បុរសម្នាក់តាមលូកលាន់ប្រពន្ធគេ ត្រូវប្តីគេទា.ញកាំ.បិ.តផ្គាក់កា.ប់.រ.បួ.សធ្ងន់
- មណ្ឌលគិរី
ខេត្តមណ្ឌលគិរី ៖ បុរសម្នាក់បានរងរបួសយ៉ាងធ្ងន់ធ្ងរ ដោយសារតាមលូកលាន់ប្រពន្ធគេជាច្រើនលើកច្រើនសារ ក៏ត្រូវនាងប្រាប់ប្តី ហើយកើតភ្លើងប្រចណ្ឌទាញកាំបិតផ្គាក់កាប់ចំជាច្រើនកន្លែង ។ រំលងបានមួយថ្ងៃ ត្រូវសមត្ថកិច្ចឃាត់ខ្លួនជនដៃដល់.ដល់នៅផ្ទះ បញ្ជូនទៅសាលាដំបូងខេត្ត ។
ហេតុការណ៍នេះ បានកើតឡើងកាលពីវេលាម៉ោង១១នាទីយប់ថ្ងៃទី៩ ខែកក្កដា ឆ្នាំ២០២៦ ត្រង់ចំណុចខ្ទមចំការក្បែរអូរតេរស្ថិតក្នុងភូមិពូទុង ឃុំចុងផ្លាស់ ស្រុកកែវសីមា ខេត្តមណ្ឌលគិរី ។
ប្រភពពីសមត្ថកិច្ចប៉ុស្តិ៍នគរបាលរដ្ឋបាលឃុំចុងផ្លាស់បានឱ្យដឹងថា ជនរងគ្រោះរបួសធ្ងន់ឈ្មោះ ស្រ៊ាង រស់នៅភូមិឃុំខាងលើ។រីឯជនបង្កឈ្មោះ សុខ ង៉េន ភេទប្រុស អាយុ៣៩ឆ្នាំ ជនជាតិខ្មែរ រស់នៅភូមិឃុំជាមួយគ្នា ហើយត្រូវបានឃាតខ្លួនបញ្ជូនទៅប៉ុស្តិ៍រដ្ឋបាលឃុំចុងផ្លាស់ ។
ក្រោយឃាត់ខ្លួនជនបង្កបានសារភាពប្រាប់សមត្ថកិច្ចថា ក្រោយពីខ្លួនមកពីដាក់បង្កៃនៅអូរតេរ វេលាម៉ោងប្រហែលជាម៉ោង១១ទៅ១២យប់ ខ្ញុំក៏ឃើញឈ្មោះ ស្រ៊ាង ឈរនៅជិតខ្ទម ដោយខ្ញុំមិនបានហៅវាមកទេ បន្ទាប់មកប្រពន្ធខ្ញុំមកប្រាប់ខ្ញុំថា អាស្រ៊ាង វាលូកលាន់ខ្ញុំជាច្រើនដងហើយ ខ្ញុំក៏ខឹងភ្លាម ក៏ទៅយកកាំបិតផ្គាក់ដែលផ្អែកជិតគ្រែ កាប់ទៅលើឈ្មោះស្រ៊ាង ចំនួន៥កាំបិត។ គោលបំណងរបស់ខ្ញុំ គឺកាប់ឱ្យវារាង កុំឱ្យវាមករកប្រពន្ធខ្ញុំទៀត។
ចំណែកប្រពន្ធរបស់ខ្ញុំក៏ឃាត់ខ្ញុំឱ្យឈប់កាប់ទៀតអី ខ្ញុំក៏នាំប្រពន្ធកូនមកផ្ទះវិញដោយទុកឈ្មោះស្រ៊ាង ដែលខ្ញុំកាប់នោះចោល នៅលើគ្រែ លុះដល់ថ្ងៃទី១០ កក្ដដា ឆ្នាំ២០២៦ វេលាម៉ោងប្រហែល១០ និង៣៥នាទី ក៏មានសមត្ថកិច្ចមកចាប់ខ្លួនខ្ញុំយកមកប៉ុស្តិ៍តែម្តង ។ សមត្ថកិច្ចបានធ្វើកំណត់ហេតុបញ្ជូនទៅសាលាដំបូងខេត្តមណ្ឌលគិរីចាត់ការបន្ត ៕
ចែករំលែកព័តមាននេះ