ឱ្យតែថ្ងៃសីលសត្វស្វាទាំងហ្វូង មានទាំងឱបកូនតូចធំ ចុះមករង់ចាំចំណីសេសសល់
- កំពត
ខេត្តកំពត ៖ សត្វស្វាជាច្រើនក្បាលអោយតែថ្ងៃសីល ឬថ្ងៃខែដាច់ ពួកវាបាននាំកូនតូចកូនធំចុះមកពីលើភ្នំទទុង រង់ចាំរហង់ដោយខ្លះលោតចុះឡើងនៅលើផ្ទាំងថ្ម ក្បែរវត្តគុហារលួង ឬហៅវត្តស្រះស្រង់ ស្ថិតក្នុងភូមិច្រកឃ្លៃឃុំ ទូកមាសខាងលិច ស្រុកបន្ទាយមាស និងសត្វស្វាមួយហ្វូងទៀតក៏នាំគ្នាចុះពីលើភ្នំតូច មករង់ចាំចំណីនៅវត្តភ្នំតូច ក្នុងស្រុកដងទង់ ខេត្តកំពត ផងដែរ ។សូមបញ្ជាក់ថា វត្តទាំងពីខាងលើនេះ សុទ្ធតែនៅក្បែរជើងភ្នំដូចគ្នា ។
បើតាមការរៀបរាប់ពីដូនជីម្នាក់នៅវត្តភ្នំតូច បានអោយដឹងថា ពីមុនវត្តនេះមិនសូវមានសត្វស្វាទេ តែដោយសារគេបំផ្ទុះថ្មភ្នំខ្ទរខ្ទាខ្លាំងពេក ពួកវាបានរត់មកនៅភ្នំតូចនេះជាបន្តបន្ទាប់ ។ ដូនជីបានឱ្យដឹងបន្តថា រៀងរាល់ថ្ងៃសីល សត្វស្វាទាំងហ្វូងបានចុះមករកចំណីសេសសល់ពីចង្ហាន់លោក ។ ចំណែកឯនៅវត្តគុហារព្រះ ឬវត្តស្រះស្រង់ឯណ្ណោះវិញ ក៏ដូចគ្នាដែរ សុទ្ធតែចុះមកចំណីនៅវត្តដូចគ្នា ។
តាមប្រភព័ពត៌មានមួយបានអោយដឹងថា កាលពីរដូវប្រាំងកន្លងផុតមកហើយមានជនខិលខួចបានយកលបមកដាក់សត្វស្វានៅភ្នំតូចនោះយកទៅលក់មានរហូតទៅពីរកន្លែងឯណោះ តែក្រោយមកក៏បានស្ងាត់ទៅវិញ ៕
ចែករំលែកព័តមាននេះ