​ទៅ​ឱ្យ​មហាជន​បាន​ចេះ​ដឹងផង ដែល​ចាត់​ថា​ជា​ធម្មទាន​ដ៏​ប្រពៃ​ថ្លៃថ្លា ឈ្នះ​អស់​ទាន​ទាំងពួង ។

អ្នក​កើត​ថ្ងៃ​ចន្ទ លេខហុងស៊ុយ ៨៨៨ លេខនាំសំណាង ៩
ប្រុស​ស្រី​កើត​ថ្ងៃ​ចន្ទ​ជា​មនុស្ស​មាន​ឆន្ទៈ​ទទួលខុសត្រូវ​ខ្ពស់​និង​មានការ​ប្រយ័ត្ន​បំផុត​។ អ្នក​កើត​ថ្ងៃនេះ​មានចំណេះ​ជំនាញ​ខាង​គ្រប់គ្រង​មិនធម្មតា​ទេ ដែល​ធ្វើ​ឲ្យ​អ្នក​ក្លាយជា​មនុស្ស​ល្អ​គ្មាន​គូ​ប្រៀប​។ ប្រុស​ស្រី​កើត​ថ្ងៃនេះ​ច្រើន​ជា​មនុស្ស​រួសរាយ​រាក់ទាក់​មិន​ឆ្មើងឆ្មៃ​ឡើយ ព្រោះ​ជា​អំណោយ​ធម្មជាតិ​តាំងពី​កំណើត​មក​។ ប៉ុន្តែ​ជា​អ្នកមាន​គំនិត​ម្យ៉ាង​ត្រង់​ថា រាល់​កិច្ចការ​ទាំងអស់ គេ​មិន​ដែល​ទុកចិត្ត​លើ​អ្នក​ដទៃ​ឱ្យ​បាន​ស៊ប់ចិត្ត​នោះ​ឡើយ ។

កើត​ថ្ងៃ​អង្គារ លេខហុងស៊ុយ ៣៣៣ លេខនាំសំណាង ៧
អ្នក​កើត​ថ្ងៃ​អង្គារ​ជា​មនុស្ស​ពូកែ​ជជីក​សួរ​ឫសគល់​ដើម្បី​រកហេតុ​ផល​ច្បាស់លាស់ ដោយ​មិនសូវ​ខ្លាចក្រែង​ចិត្ត​គេ​ទេ​។ ជា​មនុស្ស​ដែល​ចូល​ចិត្ត​រុករក ការ​ពិត​មិន​ឈប់​ឡើយ​លុះត្រាតែ​រក​ឃើញ​ចម្លើយ​ដែល​ខ្លួន​ចង់បាន​ទើប​អស់ឆ្ងល់ ។ ប្រុស​ស្រី​កើត​ថ្ងៃ​ចន្ទ​ពូកែ​បត់បែន​តាម​កាលៈទេសៈ និង​ចូល​ជំនុំ​ចំណោម​គេ​ចុះ គ្រប់ជំពូក​មនុស្ស​មិន​ទាស់​ឆ្គង​។ ព្រោះហេតុតែ​ជា​មនុស្ស​មាន​ចរិត​ពុទ្ធិ​បែប​នេះ​ហើយ បានជា​នៅ​ពេល​មានរឿង​ម្តង​ៗ តែង​មាន​មិត្តភក្តិ​ជួយ​យកអាសា​ព្រោងព្រាត ។

កើត​ថ្ងៃ​ពុធ លេខហុងស៊ុយ ៧៧៧ លេខនាំសំណាង ១៧
អ្នក​កើត​ថ្ងៃ​ពុធ​ជា​មនុស្ស​មិនសូវ​ចេះ​មាត់ក​ប៉ុន្មាន​ទេ មាន​ចរិត​អៀនប្រៀន​បន្តិច មិន​ចូល​ចិត្ត​ភាព​លេចធ្លោ ភាព​ស៊ី​វិ​ល័យ​ហ៊ឺហា​អ្វី​ទេ តែ​គេ​ជា​មនុស្ស​ចិត្តល្អ និង​ចូល​ចិត្ត​ស្ដាប់​រឿងរ៉ាវ​អ្នក​ដទៃ ធ្វើ​ឲ្យ​ពួក​គេ​មាន​អារម្មណ៍​ធូរស្រាល​នៅ​ពេល​បាន​និយាយ​ជាមួយ​អ្នក​។ ប្រុស​ស្រី​កើត​ថ្ងៃនេះ​ជា​មនុស្ស​មាន​ចរិត​សាមញ្ញ ប៉ុន្តែ​ចូល​ចិត្ត​ឯករាជ្យ ហើយ​រាល់​បញ្ហា​កើតឡើង តែង​ចេញ​មុខ​ដោះស្រាយ​ប្រកបដោយ​ភាព​ឆ្លាត​វៃ ។

