ឃាត់ខ្លួនក្រុមរហស្សនាម KV ជិត១០នាក់ ធ្វើសកម្មភាពកា.ប់ទៅលើជនរងគ្រោះ នៅស្រុកចន្ទ្រា និងស្រុកកំពង់រោទិ៍
- ស្វាយរៀង
ខេត្តស្វាយរៀង ៖ សមត្ថកិច្ចចុះបង្ក្រាបក្រុមក្មេងទំនើងចំនួន៩នាក់ ដែលតែងតែធ្វើសកម្មភាពដេញកាប់អ្នកធ្វើដំណើរតាមដងផ្លូវក្នុងទឹកដីស្រុកចន្ទ្រា និងស្រុកកំពង់រោទ៌ ត្រូវសមត្ថកិច្ចចាប់ឃាត់ខ្លួនចាត់ការតាមនីតិវិធី។
បើតាមសមត្ថកិច្ចស្រុកចន្ទ្រាបានឲ្យដឹងថា ដោយបានទទួលព័ត៌មានពីលោកគ្រូពេទ្យមណ្ឌលសុខភាពច្រេសថា មានក្រុមក្មេងមួយក្រុម បាននាំអ្នករបួសក្បាល មកព្យាបាលរបួស នៅមណ្ឌលសុខភាពច្រេស។
ក្រោយពីទទួលបានព័ត៍មានខាងលើភ្លាម សមត្ថកិច្ចនៃអធិការដ្ឋាននគបាលស្រុកចន្ទ្រាចុះទៅដល់មណ្ឌលសុខភាពច្រេស ធ្វើការសាកសួរជនរងគ្រោះ រហូតឈានដល់ការបង្ក្រាបចាប់ខ្លួនជនសង្ស័យ មានរហស្សនាមក្រុម KV ចំនួន០៩នាក់។
នៅចំពោះមុខសមត្ថកិច្ច ពួកគេបានឆ្លើយសារភាពថា ពួកគេពិតជាបានកាប់ទៅលើជនរងគ្រោះប្រាកដមែន។
បច្ចុប្បន្នជនសង្ស័យ ត្រូវបានសមត្ថកិច្ចកសាងសំណុំរឿងបញ្ជូនមកស្នងការនគបាលខេត្តចាត់ការបន្តតាមនីតិវិធី ៕
ចែករំលែកព័តមាននេះ