រាជធានីភ្នំពេញ ៖ អ្នកនាង ដួង ម៉ានិច បានបង្ហាញពីការកោរសក់ចំនួន៣លើក ដោយមិនមានការស្តាយស្រណោះ បន្ទាប់ពីអតីតតារាសម្តែងរូបនេះ បានលះបង់ការងារសិល្បៈស្ទើរទាំងស្រុង ដោយចាប់យកផ្លូវព្រះធម៌ជំនួសវិញ…
រាជធានីភ្នំពេញ ៖ អ្នកនាង ដួង ម៉ានិច បានបង្ហាញពីការកោរសក់ចំនួន៣លើក ដោយមិនមាន
ការស្តាយស្រណោះ បន្ទាប់ពីអតីតតារាសម្តែងរូបនេះ បានលះបង់ការងារសិល្បៈស្ទើរទាំងស្រុង ដោយចាប់យកផ្លូវព្រះធម៌ជំនួសវិញ ដើម្បីរក្សាសេចក្តីស្ងប់ ក្រោយពីនាងបានសម្រេចរៀបការមានគ្រួសារអស់រយៈពេលប៉ុន្មានឆ្នាំមកនេះ ។
ធ្លាប់ជាតារាសម្តែងបែបសិចស៊ី អ្នកនាង ដួង ម៉ានិច ហាក់មិនមានការសោកស្តាយនូវរូបសម្រស់របស់ខ្លួននោះឡើយ ផ្ទុយទៅវិញ ដោយសារមានការស្រឡាញ់ និងមានសេចក្តីជ្រះថ្លាក្នុងផ្លូវព្រះធម៌ អ្នកនាងបានហ៊ានលះបង់ដោយការកោរសក់ចំនួន៣លើកជាប់ៗគ្នា ។
ការសម្រេចកោរសក់ចំនួន៣លើកពីអ្នកនាង ដួង ម៉ានិច នាពេលនេះ ត្រូវបានអ្នកនាងអះអាងថា គោលបំណងរបស់នាង គឺធ្វើឡើងន័យបួសក្នុងព្រះពុទ្ធសាសនា ហើយបានដឹងនូវអត្ថសេចក្តីនៃព្រះធម៌នោះផងដែរ ។
ដួង ម៉ានិច បានបង្ហោះសំណេររបស់ខ្លួនបង្ហោះលើបណ្តាញសង្គមថា បូជាសក់លើកទី1 នៅថ្ងៃ13.12.25ឧបាសកឆាត នឹងប៉ាម៉ាក់ បងប្អូន កោរសក់ឱ្យលើកទី2 នៅថ្ងៃ 20.01.26 ម៉ាក់នឹង លោកយាយរស់កោរឱ្យលើកទី3នេះ នៅថ្ងៃទី02.02.26 កោរខ្លួនឯង នៅថ្ងៃពិធីបុណ្យមាឃបូជាបត្ថនគាថា ឥមិនា បុញ្ញកម្មេន, បុមភាវា អនាគតេសីលវតី បញ្ញវតី , បព្វជេយ្យំ ច សាសនេ សប្បុរិសំ ច សេវាមិ , តស្ស ធម្មំ សុណាមហំតស្ស អត្ថំ វិជានាមិ, បាបុណេ អមតំ បទំ ។
អ្នកនាងបញ្ជាក់ថា ដោយបុញ្ញកម្មនេះ ខ្ញុំសូមបានអត្តភាពជាបុសក្នុងកាលអនាគត ជាអ្នកមានសីល មានបញ្ញាបានបួសក្នុងព្រះពុទ្ធសាសនាផង បានសេពគប់នូវសប្បុរសផង បានស្តាប់នូវធម៌របស់សប្បុរសនោះផង បានដឹងនូវអត្ថសេចក្តីនៃព្រះធម៌នោះផងសូមដល់នូវព្រះនិព្វានដែលមិនមានសេចក្ដីស្លាប់ផង ។
គួរបញ្ជាក់ថា តារាសម្តែងនាង ដួង ម៉ានិច ដែលធ្លាប់ជាប់ឈ្មោះជាតារាសម្តែងសិចស៊ីមួយរូបបានលះបង់ការងារសិល្បៈរបស់ខ្លួន ស្ទើរតែទាំងស្រុងនៅក្នុងរយៈពេលប៉ុន្មានឆ្នាំចុងក្រោយនេះ បន្ទាប់ពីនាងបានសម្រេចចិត្តចូលរោងការមានស្វាមីជាមួយបុរសដែលជាអ្នកផលិតមាតិកាដ៏ល្បីតាមបណ្តាញសង្គមមួយរូប ។
ចែករំលែកព័តមាននេះ