រាជធានីភ្នំពេញ ៖ តារាចម្រៀងនាង ឈីន រតនៈ បានសម្តែងការហួសចិត្តយ៉ាងខ្លាំង ក្នុងពេលដែលនាងបានដឹងថា មាននារីម្នាក់បានដើរនិយាយភូតភរគេថា ជាប្អូនស្រីរបស់នាង ក្នុងន័យបោកប្រាស់គេ ដើម្បីទាញយកផលប្រយោជន៍ផ្ទាល់ខ្លួន ។
ដោយមិនបញ្ចេញអត្តសញ្ញាណ និងមុខមាត់ពីនារីដែលធ្វើសកម្មភាពខាងលើជាសាធារណៈ ប៉ុន្តែតារាចម្រៀងស្រីរូបនេះបានប្រកាសពីដំណឹងដោយបើកចំហរ ដើម្បិការពារខ្លួន ក្នុងករណីនារីរូបនោះនៅបន្តធ្វើរឿងមិនល្អ ក្នុងពេលដែលរូបនាង និងនារីរូបនោះមិនដែលស្គាល់គ្នា ឬជាប់សាច់ឈាមគ្នានោះឡើយ ។
ឈីន រតនះ បានអះអាងថា នាងខ្ញុំមានការហួសចិត្តយ៉ាងខ្លាំង ដោយមាននារីម្នាក់បានដើរប្រាប់គេពេញហ្នឹងថាគាត់ជាប្អូនស្រីរបស់ខ្ញុំ ទាំងដែលខ្ញុំមិនដែលស្គាល់និងមិនដែលជួបគាត់សោះ ។
នាងបន្តថា ប្រើសម្ថភាពខ្លួនឯងទៅទើបមានតម្លៃ កុំព្រោះតែចង់បានការងារដើរកុហក់គេ កុហក់មហាជនបែបនេះ ។
នាងខ្ញុំសូមជម្រាបបងប្អូនទាំងអស់គ្នាថា នាងខ្ញុំជា ( កូនពៅ ) មិនមានប្អូនស្រីទេ នាងខ្ញុំចាំបាច់ Post នេះដើម្បីការពារខ្លួន ការពារខ្លាចបុគ្គលនោះ ជាមនុស្សមិនល្អដើរយកឈ្មោះជាបងប្អូនរបស់នាងខ្ញុំដើម្បីបោកបញ្ឆោតបងប្អូន ឫធ្វើរឿងមិនគួរគាប្បីផ្សេងៗទៀត ។
នាងបញ្ជាក់ថា ខ្ញុំមិនកំណាញ់ទេ បើធ្លាប់ស្គាល់គ្នា តែនេះមិនដឹងមនុស្សបែបណាផង មិនដែលស្គាល់សោះ ។
គួរបញ្ជាក់ថា ឈីន រតនះ បានចាប់ផ្តើមប្រឡូកក្នុងវិស័យសិល្បះ បន្ទាប់ពីនាងបានក្លាយជាបេក្ខនារីជុំចុងក្រោយ កម្មវិធីប្រឡង The Voice Cambodia រដូវកាលទី២ ។
ឈីន រតនៈ មានដើមកំណើតមកពីខេត្តកំពង់ចាម និងមានបងប្អូនចំនួន ៣ នាក់ ខណះនាងជាកូនពៅ សព្វថ្ងៃ រស់នៅជាមួយអ្នកម្ដាយ និងបងប្អូនប្រុសស្រីពីរនាក់ទៀត ដោយពុំមានការឃុំគ្រងពីលោកឪពុកនោះទេ ព្រោះឪពុករបស់នាងបានចែកផ្លូវគ្នាជាមួយម្ដាយ តាំងពីនាងនៅកុមារភាពម្ល៉េះ។
បច្ចុប្បន្ន ឈីន រតនះ គឺជាតារាចម្រៀងនៅក្នុងផលិតកម្មហង្សមាស និងកំពុងចាប់ឈោងភាពល្បីល្បាញនៅអាជីពចម្រៀងរបស់នាង ដោយនាងទីផ្សារការងារជាហូហែស្ទើមិនដាច់សួរ ។
ភាពល្បីល្បាញ និងទីផ្សារកាន់តែច្រើននេះបានធ្វើអោយ ឈីន រតនះ បានកែប្រែជីវភាពពីការលំបាកមកភាពហុឺហារ ខណះពេលរូបសម្រស់របស់នាងក៏បានប្រែប្រួលយ៉ាងស្រស់ស្អាតផងដែរ ៕
ចែករំលែកព័តមាននេះ