ADផ្ទាំងផ្សព្វផ្សាយពាណិជ្ជកម្ម

Picture

នគរបាល​ព្រហ្មទណ្ឌ​ឃាត់ខ្លួន​មុខសញ្ញា​ចោរ​គាស់​ផ្ទះ​២​នាក់​​​កំពុង​ដើរ​រក​​អ្នកទិញម៉ូតូ​មិន​ទាន់​​ឃើញ​​

1 ខែ មុន
  • ភ្នំពេញ

រាជធានី​ភ្នំពេញ ៖ ជនសង្ស័យ​ជា​មុខសញ្ញា​ចោរលួច​គាស់​ផ្ទះ​២​នាក់ ត្រូវ​បាន​កម្លាំង​សមត្ថ​កិច្ច​ការិយាល័យ​នគរបាល​ព្រហ្មទណ្ឌ​កម្រិត​ស្រាល​រាជធានី​ភ្នំពេញ សហការ​ជាមួយ​នគរ​បាល​ខណ្ឌ​មាន​ជ័យ​ធ្វើការ​ស្រាវជ្រាវ និង​ឃាត់ខ្លួន​នៅ​ថ្ងៃ​ទី​៩ ខែតុលា ឆ្នាំ​២​០២៦ បន្ទាប់​ពី​ពួក​គេ​បាន​និងកំពុង​យក​ម៉ូតូ​២​គ្រឿង​ដើរទៅ​រក​លក់​ឲ្យ​អ្នកទិញ​មិន​ទាន់​ឃើញ​។

​ជនសង្ស័យ​ទាំង​២​នាក់ ម្នាក់​ឈ្មោះ ជាង សុខ​ជា ហៅ​ក្រៅ (​អា​ត្រេ​ន​) ភេទ​ប្រុស អាយុ​២១​ឆ្នាំ និង​ម្នាក់​ឈ្មោះ ម៉ឺ រ៉ា​មី​ត ភេទ​ប្រុស អាយុ​២៨​ឆ្នាំ​ មុខរបរ​មិន​ពិតប្រាកដ ស្នាក់​នៅ ក្នុង​ដី​ឡូត៍ ផ្លូវ​៣០​ម៉ែត្រ ភូមិ​ព្រែក​តា​គង់ ខណ្ឌមានជ័យ រាជធានី​ភ្នំពេញ ​។

សូម​បញ្ជាក់​ថា កាលពី​ថ្ងៃ​ទី​៦ ​តុលា ឆ្នាំ​២០២៦ វេលា​ម៉ោង​០០​និង​២៣​នាទី​យប់ មាន​ករណី​ចោរ​គាស់​ផ្ទះ​លួច​ម៉ូតូ​២​គ្រឿង នៅ​ចំណុច​បន្ទប់​ជួល​ភូមិ​ទួល​រកា សង្កាត់​ចាក់​អង្រែ​ក្រោម ខណ្ឌ​មាន​ជ័យ ​រាជធានី​ភ្នំពេញ​ ។ ជន​រង​គ្រោះជា​ម្ចាស់​ម៉ូតូ​ឬទាំង២​នាក់ ម្នាក់ ឈ្មោះ GHORUJ NIRUPAM ភេទ​ប្រុស អាយុ​៣៤​ឆ្នាំ ជនជាតិ​ឥណ្ឌា ស្នាក់​នៅ​បន្ទប់​ជួល ផ្លូវ​១០A ភូមិ​ទួលរ​ការ សង្កាត់​ចាក់​អង្រែ​ក្រោម ខណ្ឌមានជ័យ រាជធានី​ភ្នំពេញ​។ និង​ម្នាក់ទៀត​ឈ្មោះ ឈឿ​ន ដា​លិ ភេទ​ស្រី អាយុ​២០​ឆ្នាំ ជនជាតិ​ខ្មែរ មាន​ទីលំនៅ​បន្ទប់​ជួល ផ្លូវ​១០A ភូមិ​ទួលរ​ការ សង្កាត់​ចាក់​អង្រែក្រោម ខណ្ឌមានជ័យ រាជធានី​ភ្នំពេញ ​។

ការ​ឃាត់ខ្លួន​ជនសង្ស័យ​ជា​មុខសញ្ញា​ចោរ​គាស់​ផ្ទះ​ខាងលើ​នេះ ត្រូវ​បាន​លោក​វរសេនីយ៍ឯក ម៉​ម សា​វន នាយការិយាល័យ​នគរ​បាល​ព្រហ្មទណ្ឌ​កម្រិត​ស្រាល​រាជធានី​ភ្នំពេញ ឲ្យ​ដឹង​​ថា ក្រោយ​ពី​ចោរ​ធ្វើ​សកម្មភាព​គាស់​បន្ទប់​លួច​ម៉ូតូ​អស់​២​គ្រឿង ជន​រង​គ្រោះ​បាន​ដាក់​ពាក្យបណ្តឹង​នៅ​សមត្ថ​កិច្ច​នគរបាល​មូលដ្ឋាន បន្ទាប់​មក​សមត្ថ​កិច្ច​មូលដ្ឋាន​បាន​សហការ​ជាមួយ​កម្លាំង​ជំនាញ​ធ្វើការ​ស្រាវជ្រាវ​ឈាន​ដល់​ការ​ឃាត់ខ្លួន​ជនសង្ស័យ​២​នាក់ ព្រមទាំង​ដក​ហូត​ម៉ូតូ​២​គ្រឿង​ប្រគល់​ជូន​ជន​រង​គ្រោះ​វិញ ​។ ចំណែក​ជនសង្ស័យ​ត្រូវ​បាន​កសាង​សំណុំ​រឿង​បញ្ជូន​ទៅ​សាលាដំបូង​រាជធានី​ភ្នំពេញ​តាម​នីតិវិធី​៕