រឿងសុំបែកមិនព្រម! ផ្ទុះជម្លោះ ខាងប្រុសចា.ក់សម្លាប់សង្សារ រួចចាក់ខ្លួនឯងតាមក្រោយ ស្លា.ប់ទាំង២នាក់ ផ្អើលក្នុងផ្សារលើ ខេត្តព្រះសីហនុ
- ព្រះសីហនុ
ខេត្តព្រះសីហនុ ៖ ស្ត្រីម្នាក់បានស្លា.ប់ ភ្លាមៗ ក្នុងថ្លុកឈា.ម ក្រោយសុំបែកគ្នាពីបុរសជាសង្សា ហើយក៏បានឈ្លោះគ្នា រួចខាងប្រុសយកកាំបិតចុងស្រួចចាក់សម្លាប់ស្ត្រីមុន រួចចាក់សម្លា.ប់ ខ្លួនឯងតាមក្រោយ ។
ករណីនេះបានកើតហេតុនៅវេលាម៉ោង ០៧ និង ៣០នាទីយប់ថ្ងៃទី៣០ ខែកក្កដា ឆ្នាំ២០២៦ នេះ នៅក្នុងផ្សារលើ ស្ថិតក្នុងភូមិ២ សង្កាត់៤ ក្រុងព្រះសីហនុ ខេត្តព្រះសីហនុ ។
តាមព័ត៌មានបឋមបានឱ្យដឹងថា មុនពេលកើតហេតុ ពួកគេបានឈ្មោះគ្នា ដោយអ្នកនៅកន្លែងកើតហេតុឮថា ខាងស្រីសុំបែក តែខាងប្រុស មិនព្រម ក៏កើតជាជម្លោះឈ្លោះគ្នាឡើង ហើយខាងប្រុសបានយកកាំបិតចុងស្រួចចាក់លើខាងស្រី ចំដៃ មុខ ក្បាល ជាច្រើនកាំបិត បណ្តាលឲ្យស្លា.ប់ ផ្កាប់មុខភ្លាមៗ ក្នុងថ្លុកឈា.ម រួចខាងប្រុសចាក់សម្លាប់ខ្លួនឯងតាមក្រោយដែរ បណ្តាលឱ្យរងរបួសធ្ងន់ធ្ងរ ក្រោយមកបានស្លា.ប់ ពេលបញ្ជូនដល់មន្ទីរពេទ្យ ។
ស្ត្រីរងគ្រោះខាងលើ ជាជនជាតិខ្មែរ និង ជាបុគ្គលិក នំបញ្ចុកស្រុះវៀតណាម ក្នុងផ្សារលើ និង មានស្រុកកំណើត នៅខេត្តក្រចេះ ចំណែកខាងប្រុសពុំទាន់ស្គាល់អត្តសញ្ញាណនោះទេ ។
បច្ចុប្បន្ន សពជនរងគ្រោះទាំង២នាក់ ត្រូវបានសមត្ថកិច្ចពិនិត្យកោសល្យវិច្ច័យរួមហើយ និង កំពុងតម្កល់ទុក នៅសាលសព នៃមន្ទីរពេទ្យបង្អែកខេត្តព្រះសីហនុ ដើម្បីរងចាំសាច់ញាតិមកទទួលយកទៅធ្វើបុណ្យតាមប្រពៃណី ៕
ចែករំលែកព័តមាននេះ