ជនសង្ស័យម្នាក់លួ.ចកាត់ខ្សែភ្លើង ត្រូវសមត្ថកិច្ចស្រុកលើកដែកឃាត់ខ្លួន រួមជាមួយវត្ថុតាង
- កណ្តាល
ខេត្តកណ្តាល ៖ ដោយអនុវត្តតាមបទបញ្ជាពីសំណាក់លោកឧត្តមសេនីយ៍ទោ ឈឿន សុខចិត្ត ស្នងការនគរបាលខេត្តកណ្តាល និងលោក អាំ ធូ អធិការនគរបាលស្រុកលើកដែក ក្នុងការរក្សាការពារសន្តិសណ្តាប់ជូនបងប្អូនប្រជាពលរដ្ឋក្នុងមូលដ្ឋាន កាលពីថ្ងៃទី៥ ខែសីហា ឆ្នាំ២០២៦ វេលាម៉ោង១១ និង២០នាទី កម្លាំងប៉ុស្តិ៍នគរបាលរដ្ឋបាលកំពង់ភ្នំ ស្រុកលើកដែក ខេត្តកណ្តាល បានធ្វើការឃាត់ខ្លួនជនសង្ស័យម្នាក់បញ្ជូនទៅជំនាញនគរបាលព្រហ្មទណ្ឌស្រុក ពាក់ព័ន្ធ ករណី÷អំពើលួចសកម្ម(កាត់ខ្សែភ្លើង និងប្រើប្រាស់ដោយខុសច្បាប់នូវសារធាតុថ្នាំញៀន នៅត្រង់ចំណុចភូមិកំពង់ពោធិ៍ ឃីកំពង់ភ្នំ ស្រុកលើកដែក។
ជនសង្ស័យដែលសមត្ថកិច្ចឃាត់ខ្លួនមាន ឈ្មោះ សឿន សំណាង ហៅ(អាផ្លយ)ភេទប្រុស អាយុ២៣ឆ្នាំជនជាតិខ្មែរ មុខរបរមិនពិតប្រាកដ មានទីលំនៅភូមិ-ឃុំខាងលើ មានសារធាតុញៀនក្នុងទឹកនោម។
វត្ថុតាងចាប់យករួមមាន÷
-បង្គោលបំពង់ទីបដែក១ដើម ប្រវែង៦ម៉ែត្រ
-ខ្សែភ្លើងញូម ប្រវែង២៥ម៉ែត្រ
-កណ្តៀវផ្លែដែក ដងជ័រ ចំនួន០១
-និងមធ្យោបាយកង់សម្រាប់ជិះធ្វើសកម្មភាព០១គ្រឿង
បច្ចុប្បន្ន វត្ថុតាងនឹងជនសង្ស័យត្រូវឃាត់ខ្លួននៅផ្នែកជំនាញដើម្បីបន្តនិតិវិធិ ៕
ចែករំលែកព័តមាននេះ