ខេត្តស្ទឹងត្រែង ៖ ប្រសិនបើលោកអ្នកបានធ្វើដំណើរទៅកម្សាន្តនៅតំបន់អេកូទេសចរណ៍សម្រស់កោះទាំង៧ ក្នុងឃុំកោះស្នែង ខេត្តស្ទឹងត្រែង លោកអ្នកប្រាកដជាបានឮឈ្មោះដ៏ប្លែកភ្នែកប្លែកត្រចៀកនៃផលិតផលក្នុងស្រុកមួយ គឺ«ស្រាថ្នាំមេម៉ាយធ្លាក់គ្រែ» ។ នេះមិនត្រឹមតែជាភេសជ្ជៈដែលមានឈ្មោះទាក់ទាញប៉ុណ្ណោះទេ ប៉ុន្តែវា…
ខេត្តស្ទឹងត្រែង ៖ ប្រសិនបើលោកអ្នកបានធ្វើដំណើរទៅកម្សាន្តនៅតំបន់អេកូទេសចរណ៍សម្រស់កោះទាំង៧ ក្នុងឃុំកោះស្នែង ខេត្តស្ទឹងត្រែង លោកអ្នកប្រាកដជាបានឮឈ្មោះដ៏ប្លែកភ្នែកប្លែកត្រចៀកនៃផលិតផលក្នុងស្រុកមួយ គឺ«ស្រាថ្នាំមេម៉ាយធ្លាក់គ្រែ» ។ នេះមិនត្រឹមតែជាភេសជ្ជៈដែលមានឈ្មោះទាក់ទាញប៉ុណ្ណោះទេ ប៉ុន្តែវា គឺជាផ្នែកមួយនៃសេដ្ឋកិច្ចសហគមន៍ និងការថែរក្សាចំណេះដឹងឱសថបុរាណខ្មែរផងដែរ ។
ឈ្មោះ «មេម៉ាយធ្លាក់គ្រែ» ត្រូវបានអ្នកភូមិដាក់ឱ្យក្នុងន័យបង្កប់នូវភាពក្រេកអរ និងភាពរឹងមាំនៃសុខភាព ។ ស្រាថ្នាំនេះត្រូវបានផ្សំឡើងដោយយកចិត្តទុកដាក់បំផុតពីស្រាអង្ករស ដែលបិទដោយបច្ចេកទេសធម្មជាតិផ្ទាល់ដៃរបស់អ្នកភូមិ ។ ឫសឈើ និងមើមឈើព្រៃ ត្រូវបានប្រើប្រាស់រុក្ខជាតិឱសថជាង១០មុខ ដែលដុះតាមធម្មជាតិក្នុងព្រៃសហគមន៍ ។ ចំពោះបច្ចេកទេសត្រាំ ត្រូវរក្សាទុកក្នុងរយៈពេលកំណត់មួយ ដើម្បីឱ្យជាតិថ្នាំចេញមកសព្វ និងមានក្លិនប្រហើរ ។
បច្ចុប្បន្ន ស្រាថ្នាំមេម៉ាយធ្លាក់គ្រែ បានក្លាយជាកាដូដ៏ពេញនិយមសម្រាប់ភ្ញៀវទេសចរដែលទៅលេងខេត្តស្ទឹងត្រែង ។ ការគាំទ្រផលិតផលនេះ គឺជាការជួយដោយផ្ទាល់ដល់ស្ត្រី និងចាស់ព្រឹទ្ធាចារ្យនៅក្នុងសហគមន៍កោះស្នែង ឱ្យមានចំណូលបន្ថែមក្រៅពីរបរនេសាទ និងកសិកម្ម៕
ចែករំលែកព័តមាននេះ