រន្ធ.ត់ទាំងព្រឹកព្រលឹម! បុគ្គលិកធនាគារ១រូប ស្លា.ប់ ក្នុងគ្រោះថ្នា.ក់ចរាចរណ៍រវាងរថយន្តបុ.កជាមួយម៉ូតូ
- កំពត
ខេត្តកំពត ៖ តាមប្រភពព័ត៌មានបឋមបានឱ្យដឹងថា មានករណីគ្រោះថ្នាក់ចរាចរណ៍ដ៏រន្ធត់មួយរវាងរថយន្ត និងម៉ូតូ បណ្ដាលឱ្យបុគ្គលិកបម្រើការងារនៅធនាគារអេស៊ីលីដាម្នាក់ បានបាត់បង់ជីវិតភ្លាមៗនៅនឹងកន្លែងកើតហេតុ កាលពីវេលាម៉ោង ៦និង២០ នាទីព្រឹកព្រលឹម ថ្ងៃទី២៩ ខែកក្កដា ឆ្នាំ២០២៦ លើកំណាត់ផ្លូវជាតិលេខ៣១ ស្ថិតក្នុងភូមិត្រពាំងមន្ត្រី ឃុំសំរោងក្រោម ស្រុកបន្ទាយមាស ខេត្តកំពត។
តាមប្រភពព័ត៌មានពីប្រជាពលរដ្ឋនៅកន្លែងកើតហេតុបានឱ្យដឹងថា មុនពេលកើតហេតុ គេបានឃើញជនរងគ្រោះជាបុគ្គលិកធនាគារអេស៊ីលីដា បានជិះម៉ូតូមួយគ្រឿងក្នុងទិសដៅពីជើងទៅត្បូង លុះមកដល់ចំណុចកើតហេតុខាងលើ ក៏មានរថយន្តមួយគ្រឿងបើកបរក្នុងទិសដៅបញ្ច្រាសគ្នា (ពីត្បូងទៅជើង) បានជ្រុលទៅបុកម៉ូតូរបស់បុគ្គលិកធនាគាររូបនោះយ៉ាងពេញទំហឹង បណ្ដាលឱ្យជនរងគ្រោះស្លាប់បាត់បង់ជីវិតភ្លាមៗ និងបង្កការភ្ញាក់ផ្អើលយ៉ាងខ្លាំងដល់អ្នកធ្វើដំណើរឆ្លងកាត់ និងប្រជាពលរដ្ឋរស់នៅជិតខាង។
ក្រោយកើតហេតុ កម្លាំងសមត្ថកិច្ចមូលដ្ឋានបានចុះទៅដល់ទីតាំងកើតហេតុ ដើម្បីពិនិត្យវាស់វែង និងសម្រួលចរាចរណ៍។ ចំពោះមធ្យោបាយធ្វើដំណើរទាំង២គ្រឿង ត្រូវបានសមត្ថកិច្ចវាស់វែង និងយកទៅរក្សាទុកនៅអធិការដ្ឋាននគរបាលស្រុកបន្ទាយមាស ជាបណ្ដោះអាសន្ន ដើម្បីរង់ចាំធ្វើការដោះស្រាយទៅតាមនីតិវិធី ៕
ចែករំលែកព័តមាននេះ