រាជធានីភ្នំពេញ ៖ លោក ដួង សុខគា បានចេញមុខលើកដៃសំពះសុំទោសជាសាធារណៈ បន្ទាប់ពីក្រុមរបស់លោក បានសម្តែងពិធីបុកលក្ខណ៍នៅក្នុងមង្គលការមួយកាលពីពេលថ្មីៗនេះ ក្នុងពេលដែលការសម្តែងនោះ មានឈុតមួយធ្វើឲ្យបងប្អូនខ្មែរដែលអ្នកកាន់សាសនាឥស្លាមសម្តែងការមិនពេញចិត្ត…
រាជធានីភ្នំពេញ ៖ លោក ដួង សុខគា បានចេញមុខលើកដៃសំពះសុំទោសជាសាធារណៈ បន្ទាប់ពីក្រុមរបស់លោក បានសម្តែងពិធីបុកលក្ខណ៍នៅក្នុងមង្គលការមួយកាលពីពេលថ្មីៗនេះ ក្នុងពេលដែលការសម្តែងនោះ មានឈុតមួយធ្វើឲ្យបងប្អូនខ្មែរដែលអ្នកកាន់សាសនាឥស្លាមសម្តែងការមិនពេញចិត្ត និងខឹងសម្បារយ៉ាងខ្លាំង ។
ការមិនសប្បាយចិត្ត និងខឹងចំពោះការសម្តែងពីបងប្អូនខ្មែរឥស្លាមនោះ គឺត្រង់ឈុតតួអង្គជាឥស្លាមបានសម្តែងដោយកាយវិការគោរព និងហៅឈ្មោះព្រះអាឡោះរបស់ពួកគេមិនបានត្រឹមត្រូវ និងមើលទៅបែបលេងសើចលេបខាយទៅវិញ ។
យ៉ាងណា ក្រោយផ្ទុះប្រតិកម្មយ៉ាងក្តៅគគុកពេញបណ្តាញសង្គមនោះ ក្នុងនាម ជាអ្នកដឹកនាំការសម្តែងនោះលោក ដួង សុខគា បានចេញមុខមកសុំទោសជាសាធារណៈចំពោះកុហុសខុសឆ្លងមួយ និងបានស្នើសុំទៅកាន់បងប្អូនខ្មែរឥស្លាមទាំងអស់មេត្តាលើកលែងទោស ក្នុងពេលដែលលោកសន្យានឹងមិនឲ្យមានបញ្ហាកើតឡើងទៀតឡើយ ។
លោក ដួង សុខគា បានបានចេញជាវីដេអូបង្ហោះលើបណ្តាញសង្គម ដោយលោកបានអះអាងថា ខ្ញុំចេញវីដេអូនេះ ដើម្បីគោរពសូមទោសបងប្អូនខ្មែរឥស្លាមទាំងអស់ដែលខ្ញុំមានការធ្វេសប្រហែសសម្តែងបុកលក្ខណ៍បង្កឲ្យប៉ះពាល់បងប្អូនខ្មែរឥស្លាម។
លោកថា ខ្ញុំពិតជាទទួលស្គាល់ថា ខ្ញុំមានកំហុសពិតប្រាកដមែន ។ ជាមួយគ្នានេះ ខ្ញុំក៏សូមជម្រាបជូនថា ខ្ញុំមិនមានចេតនាណាមួយប្រមាថ ឬចង់ឲ្យប៉ះពាល់ដល់បងប្អូនខ្មែរឥស្លាមឡើយ។ ខ្ញុំតែងតែគោរពស្រលាញ់បងប្អូន តែនេះជាការឆោតល្ងង់របស់ខ្ញុំ។
ជាថ្មីម្តងទៀត សូមបងប្អូនខ្មែរឥស្លាមទាំងអស់ លោកមេត្តាលើកលែងដល់ខ្ញុំបាទផង។ ខ្ញុំសូមសន្យាថា ខ្ញុំនឹងកែប្រែ ហើយមិនឲ្យមានបញ្ហាកើតមានទៀតឡើយ។ លោកបញ្ជាក់ថា ការសម្តែងរបស់ក្រុមលោកក្នុងពិធីបុកល័ក្តនេះ គឺជាការសម្តែងតៗគ្នាមកហើយ ដោយការសម្តែងគឺទៅតាមបច្ចេកទេសរៀងៗខ្លួន ហើយការសម្តែងមានការឆកល្វែងធ្វើឲ្យប៉ះពាល់អារម្មណ៍បងប្អូនដែលវាជាកំហុសរបស់លោក ។
លោកបន្តថា កំហុសនេះ លោកសុំការអធ្យាស្រ័យពីសំណាក់បងប្អូនផង ហើយការលើកម្រាមដៃសុំទោសនាពេលនេះ អាចនឹងមានបងប្អូនខ្លះយល់ថា អាងអីអាងសុំទោស តែអ្វីដែលខ្ញុំសន្យាចំពោះបងប្អូនខ្មែរឥស្លាមនោះ គឺខ្ញុំនឹងធ្វើឲ្យរឿងស្រដៀងគ្នា ឬដូចគ្នានេះកើតឡើងទៀតឡើយ ។
លោកបន្ថែមថា កន្លងមក ឲ្យតែមានពិធីបុកលក្ខណ៍នោះ គឺតែងតែមានបងប្អូនខ្មែរឥស្លាមចូលរួមសម្តែង ហើយលោកក៏បានសម្តែងតាមៗគ្នា ហើយមិនបានគិតដិតដល់ក៏បានធ្វើឲ្យប៉ះពាល់ដល់បងប្អូនជាកាន់សាសនាឥស្លាម ដូច្នេះ លោកផ្ទាល់សុំទទួលកំហុសគ្រប់យ៉ាងខណៈពេលដែលលោកមិនបានដាក់បន្ទុកទៅលើតួអង្គដែលសម្តែងនោះឡើយ ៕
ចែករំលែកព័តមាននេះ