ADផ្ទាំងផ្សព្វផ្សាយពាណិជ្ជកម្ម

Picture

ថ្ងៃកំណើត​បង្ហាញ​អំពី​អត្ត​ចរិត និង​ភ័ព្វសំណាង

5 ឆ្នាំ មុន

ថ្ងៃកំណើត​ក៏​បញ្ជាក់​ពី​លាភ​សំណាង តើ​លោក​អ្នក​កើត​ចំ​ថ្ងៃ​ទី​ប៉ុន្មាន​ដែរ ? ធ្លាប់តែ​ដឹង​អំពី​ឆ្នាំ​កំណើត តែ​ឥឡូវ​លោក​អ្នក​ភ្ញាក់ខ្លួន​ព្រើត​ព្រោះ​ថ្ងៃកំណើត​ក៏​អាច​បង្ហាញ​នូវ​ចរិត​ពិត និង​លាភ​សំណាង​ផង​ដែរ ។ តាម​ហោរាសាស្ត្រ​បាន​គូសបញ្ជាក់​ថា អ្នក​កើត​ចំ​ថ្ងៃ​ទី​១៥, ៨,…

ថ្ងៃកំណើត​ក៏​បញ្ជាក់​ពី​លាភ​សំណាង តើ​លោក​អ្នក​កើត​ចំ​ថ្ងៃ​ទី​ប៉ុន្មាន​ដែរ ?

ធ្លាប់តែ​ដឹង​អំពី​ឆ្នាំ​កំណើត តែ​ឥឡូវ​លោក​អ្នក​ភ្ញាក់ខ្លួន​ព្រើត​ព្រោះ​ថ្ងៃកំណើត​ក៏​អាច​បង្ហាញ​នូវ​ចរិត​ពិត និង​លាភ​សំណាង​ផង​ដែរ ។ តាម​ហោរាសាស្ត្រ​បាន​គូសបញ្ជាក់​ថា អ្នក​កើត​ចំ​ថ្ងៃ​ទី​១៥, ៨, ៧, ២៧, ៩, ២៩ និង​ចុង​ក្រោយ​គឺ​ថ្ងៃ​ទី​១៦ ជា​មនុស្ស​មាន​ចរិត និង​លាភ​សំណាង​ផ្សេង​គ្នា និង​ជា​មនុស្ស​មាន​អំណាច​ច្រើន ។

អ្នក​កើត​ថ្ងៃ​ទី​១៥: លេខសំណាង ១៨
ជា​មនុស្ស​មាន​ច​រិ​ក​អៀនខ្មាស​ច្រើន និង​មាន​ចរិត​ចាស់ទុំ មិន​ចូល​ចិត្ត​ភាព​រញ៉េរញ៉ៃ មាន​ភាព​ស្ងប់ស្ងាត់ តែ​មាន​សន្តាន​ចិត្តល្អ​ជាមួយ​មិត្តភក្តិ​នៅ​ជុំវិញ​ខ្លួន​។ អ្នក​កើត​ចំ​ថ្ងៃនេះ​ជា​មនុស្ស​ទទួលខុសត្រូវ​ខ្ពស់​ចំពោះ​ការងារ និង​ជា​អ្នកមាន​ទ្រព្យ​ច្រើន​នៅ​វ័យ​កណ្តាល ។

អ្នក​កើត​ថ្ងៃ​ទី​៨: លេខសំណាង ៩
ជា​មនុស្ស​មានចិត្ត​សប្បុរស មាន​ទំនាក់ទំនង​ល្អ​ពិសេស​ប្រសប់​លូន​ក្រាប​យកចិត្តយកថ្លើម​មេ​កើយ តែ​ជា​មនុស្ស​រស់នៅ​ឯករាជ្យ​លើ​គំនរ​ទ្រព្យសម្បត្តិ​សមរម្យ និង​ជា​មនុស្ស​ហ៊ឺហា​ទាន់សម័យ​បំផុត ។

