តារាសម្តែង និងជាអតីតបេក្ខភាពបវរកញ្ញានាង ប៊ី សុធារី បានសម្រក់ទឹកភ្នែកក្នុងអំឡុងពេលដែលនាងបានទៅមើលដោយផ្ទាល់ទីតាំងតំបន់ថ្មដា ដែលយោធាបានយកបន្លាលួស និងទូកង់តឺន័រព័ទ្ធរំលោភយកដីកម្ពុជាកាន់កាប់ដោយខុសច្បាប់ ក្រោយបទឈប់បាញ់ ។ ប៊ី…
តារាសម្តែង និងជាអតីតបេក្ខភាពបវរកញ្ញានាង ប៊ី សុធារី បានសម្រក់ទឹកភ្នែកក្នុងអំឡុងពេលដែលនាងបានទៅមើលដោយផ្ទាល់ទីតាំងតំបន់ថ្មដា ដែលយោធាបានយកបន្លាលួស និងទូកង់
តឺន័រព័ទ្ធរំលោភយកដីកម្ពុជាកាន់កាប់ដោយខុសច្បាប់ ក្រោយបទឈប់បាញ់ ។
ប៊ី សុធារី បានរួមដំណើរជាមួយនឹងបេក្ខភាពបវរកញ្ញាកម្ពុជាចំនួន៤រូបផ្សេងទៀតបានធ្វើដំណើរទៅកាន់ខេត្តពោធិ៍សាត់ ក្នុងគោលដៅដើម្បីរៀបចំការចូលរួមផ្សព្វផ្សាយសិល្បៈ វប្បធន៌ និងគោលដៅទេសចរណ៍នៅតាមខេត្តនានាក្នុងប្រទេសកម្ពុជា កាលពីថ្ងៃទៅ៥ ខែឧសភា ឆ្នាំ២០២៦ ។
ក្នុងអំឡុងពេលនោះ ប៊ី សុធារី និងតារាស្រី៣រូបផ្សេងទៀត ក៏បានឆ្លៀតពេលចុះទៅពិនិត្យមើលដោយផ្ទាល់ភ្នែកនូវទីតាំងដែលយោធាថៃយកទូកុងតឺន័រ និងរាយបន្លាលួសព័ទ្ធរំលោភយកដីកម្ពុជាកាន់កាប់ដោយខុសច្បាប់ក្នុងតំបន់ថ្មដា ដែលស្ថិតនៅស្រុកវាលវែង ខេត្តពោធិ៍សាត់។
តាមរយៈវីដេអូដែលបានបង្ហោះលើបណ្តាញសង្គម ប៊ី សុធារី បានលើកឡើងពីការចង់បានសន្តិភាពពីកម្ពុជា និងចង់បានទឹកដីដែលត្រូវបានរំលោភបំពានដោយខុសច្បាប់ពីសំណាក់យោធាថៃនោះ តារាស្រីរូបនេះ ក៏បានសម្រក់ទឹកភ្នែកនិយាយទាំងអួលដើម.កថ្លែងអំណរគុណទៅកាន់វីរកងទ័ពកម្ពុជាផងដែរ ។
ប៊ី សុធារី បាននិយាយចំពោះមុខវីរកងទ័ពកម្ពុជា ដែលឈរនៅតំបន់នោះថា អរគុណដល់បងវីរកងទ័ពទាំងអស់គ្នា ដែលហ៊ានលះបង់ខ្លួនឯង ដើម្បីការពារទឹកដី និងពួកខ្ញុំទាំងអស់គ្នាដែលជាប្រជាពលរដ្ឋឲ្យរស់នៅដោយមិនមានការភ័យខ្លាច ខ្ញុំពិតជាមានការអរគុណ និងដឹងគុណយ៉ាងខ្លាំង ។
នាងបន្តថា នាងមិនដឹងជាត្រូវនិយាយអ្វីក្រៅពីពាក្យអរគុណ ព្រោះពួកគាត់បានលះបង់ការពារប្រជាជន មិនថា បងប្អូនជាប់សាច់ឈាមជាមួយ ឬប្រជាជនទូទៅទាំងអស់នោះឡើយ ក្នុងពេលដែលនាងសូមសន្យាថា នឹងដឹងគុណដល់វីរកងទ័ពយើងទាំងអស់អស់មួយជីវិត ។
ប៊ី សុធារី បានបញ្ជាក់ថា កន្លងមក នាងធ្លាប់តែឮឪពុកម្តាយរបស់នាងនិយាយពីសង្គ្រាមកាលពីពួកគាត់នៅក្មេង តែឥឡូវនាងបានមកជួបខ្លួនឯងផ្ទាល់ បើទោះបីជាយើងមិនបានរត់ក្នុងសង្គ្រាម ប៉ុន្តែពួកយើងបានដឹងឮ ហើយក៏មានការឈឺចាប់យ៉ាងខ្លាំង ។
យ៉ាងណា បើតាម ប៊ី សុធារី នាពេលអនាគតពួកយើងនឹងទទួលបានសុខសន្តិភាពឡើងវិញ ហើយពួកបងៗដែលជាទាហានជួរមុខអាចនឹងវិលត្រឡប់ទៅជួបក្រុមគ្រួសារឡើងវិញ ជាមួយនឹងការរស់នៅដោយមានសុភមង្គល និងសុវត្ថិភាព ៕
ចែករំលែកព័តមាននេះ