រាជធានីភ្នំពេញ ៖ អតីតតារាសម្តែងនាង វ៉ាង ស្រីណូ បានប្រកាសត្រៀមខ្លួនយកកូនទី២បន្ថែមទៀត បន្ទាប់ពីកូនស្រីដំបូងដែលនាងទទួលបានដោយការចាក់មេជីវិត ខណៈពេលបច្ចុប្បន្នកូនដំបូងរបស់នាងកំពុងតែលូតលាស់ប្រកបដោយភាពស្រស់ស្អាត ។ ទន្ទឹមនឹងត្រៀមយកកូនទី២នេះ…
រាជធានីភ្នំពេញ ៖ អតីតតារាសម្តែងនាង វ៉ាង ស្រីណូ បានប្រកាសត្រៀមខ្លួនយកកូនទី២បន្ថែមទៀត បន្ទាប់ពីកូនស្រីដំបូងដែលនាងទទួលបានដោយការចាក់មេជីវិត ខណៈពេលបច្ចុប្បន្នកូនដំបូងរបស់នាងកំពុងតែលូតលាស់ប្រកបដោយភាពស្រស់ស្អាត ។
ទន្ទឹមនឹងត្រៀមយកកូនទី២នេះ វ៉ាង ស្រីណូ បានសម្រេចផ្អាកការជួបជុំផឹកស៊ីជាមួយមិត្តភក្តិមួយរយៈ ដើម្បីថែសុខភាពឲ្យបានល្អ នៅមុនពេលដែលនាងនឹងពពោះ សម្រាលកូនទី២នាពេល
ឆាប់ៗខាងមុខនេះ ។
តាមរយៈសំណេរដែលសរសេរបង្ហោះលើបណ្តាញសង្គមអតីតតារាសម្តែងដែលចូលចិត្តសម្ញែងភាពសិចស៊ីនាង វ៉ាង ស្រីណូ បានអះអាងថា សូមប្រកាស់ខ្ញុំរក្សាសិលប្រាំហើយ ! ឈប់ទទួល
អាហ្វែផឹកស៊ីគ្រប់ប្រភេទពីពេលនេះតទៅ ព្រោះត្រូវត្រៀមខ្លួនធ្វើម្តាយគេជាលើកទី2 នាងទ្រូកនឹងក្លាយជាបងស្រីគេឆាប់ៗនេះ ។
តាមរយៈការលើកឡើងខាងលើនេះគេគិតថា សម្រាប់កូនទី២នេះ វ៉ាង ស្រីណូ នឹងបន្តចាក់មេជីវិតទៀត ព្រោះរហូតមកទល់នាពេលនេះនាងនៅមិនទាន់បង្ហាញមុខបុរសជាស្វាមី ឬដៃគូជីវិតណាមួយនៅឡើយទេ ខណៈពេលដែលកូនដំបូងរបស់នាងនាពេលនេះក៍ទទួលបានដោយការចាក់មេជីវិតនេះដូចគ្នា ។
យ៉ាងណាបន្ទាប់ពីបង្ហោះសំណេរទម្លាយពីការពពោះកូនទី២ពីសំណាក់នាង វ៉ាង ស្រីណូ នាពេលនេះ គេបានឃើញមិត្តភក្តិរបស់នាងជាច្រើនបានចូលទៅខំមិនដោយសម្តែងការអបអរសាទរ និងចង់ឃើញមុខកូនទី២របស់នាងឆាប់ៗ ក្នុងពេលដែលកូនដំបូងរបស់នាងសម្រាលមកប្រកបដោយសុខភាពល្អ និងភាពស្រស់ស្អាត ។
គួរបញ្ជាក់ថា អតីតតារាសម្តែង វ៉ាង ស្រីណូ បានសម្តែងរំភើបចិត្តឥតឧបមា បន្ទាប់ពីសម្រាលបានកូនស្រីម្នាក់ប្រកបដោយសុវត្ថិភាពកាលពីអំឡុងឆ្នាំ២០២៤កន្លងទៅ ទោះបីជាជីវិតនាងគ្មានដៃគូ
ឬស្វាមីនិងគេ ប៉ុន្តែកូនស្រីម្នាក់នេះត្រូវបាននាងចាត់ទុក គឺជាចំណងដៃធំបំផុតសម្រាប់នាងក្នុងជីវិត ។
អតីតតារាស្រីរូបនេះបានសម្តែងក្តីរីករាយនៅក្នុងការទទួលយកកូនស្រីរបស់នាងនាពេលនេះដោយមិនខ្វល់ពីពាក្យសម្តីដែលមហាជនមួយចំនួនដែលចំអនមានកូនអត់ប្តី និងមិនជឿថា កូនរបស់នាង គឺជាកូនដែលកើតចេញពីការបញ្ចូលមេជីវិតឡើយ ។
វ៉ាង ស្រីណូ ធ្លាប់បានលើកឡើងថា វ៉ាង ស្រីណូ នាងមានកូនដោយមិនមានស្វាមីនោះឡើយ គឺនាងយកកូនតាមបែបវិទ្យាសាស្ត្រ (ចាក់មេជីវិត) ហើយក្នុងការពរពោះនេះនាងមានសំណាងព្រោះមិនចាញ់ សុខភាពរឹងមាំ អាចធ្វើដំណើរហោះហើរបានគ្រប់ប្រទេស ទាំងអាស៊ី អឺរ៉ុប អាម៉េរិក។
នាងថា ពេលនាងមានផ្ទៃពោះនាងរីករាយ មិនបាក់ទឹកចិត្តដូចម្តាយពរពោះមួយចំនួនធ្វើការបានធម្មតា ខណៈពេលនាងជាមនុស្សចូលចិត្តធ្វើអ្វីបើកចំហរ មានទំនួលខុសត្រូវជាមនុស្សវិជ្ជមានហើយ រឿងប្តី នាងមិនដែលគិតថាចង់បានឡើយ ដោយនាងជាមនុស្សមានម្ចាស់ការលើខ្លួនឯងមានក្តីសុខនឹងប្រើជីវិតឯករាជ្យបែបនេះ ព្រោះនេះជាសម័យស្ត្រីខ្លាំង។
នាងបញ្ជាក់ថា ការយកកូនតាមបែបវិទ្យាសាស្ត្ររបស់នាងនាពេលនេះក៏បានលើកទឹកចិត្តឱ្យស្ត្រីខ្មែរ ចេះផ្តល់តម្លៃឱ្យខ្លួនឯង រឹងមាំឡើងកុំទន់ជ្រាយ រឿងអ្វីក៏ស្ត្រីអាចធ្វើបានដែរ ត្រូវជឿជាក់លើសមត្ថភាពរបស់ខ្លួន កុំបាក់ទឹកចិត្ត ៕
ចែករំលែកព័តមាននេះ