មន្ត្រីច្រកទ្វារអន្តរជាតិប៉ោយប៉ែតទទួលពលរដ្ឋខ្មែរប្រុស-ស្រីសរុបចំនួន៧១នាក់ដែលថៃបញ្ជូនមកកម្ពុជាវិញ
- បន្ទាយមានជ័យ
ខេត្តបន្ទាយមានជ័យ ៖ សមត្ថកិច្ចច្រកទ្វារអន្រជាតិប៉ោយប៉ែត បានទទួលពលរដ្ឋខ្មែរប្រុស-ស្រីចំនួន៧១នាក់ ដែលអាជ្ញាធរថៃបញ្ជូនមកកម្ពុជា នៅថ្ងៃទី០៧ ខែសីហា ឆ្នាំ២០២៦ នេះ ។
សមត្ថកិច្ចបន្តថា ដោយអនុវត្តតាមបទបញ្ជារបស់លោកឧត្ដមសេនីយ៍ត្រី អុី ចំរើន នាយប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត ដោយមានការអញ្ជើញចូលរួមពីលោកវរសេនីយ៍ឯក ហង្ស រតនា អនុប្រធានការិយាល័យទំនាក់ទំនងព្រំដែនកម្ពុជា-ថៃ និងស្ថាប័នពាក់ព័ន្ធ ប៉ុស្តិ៍បានទទួលពលរដ្ឋខ្មែរ ដែលអាជ្ញាធរថៃបញ្ជូនត្រឡប់មកវិញ តាមច្រកទ្វារព្រំដែនអន្តរជាតិប៉ោយ
ប៉ែត ខេត្តសរុបចំនួន៧១នាក់ ក្នុងនោះ ស្រី២៣នាក់ និងកុមារ០២នាក់ ។
ជាមួយគ្នានេះផងដែរ ប៉ុស្តិ៍បានចែកអាហារសម្រន់ដល់ពួកគាត់មានបាយសាច់ជ្រូក ពងទាខ ០១ប្រអប់ និងទឹកសុទ្ធតាមតម្រូវការរបស់គាត់គ្រប់ៗគ្នា បន្ទាប់មក ជួយដឹកជញ្ជូនពួកគាត់យកទៅប្រគល់ជូនមន្ត្រីនៃមជ្ឈមណ្ឌលសំចតប៉ោយប៉ែត ដើម្បីអនុវត្តនីតិវិធីបន្ត ៕
ចែករំលែកព័តមាននេះ