កើត​ថ្ងៃ​ព្រហស្បតិ៍ លេខហុងស៊ុយ ៥៥៥ លេខនាំសំណាង ២៥
បើ​លោក​អ្នក​កើត​ចំ​ថ្ងៃ​ព្រហស្បតិ៍ ជា​មនុស្ស​មាន​ទំនោរ​ធ្វើ​តាម​អារម្មណ៍​ខ្លួនឯង​បន្តិច តែ ជា​បុគ្គល​ដែល​ស្គាល់​ពី​របៀប​គ្រប់គ្រង​អារម្មណ៍​របស់​អ្នក​បាន​ល្អ ។ អ្នក​កើត​ថ្ងៃនេះ​ជា​មនុស្ស​ដែល​ប្រើ​មនោសញ្ចេតនា ច្រើន និង​យកចិត្តទុកដាក់​នៅ​ពេល​ដែល​មិត្តភក្តិ​ណា​ម្នាក់​ត្រូវការ​រូបគេ គឺ​ចូល​ចិត្ត​ជួយ​គេ​ឲ្យ​អស់ពី​សមត្ថភាព ព្រោះ​ចង់​ឲ្យ​គេ​បាន​ល្អ​រស់នៅ​មាន​សុភមង្គល​។ ប្រុស​ស្រី​កើត​ថ្ងៃនេះ​ជា​មនុស្ស​ឆ្លាត​ពោរពេញ​ដោយ​សមត្ថភាព និង​អាច​ទ្រួស​ត្រាយផ្លូវ​ជីវិត​មួយ​ដ៏​ភ្លឺស្វាង​ដោយ​ខ្លួនឯង ។

អ្នក​កើត​ថ្ងៃ​សុក្រ លេខហុងស៊ុយ ៧៥០ លេខនាំសំណាង ២៩
មនុស្ស​កើត​ថ្ងៃ​សុក្រ​ជា​អ្នកចេះ​គិតគូរ ពិសេស​គិត​ពី​អ្នក​ដទៃ​ច្រើន​ជាង​ខ្លួនឯង​។ អ្នកជា​មនុស្ស​ដែល​មានចិត្ត​ល្អ ស្រលាញ់​និង​ខ្វល់ខ្វាយ​ពី​អ្នក​ដទៃ ហើយ​តែងតែ​ធ្វើ​ល្អ​ដាក់​គេ​ជា​និច្ច និង​ប្រកាន់ខ្ជាប់​នូវ​គំនិត​សុទិដ្ឋិនិយម និង​ចូល​ចិត្ត​ធ្វើ​រឿង​ណា​ដែល​សប្បាយ​ៗ​សម្រាប់​ខ្លួន​និង​អ្នក​ដទៃ និង​បាន​ជាទី​រាប់អាន​នៃ​មនុស្ស​ជា​ច្រើន ។

អ្នក​កើត​ថ្ងៃ​សៅរ៍ លេខហុងស៊ុយ ៩៩៩ លេខនាំសំណាង ១៨
ប្រុស​ស្រី​ដែល​កើត​ថ្ងៃ​សៅរ៍​ជា​មនុស្ស​រឹងរូស​បន្តិច ដោយ​ការ​ឈរ​លើ​គោលការណ៍​ខ្លួនឯង និង​ហ៊ាន​បញ្ចេញមតិ​បែប​ស្ថាបនា​ផ្សេង​ៗ​ដោយ​មិន​ខ្លាច​ថា​មតិ​នោះ​ខុស​ឬ​ត្រូវ​ឡើយ​។ អ្នកជា​មនុស្ស​មិន​ដេក​រង់ចាំ​ឱកាស​នោះ​ទេ តែ​ជា​អ្នក​ឱកាសនិយម គឺជា​អ្នក​ចាប់​ឧកាស​ភ្លាម​ៗ​។ ដោយសារ​អ្នកជា​មនុស្ស​ម្ចាស់​ការ​និង​មាន​ភាព​ឆ្លាត​វ័យ​បែប​នេះ​ហើយ ទើប​ធ្វើ​ឲ្យ​អ្នក​មិនសូវ​ដើរ​ខ្សែ​ក្រោម​អ្នក​ណា​ឡើយ ។

អ្នក​កើត​ថ្ងៃអាទិត្យ លេខហុងស៊ុយ ១៦៨ លេខនាំសំណាង ២៧
ប្រុស​ស្រី​កើត​ថ្ងៃអាទិត្យ​ជា​មនុស្ស​ដែល​មានគំនិត​ច្នៃប្រឌិត​ខ្ពស់​។ មិន​ថា​ការងារ​ធ្វើ​ដោយ​កម្លាំងកាយ ឬ​បញ្ញា​ឲ្យ​តែ​បាន​ឆ្លងកាត់​ស្នាដៃ​អ្នក​ហើយនឹង​ទទួល​បាន​លទ្ធផល​ល្អ​ប្រសើរ​។ អ្នក​កើត​ថ្ងៃនេះ​ចូល​ចិត្ត​ភាព​ស៊ី​វិ​ល័យ ដោយ​ការ​ស្លៀកពាក់​ស្អាត​ៗ និង​តែងខ្លួន​ប្លែក​ៗ​ដោយ​ការ​ចាយវាយ​មិនសូវ​ចេះ​ស្ដាយ​ឡើយ ដើម្បី​ទិញ​គ្រឿងអលង្ការ សម្លៀក​បំពាក់ ឬ​របស់​ដែល​អ្នក​ស្រលាញ់​ចូល​ចិត្ត ព្រោះ​មិន​ចូល​ចិត្ត​ឲ្យ​អ្នក​ដទៃ​មើល​ស្រាល​នោះ​ឡើយ ។

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ហោរាសាស្ដ្រ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