ឃាត់ខ្លួនជនសង្ស័យ ២នាក់ សង្ស័យពាក់ព័ន្ធករណីក្លែ.ងប.ន្លំជាមន្ត្រីនគរបាល
- ព្រះសីហនុ
ខេត្តព្រះសីហនុ ៖ អនុវត្តតាមអនុសាសន៍ដ៏ខ្ពង់ខ្ពស់របស់ឯកឧត្តមនាយឧត្តមសេនីយ៍ ស ថេត អគ្គស្នងការនគរបាលជាតិ និងក្រោមការដឹកនាំចង្អុលបង្ហាញរបស់ ឯកឧត្តម ឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុ នៅថ្ងៃទី១៥ ខែកញ្ញា ឆ្នាំ២០២៦ កម្លាំងជំនាញការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តព្រះសីហនុ បានឃ្លាត់ខ្លួនជនសង្ស័យចំនួន ២នាក់ ភេទប្រុស ជនជាតិខ្មែរ សង្ស័យពាក់ព័ន្ធ នឹងករណីក្លែងបន្លំជាមន្ត្រីនគរបាល ដើរឆែកលិខិតឆ្លងដែនរបស់ភ្ញៀវនៅក្នុងកាស៊ីណូមួយកន្លែងស្ថិតនៅក្នុងក្រុងព្រះសីហនុ ។
ជនសង្ស័យចំនួន២នាក់ រួមមាន ១-ឈ្មោះ ហម សាវី ភេទប្រុស អាយុ២៥ឆ្នាំ ជនជាតិខ្មែរ ស្នាក់នៅភូមិ៣ សង្កាត់លេខ២ ក្រុងព្រះសីហនុ ខេត្តព្រះសីហនុ និង២-ឈ្មោះ ថៃ រដ្ឋា ភេទប្រុស អាយុ៤០ឆ្នាំ ជនជាតិខ្មែរ ស្នាក់នៅភូមិ១ សង្កាត់លេខ៣ ក្រុងព្រះសីហនុ ខេត្តព្រះសីហនុ ។
វត្ថុតាងចាប់យកបានរួមមាន ៖
-ទូរស័ព្ទ១គ្រឿង។
-នាឡិកាដៃ១គ្រឿង។
-ម៉ូតូ១គ្រឿង ម៉ាក SCOOPY ពណ៌ក្រហម ពាក់ផ្លាកលេខ ភ្នំពេញ 2AX-0444 ។
បច្ចុប្បន្ន ជនសង្ស័យទាំង២នាក់ខាងលើ ត្រូវបានឃាត់ខ្លួននៅស្នងការដ្ឋាននគរបាលខេត្តព្រះសីហនុ ដើម្បីសាកសួរ និងបន្តនីតិវិធី ៕
ចែករំលែកព័តមាននេះ