អ្នកចូលចិត្តខ្យល់អាកាសត្រជាក់ និងព្រៃភ្នំ មិនគួររំលងតំបន់អន្ទង់អាំង ភ្នំ១៥០០ ដែលនឹងក្លាយជាឋានសួគ៌ទេសចរណ៍ធម្មជាតិដ៏ទាក់ទាញ
- ពោធិ៍សាត់
ខេត្តពោធិ៍សាត់ ៖ តំបន់អន្ទង់អាំង (ឬ បុប្ផាលាក់ខ្លួន) នៅភ្នំ១៥០០ ដែលស្ថិតនៅក្នុងស្រុកវាលវែង ខេត្តពោធិ៍សាត់ នឹងត្រូវថែរក្សាជាតំបន់សាធារណៈរបស់រដ្ឋ ដោយនឹងត្រូវរៀបចំដាំដើមឈើឡើងវិញ ក្នុងគោលដៅប្រែក្លាយទៅជាតំបន់ទេសចរណ៍ធម្មជាតិ សម្រាប់ប្រជាពលរដ្ឋ និងទេសចរទៅកម្សាន្ត ។
លោក ខូយ រីដា អភិបាលខេត្តពោធិ៍សាត់ បានប្រាប់អ្នកសារព័ត៌មានដែលដឹកនាំដោយក្លិបអ្នកកាសែតកម្ពុជា កាលពីថ្ងៃទី ២៤ ខែតុលា ឆ្នាំ ២០២៦ មកនេះឱ្យដឹងថា តំបន់អន្ទង់អាំង ជាបេះដូងរបស់ជាតិ ជាតំបន់ទេសចរណ៍ធម្មជាតិ ជាតំបន់ព្រៃភ្នំ ដោយត្រូវរៀបចំតំបន់នេះឱ្យក្លាយជាតំបន់ទាក់ទាញទេសចរ ព្រោះជាតំបន់ត្រជាក់ អាកាសធាតុល្អ មានផ្លូវឡើងដល់កំពូលភ្នំ ។ លោកបញ្ជាក់ថា ជាគោលការណ៍តំបន់នេះនឹងរៀបចំឱ្យក្លាយជាតំបន់ទេសចរណ៍ដ៏ស្រស់បំព្រងនាពេលអនាគត ៕
ចែករំលែកព័តមាននេះ