រាជធានីភ្នំពេញ ៖ តារាសម្តែងដែលចូលចិត្តបង្អួតដើមទ្រូងកុល ដាវី បានត្រៀមខ្លួនជិះយន្តហោះឆ្លងសមុទ្រទៅកាន់ប្រទេសកាណាដា ដើម្បីសម្តែងនិងបង្អួតសម្រស់ឲ្យបងប្អូនខ្មែរយើងរស់នៅទីនោះបានឃើញដោយផ្ទាល់ជាលើកដំបូង ។ការចាកចេញទៅសម្តែងនៅឯក្រៅប្រទេសរបស់កុល ដាវី នាពេលនេះគឺជាឱកាសលើកដំបូងរបស់នាងបន្ទាប់ពីអាក់ខានក្នុងការចេញទៅសម្តែង
រាជធានីភ្នំពេញ ៖ តារាសម្តែងដែលចូលចិត្តបង្អួតដើមទ្រូងកុល ដាវី បានត្រៀមខ្លួនជិះយន្តហោះឆ្លងសមុទ្រទៅកាន់ប្រទេសកាណាដា ដើម្បីសម្តែងនិងបង្អួតសម្រស់ឲ្យបងប្អូនខ្មែរយើងរស់នៅទីនោះបានឃើញដោយផ្ទាល់ជាលើកដំបូង ។ការចាកចេញទៅសម្តែងនៅឯក្រៅប្រទេសរបស់កុល ដាវី នាពេលនេះគឺជាឱកាសលើកដំបូងរបស់នាងបន្ទាប់ពីអាក់ខានក្នុងការចេញទៅសម្តែងនៅឯនាយសមុទ្រជាច្រើនឆ្នាំមកនេះ ។
តារាសម្តែងដែលចូលចិត្តបង្អួតដើមទ្រូងដ៏ទ្រលុកទ្រលន់រូបនេះប្រាប់កោះសន្តិភាពតាមទូរស័ព្ទនៅថ្ងៃទី១៤ កញ្ញាឆ្នាំ២០១២ ថា គម្រោងចេញទៅសម្តែងនៅប្រទេសកាណាដា នេះជាការសម្រេចជាថ្មីរបស់នាងបន្ទាប់ពីកន្លងមកនាងបដិសេធក្នុងការចេញទៅសម្តែងនៅឯក្រៅប្រទេស ។ ការបដិសេធរបស់នាងនាពេលកន្លងមកនេះ គឺដោយសារការងារនៅក្នុងស្រុកកំពុងតែមានការកាក់កបខ្លាំងមិនអាចដកឃ្លាបាន ។ ទើបតែពេលនេះដោយសារការងារក្នុងស្រុកហាក់មានការធូរស្បើយបន្តិចនោះ ទើបនាងសម្រេចចិត្តទទួលយកការចេញទៅសម្តែងនៅឯបរទេសវិញម្តង ម៉្យាងដោយចង់ផ្លាស់ប្តូរបទពិសោធន៍ឲ្យបានច្រើនក្នុងការសម្តែងនៅក្រៅប្រទេស ។
ដាវីបញ្ជាក់ថា នាងនឹងចាកចេញទៅប្រទេសកាណាដានៅក្នុងខែតុលាការ ដោយមានការអមដំណើរដោយតារាចម្រៀងដែលចូលចិត្តបង្អួតដើមទ្រូងដែរនោះគឺនាងឆៃលី ដាឡែន ។ ការចេញទៅសម្តែងលើកនេះមានរយៈពេល២ខែតាមការស្នើសុំរបស់ម្ចាស់ឧបត្ថម្ភ ដើម្បីឱ្យអាណិកខ្មែរនៅទីនោះបានទស្សនាការសម្តែងដោយសប្បាយរីករាយនិងជួយរៃអង្គាសប្រាក់ជួយដល់កុមារកំព្រាដែលរស់នៅក្នុងប្រទេសកម្ពុជា ។
ទោះជាការចេញទៅសម្តែងនៅក្នុងទឹកដីដ៏ស៊ីវិល័យនោះជាលើកដំបូងពិតមែន តែសម្រាប់កុល ដាវី ហាក់មានជំនឿចិត្តយ៉ាងខ្លាំងថានឹងទទួលបានជោគជ័យ បើទោះបីជានាងមិនសូវជាមានបទពិសោធន៍ក្នុងការច្រៀងក៏ដោយ ។តារារូបនេះបញ្ជាក់ថាឆ្លងតាមបទពិសោធន៍នាពេលកន្លងមកនេះនាងមានជំនឿចិត្តថាការសម្តែងរបស់នាងនឹងទទួលបានការគាំទ្រពីអាណិកជនខ្មែរនៅទីនោះ ហើយនាងនឹងខិតខំសម្តែងឲ្យអស់ពីសមត្ថភាពដើម្បីមានឱកាសចេញទៅសម្តែងនៅប្រទេសផ្សេងទៀត ។
ទោះជាប្រឡូកក្នុងសិល្បៈច្រើនឆ្នាំក៏ពិតមែន តែគេកម្រឃើញតារាសម្តែងសិចស៊ីកុល ដាវី ទៅសម្តែងនៅក្រៅប្រទេសរយៈពេលវែងដូចសិល្បការិនីផ្សេងៗណាស់ ។
មិត្តភក្តិរួមអាជីពខ្លះនិយាយថាកុល ដាវី មិនចេញទៅសម្តែងនៅក្រៅប្រទេសដោយសារនាងមិនចេះច្រៀង ហើយគូស្នេហ៍ក៏ប្រចណ្ឌផងដែរ ព្រោះនរណាក៏ដឹងដែរថាកុល ដាវី ជាតារាដែលមានដើមទ្រូងស្អាតធំទ្រលុកទ្រលន់ និងចូលចិត្តស្លៀកពាក់សិចស៊ីធ្វើឱ្យបុរសលង់ស្នេហ៍មិនតិចទេ ។ មួយរយៈចុងក្រោយនេះបន្ទាប់ពីការងារក្នុងស្រុករង្វើល ខណៈតារាជំនាន់ក្រោយរះបន្តបន្ទាប់នោះ កុល ដាវី ប្រឹងប្រែងហាត់ច្រៀងដោយបានជួលគ្រូទៅបង្រៀនដល់ផ្ទះតែម្តង ប៉ុន្តែនាងគ្មានមហិច្ឆតាចង់ក្លាយជាអ្នកចម្រៀងទេ ។ នាងចង់ចេះច្រៀងដើម្បីច្រៀងតាមកម្មវិធីទូរទស្សន៍ និងចេញទៅក្រៅប្រទេសប៉ុណ្ណោះ ៕
ចែករំលែកព័តមាននេះ