ADផ្ទាំងផ្សព្វផ្សាយពាណិជ្ជកម្ម

Picture

អាសូរណាស់! យុវជន​ម្នាក់​ទើប​ចូល​ធ្វើការ​ជា​ព្រូ​រថយន្ត​ដឹក​ដី​បាន​១​ស​ប្តា​ហ៍​ ជួបគ្រោះអកុសល​

1 ថ្ងៃ មុន
  • បន្ទាយមានជ័យ

ខេត្ត​បន្ទាយ​មាន​ជ័យ ​៖ ​យុវជន​ម្នាក់​ទើប​ចូល​ធ្វើការ​ជា​ព្រូ​រថយន្ត​ដឹក​ដី​បាន​១​ស​ប្តា​ហ៍​ ត្រូវ​បាន​រថយន្ត​ដឹក​ដី​ក្រឡាប់​សង្កត់​ដាច់​ក្បាល​ស្លាប់​ ខណៈ​អ្នកបើកបរ​មិនទាន់ចាប់ខ្លួនបាន​នៅឡើយ​ទេរ​ហូត​ដល់​ថ្ងៃ​ទី​១៨ ខែវិច្ឆិកា ឆ្នាំ​២០២៦ ​នៅ​ក្រុង​សិរី​សោភ័ណ​។

មន្ត្រី​នគរបាល​ចរាចរណ៍​ផ្លូវគោក​ខេត្តបន្ទាយមានជ័យ​បាន​ប្រាប់​ថា​ ​កាលពី​ថ្ងៃ​ទី​១៤ ខែវិច្ឆិកា ឆ្នាំ​២០២៦​ នៅ​ចំណុច​ផ្លូវ​ជើងភ្នំ​ជញ្ជាំង​ស្ថិត​ភូមិ​គាប សង្កាត់​ទឹកថ្លា ក្រុង​សិរី​សោភ័ណ មាន​ករណី​គ្រោះថ្នាក់​ចរាចរណ៍​បាន​កើតឡើង​ដោយ​រថយន្ត​បែន បាន​ដឹក​ដី​ចេញពី​ភ្នំ​ជញ្ជាំង ​ហើយ​បើក​ចេញ​តាម​ផ្លូវ​មក​ខាងកើត​ចុះ​ចម្រាក់​ដាច់​ហ្វ្រាំង​ ហើយ​ព្រូ​ជិះខាងឆ្វេង​បាន​លោត​ចេញពី​រថយន្ត​ក្រឡាប់​សង្កត់​ដាច់​ករ​ស្លាប់​ភ្លាម​ៗ​និង​កន្លែង​កើតហេតុ​។

មន្ត្រី​នគរបាល​បាន​បញ្ជាក់​ថា​ ​ក្រោយ​គ្រោះ​ចរាចរណ៍​ភ្លាម​ៗ​ កម្លាំង​ជំនាញ​បាន​ចុះ​ទៅ​ពិនិត្យ​ និង​យក​រថយន្ត​ទាញ​យក​សាកសព​ជន​រង​គ្រោះ​ចេញពី​ក្រោម​រថយន្ត​ដែល​ក្រឡាប់​ប្រគល់​ជូន​សាច់ញាតិ​ទទួលយក​ទៅ​ធ្វើបុណ្យ​តាម​ប្រពៃណី​ និង​រថយន្ត​បង្ក​ត្រូវ​បាន​យក​មក​រក្សា​ទុក​នៅ​ស្នងការ​នគរបាល​ខេត្តបន្ទាយមានជ័យ ដោយឡែក​អ្នកបើកបរ​ត្រូវ​បាន​រត់គេច​ខ្លួន​កំពុង​សំ​គោលការណ៍​ព្រៈ​រាជ​អាជ្ញាធរ​អយ្យការ​អម​សាលាដំបូង​ខេត្តបន្ទាយមានជ័យ​ដើម្បី​ស្រាវជ្រាវ​រក​ចាប់ខ្លួន​អនុវត្ត​តាម​នីតិវិធី​ច្បាប់​។

សាច់ញាតិ​ជន​រង​គ្រោះ​បាន​បញ្ជាក់​ថា​ ​ជន​រង​គ្រោះ​មាន​អាយុ​ជាង​២០​ឆ្នាំ​រស់នៅ​ភូមិ​កើតហេតុ​ទើបបាន​ចូល​ធ្វើការ​ជា​ព្រូឡាន​ដឹក​ដី​រយៈពេល​ជិត​១​ស​ប្តា​ហ៍​ទេ​ តែ​ជួប​ឧបទ្ទវហេតុ​គ្រោះថ្នាក់​ឡាន​ដឹក​ដី​ក្រឡាប់​សង្កត់​ដាច់​ក​ស្លាប់​ភ្លាម​ៗ​ ហើយ​អ្នក​បង្ក​ដែល​បង្ក​បាន​រត់គេច​ខ្លួន​មិន​ទទួលខុសត្រូវ​ទៀត​ ខណៈគ្រួសារសុំ​អោយ​មន្ត្រី​អនុវត្តន៍​ច្បាប់​ជួយ​រក​យុត្តិធម៌​ជូន​គ្រួសារ​គាត់​ផង​៕