អ្នក​កើត​ថ្ងៃ​ទី​៧: លេខសំណាង ៤៥
ជា​មនុស្ស​មាន​សមត្ថភាព​ខ្ពស់ មាន​ទំនុកចិត្ត​លើ​ខ្លួនឯង មានចិត្ត​ទៀងត្រង់ ជា​មនុស្ស​ប្រើ​គំនិត​ជា​ទិស​ដៅ​ការងារ និង​ជីវភាព​រស់នៅ មានចិត្ត​សន្តោស ច្រើន​ដល់​អ្នកផង​ទាំងពួង ។ អ្នក​កើត​ថ្ងៃនេះ​មានភ័ព្វ​សំណាង​រស់នៅ​លើ​គំនរ​ទ្រព្យសម្បត្តិ​តាំងពី​វ័យក្មេង​។

អ្នក​កើត​ថ្ងៃ​ទី​២៧: លេខសំណាង ៧
ជា​មនុស្ស​ចេះ​លើកទឹកចិត្ត​ខ្លួនឯង ជំរុញ​កម្លាំងចិត្ត​ឱ្យ​ដើរទៅ​មុខជា​និច្ច ទោះជា​ក្នុង​កាលៈទេសៈ​ណា​ក៏​ដោយ​។ ជា​មនុស្ស​ស្រលាញ់​សិរី​ភាព មិន​ចង់ឱ្យ​អ្នក​ណា​ម្នាក់​បង្គាប់បញ្ជា​ទេ និង​មាន​ក្រយៅ​ដៅ​មក​ជា​អ្នកដឹកនាំ។

អ្នក​កើត​ថ្ងៃ​ទី​៩: លេខសំណាង ៣៤
ជា​មនុស្ស​មាន​ចរិត​ឆ្មើងឆ្មៃ​បន្តិច តែ​មាន​ទឹកចិត្ត​ស្មោះត្រង់ និង​ចូល​ចិត្ត​បង្គាប់បញ្ជា​គេ រួម​នឹង​ជា​មនុស្ស​ស្រលាញ់​កិត្តិយស​។ អ្នក​កើត​ចំ​ថ្ងៃនេះ​ជា​មនុស្ស​មាន​លាភ​សំណាង​នៅ​វ័យ​ចន្លោះ​ពី​អាយុ​៤០​ទៅ​៤៩​ឆ្នាំ។

អ្នក​កើត​ថ្ងៃ​ទី​២៩: លេខសំណាង ៩៩
ជា​មនុស្ស​ចិត្ត​ត្រជាក់ មាន​សុទិដ្ឋិនិយម មាន​ទឹកចិត្ត​ក្លាហាន ហ៊ានស៊ី​ហ៊ាន​សង មាន អធ្យាស្រ័យ​ល្អ​។ អ្នក​កើត​ថ្ងៃនេះ​សម្បូរ​ទ្រព្យ​នៅ​អាយុ​ចន្លោះ​ពី​៣៥​ទៅ​៤០​ឆ្នាំ ។

អ្នក​កើត​ថ្ងៃ​ទី​១៦: លេខសំណាង ៥៤
ជា​មនុស្ស​មាន​ចរិតលក្ខណៈ​ជា​អ្នក​ស្រឡាញ់​ផ្នែក​កីឡា តែ​មិនសូវ​ចូល​ចិត្ត​លេង​កីឡា​ទេ​។ អ្នក​កើត​ថ្ងៃនេះ​តែង​មាន​អារម្មណ៍​នឹករលឹក​ដល់​ម្តាយ​ឪពុក​បងប្អូន​មិត្តភក្តិ​គ្រប់​គ្នា​។ ជា​អ្នក​រួសរាយ​រាក់ទាក់ ស្រឡាញ់​ភាព​យុត្តិធម៌ និង​ជា​អ្នក​ជឿជាក់​លើ​សមត្ថភាព​ខ្លួនឯង​ខ្ពស់​។ តាម​ជើង​លេខ​អ្នក​កើត​ចំ​ថ្ងៃនេះ​នឹង​ទទួល​បាន​ជោគជ័យ​ក្នុង​ជីវិត​នៅ​អាយុ​ពី​ចន្លោះ​៣៩​ទៅ​៤៥​ឆ្នាំ ។