ខេត្តព្រៃវែង៖ នាយកដ្ឋានពេទ្យការងារ នៃក្រសួងការងារ និងបណ្ដុះបណ្ដាលវិជ្ជាជីវៈ និង មន្ទីរការងារ និងបណ្ដុះបណ្ដាលវិជ្ជាជីវៈខេត្តព្រៃវែង បានរៀបចំវគ្គបណ្ដុះបណ្ដាលស្ដីពី «ការកែលម្អការងារសម្រាប់សហគ្រាសខ្នាតតូច (WISE)»…
ខេត្តព្រៃវែង៖ នាយកដ្ឋានពេទ្យការងារ នៃក្រសួងការងារ និងបណ្ដុះបណ្ដាលវិជ្ជាជីវៈ និង មន្ទីរការងារ និងបណ្ដុះបណ្ដាលវិជ្ជាជីវៈខេត្តព្រៃវែង បានរៀបចំវគ្គបណ្ដុះបណ្ដាលស្ដីពី «ការកែលម្អការងារសម្រាប់សហគ្រាសខ្នាតតូច (WISE)» នាថ្ងៃទី៣ ខែកុម្ភៈ ឆ្នាំ២០២៦ នៅវិទ្យាស្ថានពហុបច្ចេកទេស ខេត្តព្រៃវែង ដោយមានសិក្ខាកាមតំណាងមកពីសហគ្រាស ក្រុមហ៊ុន រោងចក្រចំនួន ១០ ចូលរួម ។
ក្នុងឱកាសនោះ លោក ណុប សាវ៉ាត ប្រធានមន្ទីរការងារ និងបណ្ដុះបណ្ដាលវិជ្ជាជីវៈខេត្តព្រៃវែង និងលោកស្រី ឆាង ស៊ីម៉ា អនុប្រធាននាយកដ្ឋានពេទ្យការងារ បានធ្វើបទបង្ហាញដើម្បីចែករំលែកចំណេះដឹង និងបទពិសោធសំខាន់ៗ ក្នុងគោលបំណងលើកកម្ពស់លក្ខខណ្ឌសុវត្ថិភាព និងសុខភាពការងារនៅតាមកន្លែងធ្វើការ ។ ការបណ្ដុះបណ្ដាលនេះបានសង្កត់ធ្ងន់ លើការកាត់បន្ថយគ្រោះថ្នាក់ការងារ និងហានិភ័យផ្សេងៗ តាមរយៈវិធីសាស្ត្រកែលម្អបរិយាកាសការងារបែបងាយៗ ចំណាយតិច ប៉ុន្តែផ្ដល់នូវផាសុកភាព និងប្រសិទ្ធភាពខ្ពស់ដល់កម្មករនិយោជិត ។
ក្រុមការងារក៏បានឆ្លៀតឱកាសផ្សព្វផ្សាយបន្ថែម អំពីយុទ្ធនាការទប់ស្កាត់ជំងឺមិនឆ្លង ជំងឺអេដស៍ និងបញ្ហាគ្រឿងញៀន នៅតាមសហគ្រាសគ្រឹះស្ថាន ។ បន្ថែមលើនេះ នាយកដ្ឋានក៏បានសហការជាមួយមជ្ឈមណ្ឌលការងារខេត្ត ដើម្បីណែនាំអំពីនីតិវិធី នៃការចុះឈ្មោះស្វែងរកការងារធ្វើ សម្រាប់បងប្អូនពលករ និងការចុះឈ្មោះជ្រើសរើសបុគ្គលិក សម្រាប់ម្ចាស់សហគ្រាស ដែលជាផ្នែកមួយក្នុងការជំរុញទីផ្សារការងារ ក្នុងខេត្តឱ្យកាន់តែមានភាពរស់រវើក ៕ អត្ថបទសហការ
ចែករំលែកព័តមាននេះ