បា.ក់ស្រុ.តច្រាំងទន្លេ និងដា.ច់ផ្លូវបេតុង នៅសង្កាត់ព្រែកលៀប ខណ្ឌជ្រោយចង្វា
- ភ្នំពេញ
រាជធានីភ្នំពេញ ៖ ច្រាំងទន្លេមេគង្គមួយកន្លែងស្ថិតនៅម្តុំផ្សារក្រមួន ក្នុងភូមិខ្ទរ សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ បានបាក់ស្រុតដីចូលក្នុងទន្លេ និងដាច់ផ្លូវបេតុងចូលក្នុងទន្លេមេគង្គ ប្រវែងប្រហែល១០ម៉ែត្រ ។ ទោះបីជាយ៉ាងណា ពុំបណ្តាលឱ្យមនុស្សណាម្នាក់រងគ្រោះថ្នាក់ឡើយ។
លោក ព្រាប មុនី ចៅសង្កាត់ព្រែកលៀប បានឱ្យដឹងថា ការបាក់ស្រុតដីដាច់ផ្លូវនេះ បានកើតឡើងកាលពីវេលាម៉ោងប្រមាណជាង២រំលងអធ្រាត្រចូលព្រឹកថ្ងៃទី១៥ ខែតុលា ឆ្នាំ២០២៦នេះ ខណៈពេលភ្លៀងធ្លាក់យ៉ាងខ្លាំង។
នៅព្រឹកនេះដែរ លោក លីម សុភា អភិបាលនៃគណៈអភិបាលខណ្ឌជ្រោយចង្វារ អមដំណើរដោយលោក ព្រាប មុនី ចៅសង្កាត់ព្រែកលៀប, ក្រុមប្រឹក្សាសង្កាត់ ថ្នាក់ដឹកនាំភូមិ បានចុះពិនិត្យស្ថានភាពទីតាំងម្តុំផ្សារក្រមួនដែលរងការបាក់ស្រុតនោះ។
ទន្ទឹមនោះ លោកអភិបាលខណ្ឌ ក៏បានណែនាំដល់បងប្អូនប្រជាពលរដ្ឋ រស់នៅជិតទីតាំងកើតហេតុ ឱ្យមានការប្រុងប្រយ័ត្នខ្ពស់ ដើម្បីបង្ការគ្រោះថ្នាក់ដែលអាចកើតឡើងជាយថាហេតុ និងបានណែនាំដល់អាជ្ញាធរសង្កាត់ឱ្យដាក់របាំង និងស្លាកសញ្ញាសម្គាល់ហាមចេញចូល ឬឆ្លងកាត់ទីតាំងបាក់ស្រុតដី និងផ្លូវបេតុង ដើម្បីបង្ការគ្រោះថ្នាក់ផ្សេងៗផងដែរ ការបាក់ស្រុតនោះគេពុំដឹងថា បណ្តាលមកពីអ្វីឡើយ។
គួរបញ្ជាក់ថា ទីតាំងដែលមានការបាក់ស្រុតនោះ កន្លងមកតែងតែបាក់ស្រុតដីជាបន្តបន្ទាប់ចូលទៅក្នុងទន្លេមេគង្គ ។ ការបាក់ស្រុតនោះ ត្រូវគេដឹងថា បណ្តាលមកពីខ្សែទឹកហូរនៃទន្លេមេគង្គ ហូរបុកចំតំបន់នោះ និងដោយសារតែដង្ហើមទឹកហូរចេញ ដែលការបាក់ស្រុតនេះតែងតែកើតមាននៅតំបន់មួយតាមមាត់ទន្លេ និងមានការប្រែលប្រួល តាមការវិវត្តន៍នៃខ្សែទឹកទន្លេមេគង្គ ។
ការបាក់ស្រុតច្រាំងទន្លេនេះ មានតែអ្នករស់នៅតាមដងទន្លេមេគង្គដឹងច្បាស់ ព្រោះដីអ្នកខ្លះបាក់ដាច់រាប់រយម៉ែត្រ និងខ្លះដាច់កោះជា២ក៏មានដែរ ដូចជាឃុំកោះសូទិន ស្រុកកោះសូទិន ខេត្តកំពង់ចាម បានបាក់ដាច់ទឹកដីកោះជាពីរតែម្តង៕









ចែករំលែកព័តមាននេះ