អាសូរណាស់! មិនចេះឆ.ក់ត្រី តែជីវភាពខ្វះខាតពេក ក៏ទៅឆ.ក់ ស្រាប់តែជួបគ្រោះអកុស.ល ចោលប្រពន្ធទើបឆ្លងទន្លេ និងកូនតូចៗ ៣នាក់
- កណ្តាល
ខេត្តកណ្តាល ៖ អាសូរណាស់ ដោយសារគ្រួសារមានជីវភាពខ្វះខាត បុរសម្នាក់បានបង្ខំចិត្តទៅឆក់ត្រីទាំងដែលខ្លួនមិនដែលចេះឆក់ត្រី បណ្តាលអោយភ្លាត់ស្នៀតឆក់ខ្លួនឯងស្លាប់ចោលប្រពន្ធទើបឆ្លងទន្លេកូនទី៣រួច ។
ហេតុការណ៍ខាងលើនេះ បង្កអោយមានការភ្ញាក់ផ្អើលកើតឡើងកាលពីវេលាម៉ោងប្រហែល៩យប់ ថ្ងៃទី៥ ខែកញ្ញា ឆ្នាំ២០២៦ នៅចំណុចវាលខាងលិចស្ពានជប៉ុនទី២ ស្ថិតក្នុងភូមិពោធិ៍មៀវ ឃុំគគីរធំ ស្រុកកៀនស្វាយ ខេត្តកណ្តាល។
ជនរងគ្រោះឈ្មោះ ឆាយ សុង ភេទប្រុស អាយុ៣៤ឆ្នាំ មុខរបរកម្មករ មានប្រពន្ធឈ្មោះ សុខ សុប៊ុន អាយុ២៩ឆ្នាំ មុខរបរមេផ្ទះ មានកូនតូចៗប្រុសស្រីក្នុងបន្ទុកចំនួន៣នាក់ ។ គ្រួសារនេះរស់នៅភូមិ-ឃុំកើតហេតុខាងលើ។
តាមប្រភពបានអោយដឹងថា ជនរងគ្រោះជាមនុស្សស្លូតត្រង់ និងចេះតស៊ូអត់ធ្មត់ឧស្សាហ៍នឹងការងារណាស់ មានថាការងារអ្វី ក៏គាត់ធ្វើដែរ អោយតែគេហៅអោយធ្វើ មិនចេះរើសការងារឡើយ មិនថាលីសែង ឬបើកម៉ាស៊ីនបូតពោតនោះទេ ដើម្បីរកប្រាក់ចំណូលផ្គត់ផ្គង់ជីវភាពគ្រួសារប្រចាំថ្ងៃ ព្រោះគ្រួសារគាត់មានជីវភាពខ្វះខាតខ្លាំងណាស់ សូម្បីទីជម្រកគឺរស់នៅក្នុងកូនខ្ទមប្រក់ស័ង្កសីកញ្ចាស់ធ្លុះធ្លាយលើដីសុំគេស្នាក់បណ្តោះអាសន្ន ១គ្រែ ដេករួមគ្នា៥នាក់ប្រពន្ធកូន ។ ពេលមេឃធ្លាក់ភ្លៀងខ្យល់ម្តងៗនាំប្រពន្ធកូនងើបអង្គុយឃ្លុំភួយ ។
ប្រភពដដែលបន្តថា នៅមុនពេលកើតហេតុ ជនរងគ្រោះមកពីធ្វើកម្មករគេវិញ ក៍បានរៀបចំអាគុយស្ពាយដាក់ដុំឆក់ទៅឆក់ត្រីនៅវាលខាងក្រោយផ្ទះចម្ងាយប្រហែល១គីឡូដី ដើម្បីរកត្រីទុកធ្វើម្ហូបអោយប្រពន្ធកូនខ្ចីហូបព្រឹកឡើង មុនពេលគាត់ចេញទៅធ្វើការ តែជាអកុសល ដោយសារតែជនរងគ្រោះមិនធ្លាប់ឆក់ត្រី តែឃើញគេរស់នៅក្បែរខាង រកត្រីបាន ទើបធ្វើអោយជនរងគ្រោះទៅរកត្រីតាមគេតាមឯង ក៍ភ្លាត់ស្នៀតឆក់ខ្លួនឯងស្លាប់ចោលប្រពន្ធកូនខ្ចីគួរអោយសង្វែគ ។
អ្វីដែលគួរអោយសង្វែគទៀតនោះ គឺគ្រួសារជនរងគ្រោះមានជីវភាពខ្វះខាតខ្លាំងណាស់ អត់មានលុយក្នុងការរៀបចំធ្វើបុណ្យអោយប្តីនោះទេ គឺបានអ្នកជិតខាងអាណិតអាសូរជួយលុយទិញធូប ទាន តែ ស្ករ ហើយអត់លុយជួលមេរុបូជាសពប្តី ទើបលោកតាអាចារ្យ និងអ្នកភូមិជួយជ្រោមជ្រែង នាំគ្នាកាប់ដើមចេកធ្វើកន្លែងបូជាសពប្តី នៅល្ងាចថ្ងៃទី៦ ខែកញ្ញា នេះហើយ៕
ចែករំលែកព័តមាននេះ