រាជធានីភ្នំពេញ ៖ នាថ្ងៃទី២១ ខែកញ្ញា ឆ្នាំ២០២៦ ក្រុមការងារបានសហការឱ្យក្រុមហ៊ុនបានស្ទូចស៊ីទែនប្រេងទាំង ៥ ដែលធ្លាក់ចេញពីផ្លូវរថភ្លើង ចេញពីទីតាំងឧបទ្ទវហេតុ។ ក្រុមការងារបានបន្តធ្វើការងារជាមួយ ក្រុមហ៊ុន ធ្វើការសម្អាតសំណល់ប្រេង នៅលើដីទីតាំងចំណីផ្លូវរថភ្លើងប្រវែង ២២០ម៉ែត្រ ដោយកាយយករុក្ខជាតិតូចៗ កាយដីប្រឡាក់សំណល់ប្រេង និងដាក់ពង្រាយចំបើង ស្របតាមបទដ្ឋានបច្ចេកទេសការពារការសាយភាយតំណក់ប្រេងជ្រាបចេញ ពីកន្លែងកើតហេតុ។ ក្រុមការងារងារបាន ចាត់ធានការជាមួយក្រុមហ៊ុន ធ្វើការដាក់ខណ្ឌជារនាំងឈើមួយចំនួនបន្តទៀត នៅតាមមុខលូប្រឡាយទាំងអស់ ដើម្បីការពារការហូរទៅទីតាំងផ្សេងទៀត ។
ក្រុមការងារបន្តដាក់ចេញវិធានការចំពោះមុខ ៖
- សហការជាមួយអាជ្ញាធរមូលដ្ឋាន បន្តទប់ស្កាត់ និងហាមឃាត់ប្រជាពលរដ្ឋចូលមកដួសយកប្រេង។
- ជំរុញឱ្យក្រុមហ៊ុនដឹកជញ្ជូន ធ្វើការសម្អាតសំណល់ប្រេងនៅលើដីចំណីរថភ្លើង ចំនួនបីតំបន់។ ក្រុមការងារបច្ចេកទេស បានធ្វើការជាមួយក្រុមហ៊ុន ជីករណ្តៅចំនួនបីកន្លែង ដើម្បីបង្ហូរសំណល់ប្រេងចូល ងាយស្រួលក្នុងការបូមនិងសម្អាត។
- ក្រុមការងារបានបន្តសហការរៀបចំដាក់រនាំងទប់ស្កាត់នៅតាមប្រឡាយ និងបានពន្លឿនដំណើរការសម្អាតប្រេង បន្ថែមកម្លាំងកម្មករ និងគ្រឿហចក្រ សំដៅកាត់បន្ថយហនិភ័យ នៃការហូរសំណល់ប្រេងទៅទីតាំងផ្សេង ជាពិសេសនៅពេលភ្លៀង៕
ចែករំលែកព័តមាននេះ