អាសូរ! ម្ចាស់ហាងម្ហូបចិន វ័យចំណាស់ម្នាក់ ឡើងលើដំបូលពិនិត្យបំពង់បឺតផ្សែង និងជួសជុលកន្លែងជ្រាបទឹក ស្រាប់តែជួបគ្រោះអកុស.ល ត្រឹមមួយប៉ប្រិចភ្នែក
- ភ្នំពេញ
រាជធានីភ្នំពេញ ៖ បុរសវ័យជាង៥០ឆ្នាំម្នាក់ ជាម្ចាស់ហាងម្ហូបចិន ឡើងទៅជួសជុលបំពង់បឺតផ្សែង ក៏ជាន់ចំដំបូលពុកផុយ បណ្តាលឱ្យធ្លាក់ចុះមកក្រោម បោកក្បាលស្លាប់ កាលពីព្រឹកថ្ងៃទី២០ ខែកញ្ញា ឆ្នាំ២០២៦ នៅចំណុចផ្សារចិន «ច្រកចូលកោះពេជ្រ» ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
តាមប្រភពព័ត៌មានពីប្រជាពលរដ្ឋនៅកន្លែងកើតហេតុបានឱ្យដឹងថា ជនរងគ្រោះគឺជាម្ចាស់ហាងម្ហូបចិននៅទីតាំងខាងលើ។ មុនពេលកើតហេតុ ជនរងគ្រោះបានឡើងទៅលើដំបូល ក្នុងគោលបំណងពិនិត្យបំពង់បឺតផ្សែងដែលមិនដំណើរការ និងជួសជុលកន្លែងជ្រាបទឹក។ ជាអកុសល ជនរងគ្រោះបានជាន់ចំដំបូលដែលពុកផុយ បណ្តាលឱ្យធ្លុះធ្លាក់មកចុះក្រោម បាក់កដៃ និងបោកក្បាលស្លាប់នៅនឹងកន្លែងកើតហេតុតែម្តង ។
ក្រោយកើតហេតុ កម្លាំងសមត្ថកិច្ចមូលដ្ឋាន សហការជាមួយមន្ត្រីជំនាញនៃកោសល្យវិច្ច័យ និងវិទ្យាសាស្ត្រ នៃស្នងការដ្ឋាននគរបាលរាជធានីភ្នំពេញ បានចុះពិនិត្យសាកសព និងប្រគល់ជូនសាច់ញាតិដើម្បីយកទៅធ្វើបុណ្យតាមប្រពៃណី ៕
ចែករំលែកព័តមាននេះ