តារាសម្តែង និងជាផលិតករអាមេរិកអ្នកនាង អេនចេលីណា ជោលី ធ្លាប់ឆ្អែតចិត្តនឹងប្រុសព្រានមិនតិចដងទេរហូតដល់ធ្វើឱ្យនាងប្រុងបង្កាត់ភ្លើងស្នេហ៍ជាមួយស្រីដូចគ្នាទៀតផង ។
តារាល្បីវ័យ៤៣ឆ្នាំនាង ជោលី ដែលបានរៀបការប្តី៣ដង និងលែងលះគ្នាវិញធ្លាប់បោះពាក្យថា៖ «បើនាងខ្ញុំមិនទាន់រៀបការជាមួយ Jonny Lee Miller (ស្វាមីទី១) នោះទេ ខ្ញុំនឹងរៀបការជាមួយនឹងតារាស្រីជនជាតិជប៉ុន Jenny Shimizu បាត់ទៅហើយ» ។

រងើកភ្លើងស្នេហ៍យុវវ័យមួយគូនេះឆាបឆេះបានពីរឆ្នាំរហូតដល់ជោលី ចាប់អាជីពសម្តែងនៅវ័យ១៦ឆ្នាំក្នុងរឿង «Hackers» (1995) ក៏បានទាក់ទងតួប្រុសអង់គ្លេស Jonny Lee Miller អំឡុងពេលថតរឿងនោះ ។ ក្រោយមកពួកគេផ្អាកទាក់ទងគ្នាអស់រយៈពេលច្រើនខែបន្ទាប់ពីរឿងថតចប់ តែក្រោយមកបានផ្សះផ្សាវិញ ព្រមទាំងកាន់ដៃគ្នាចូលស្បថស្បែនៅព្រះវិហារនៅឆ្នាំ១៩៩៦ តែនៅ៣ឆ្នាំក្រោយពួកគេចែកផ្លូវគ្នា ។
ក្រោយមកអេនចេលីណា ជោលី បានរៀបការជាមួយ Billy Bom Thornton បន្ទាប់ពីសម្តែងរួមគ្នាក្នុងរឿង «Pushing Tin» (1999) ។ រឿងមួយស្មានមិនដល់ Thornton លួចទាក់ទងជាមួយតារាស្រី Laura Dern ស្របពេលជោលី ក៏បង្កាត់ភ្លើងស្នេហ៍ជាមួយតួប្រុស Timothy Hutton ដែរ ។ ល្បែងស្នេហ៍រញ៉េរញ៉ៃរបស់ពួកគេបានចប់នៅឆ្នាំ២០០៣ ដែលជោលី បានហៅអាពាហ៌ពិពាហ៌នេះថាជារឿងឆ្កួតលេលាបំផុត ។

យ៉ាងណាមិញនៅឆ្នាំ ២០០៦ ក៏ធ្លាយរឿងថា ជោលីបានពពោះកូនរបស់ Brad Pitt ធ្វើឱ្យពួកគេមិនអាចប្រកែកនឹងព័ត៌មាននេះបានទើបសម្រេចចិត្តកាន់ដៃគ្នាបង្កើតគ្រួសារមួយ ។ ប្រើពេលជាង១ទសវត្សរ៍ជោលី និងប្រេត ភីដ បានសាងដំបូលគ្រួសារកក់ក្តៅមួយដែលមានសមាជិក៨នាក់ ហើយពួកគេក៏សម្រេចចិត្តរៀបការនៅឆ្នាំ២០១៤ នៅឯភូមិគ្រឹះស្កឹមស្កៃមួយក្នុងប្រទេសបារាំង តែ២ឆ្នាំក្រោយមកបានចែកផ្លូវគ្នា ។

ចែករំលែកព័តមាននេះ