រាជធានីភ្នំពេញ ៖ គិតមកទល់នាពេលនេះ គឺមានរយៈពេល១០ឆ្នាំហើយ ដែលតារាចម្រៀងវ័យក្មេង ឈីន រតនៈ បានប្រឡូកក្នុងវិស័យសិល្បៈចម្រៀងរបស់ខ្លួន បន្ទាប់ពីនាងបានឆ្លងកាត់ការចូលរួមប្រឡងក្នុងកម្មវិធី The…
រាជធានីភ្នំពេញ ៖ គិតមកទល់នាពេលនេះ គឺមានរយៈពេល១០ឆ្នាំហើយ ដែលតារាចម្រៀងវ័យក្មេង ឈីន រតនៈ បានប្រឡូកក្នុងវិស័យសិល្បៈចម្រៀងរបស់ខ្លួន បន្ទាប់ពីនាងបានឆ្លងកាត់ការចូលរួមប្រឡងក្នុងកម្មវិធី The voice Cambodia រដូវកាលទី២ឆ្នាំ២០១៦ ។
យ៉ាងណា ឆ្លងកាត់រយៈពេល១០ឆ្នាំនៃការប្រឡូកក្នុងសិល្បៈរហូតមកដល់ពេលនេះ ឈីន រតនៈ រំពឹងថា ខ្លួននឹងអាចបន្តឈរជើងក្នុងវិស័យមួយនេះជារៀងរហូត ប្រសិនបើប្រិយមិត្តនៅតែបន្តការគាំទ្រមកដល់រូបនាង ។
ជាមួយរូបភាពចាស់ៗក្នុងអំឡុងពេលចូលរួមប្រឡងកម្មវិធី The voice Cambodia បង្ហោះលើបណ្តាញសង្គម ឈីន រតនៈ បានលើកឡើងថា ១0ឆ្នាំពិតជាដើរលឿនមែន អរគុណបណ្តាអ្នកគាំទ្រទាំងអស់ ដែលតែងតែស្រលាញ់និងគាំទ្រនាងខ្ញុំ ឈីន រតនៈ តាំងពីពេលចាប់ផ្តើមរហូតមកដល់ពេលនេះ ជាពិសេសអរគុណប្អូនៗ Admin ទាំងពីរ ដែលតែងតែ Post គាំទ្ររាល់គ្រប់សកម្មភាពរបស់បង ចាំលើកទឹកចិត្តបងគ្រប់ពេល ។🙏🏻
អរគុណអ្នកម្តាយ ដែលតែងតែជំរុញនិងលើកទឹកចិត្តកូនស្រីលើវិថី ដែលកូនស្រលាញ់រហូត 🙏🏻អរគុណលោកគ្រូ ណុប បាយ៉ារិទ្ធ ដែលបានជ្រើសរើសសិស្សម្នាក់នេះ អរគុណលោកគ្រូដែលតែងតែបង្ហាត់បង្រៀនក្មេងស្រីម្នាក់នេះរហូតមក 🙏🏻។
អរគុណដល់ផលិតកម្មហង្សមាស ដែលបាននាំយកកម្មវិធី The voice Cambodia មក បានផ្តល់ឧកាសឱ្យក្មេងស្រីម្នាក់នេះ មានឱកាសបញ្ចេញសមត្ថភាពនិងបំពេញក្តីស្រមៃរបស់ខ្លួន ទើបទទួលបានការស្រលាញ់ និងគាំងទ្រពីបងប្អូនរហូតដល់សព្វថ្ងៃ 🙏🏻ហើយក៏អរគុណខ្លួនឯង ដែលមិនបោះបង់ខ្លួនឯង នៅតែតស៊ូរហូតមក ។
ជាចុងក្រោយ នាងខ្ញុំសូមសន្យាថា នៅតែបន្តលើវិថីមួយនេះជារៀងរហូតទៅ ឱ្យតែមានការគាំទ្រពីបងប្អូននិងអ្នកគាំទ្រទាំងអស់ ចង់ប្រាប់ថា អ្នកទាំងអស់គ្នាជាចំណែកនៃបេះដូងរបស់ខ្ញុំ ។
គួរបញ្ជាក់ថា ឈីន រតនៈ គឺជាបេក្ខនារីមកពីខេត្តកំពង់ចាម បានធ្វើឲ្យគណៈកម្មការទាំង៤រូបគោះប៊ូតុងយក ខណះពេលដែលនាងបានឡើងបកស្រាយចម្រៀងក្រោមចំណងជើងថា SAXOPHONE បាត់ស្នេហ៍ ក្នុងកម្មវិធី The voice Cambodia រដូវកាលទី២ ។
ចាប់តាំងពីពេលនោះមក ឈីន រតនៈ បានក្លាយជាបេក្ខជនដ៏លេចធ្លោមួយរូបនៅក្នុងកម្មវិធីលំដាប់ពិភពលោកមួយនេះ បើទោះបីជានាងមិនបានលើកពានក៏ដោយ ។
ប្រឡូកក្នុងសិល្បៈក្នុងរយៈពេល១០ឆ្នាំមកនេះ ឈីន រតនៈ ត្រូវបានចាត់ទុកជាអ្នកសិល្បៈចម្រៀងមួយរូបដែលទទួលបានេះជោគជ័យមួយរូប ដោយសារតែនាងបានកសាងកេរ្តិ៍ឈ្មោះជាតារាល្បីមួយរូបតាមរយះបទចម្រៀងដែលមានការគាំទ្រច្រើនពីសំណាក់ទស្សនិកជន ។
ជោគជ័យនេះ បានកែប្រែជីវភាពរបស់តារាស្រីរូបនេះកាន់តែប្រសើរឡើង ដោយមួយរយះចុងក្រោយនេះនាងបានរស់នៅក្នុងផ្ទះវីឡា និងប្តូររថយន្តស៊េរីទំនើប និងមានតម្លៃថ្លៃជិះយ៉ាងហ៊ឺងហារ ៕
ចែករំលែកព័តមាននេះ