រាជធានីភ្នំពេញ ៖ អតីតតារាចម្រៀងយេយេសិចស៊ី អ្នកនាង សំ ប៉ូលីដា បានប្រកាសបិទបេះដូងត្រឹមអាយុ៥២ឆ្នាំ ដោយមិននឹកនារកគូស្រករថ្មីនោះឡើយ ខណៈពេលដែលអ្នកនាងបានពើបប្រទះនូវរឿងស្នេហាមិនសមប្រកបម្តងជាពីរដងរួចមកហើយនោះ ។…
រាជធានីភ្នំពេញ ៖ អតីតតារាចម្រៀងយេយេសិចស៊ី អ្នកនាង សំ ប៉ូលីដា បានប្រកាសបិទបេះដូងត្រឹមអាយុ៥២ឆ្នាំ ដោយមិននឹកនារកគូស្រករថ្មីនោះឡើយ ខណៈពេលដែលអ្នកនាងបានពើបប្រទះនូវរឿងស្នេហាមិនសមប្រកបម្តងជាពីរដងរួចមកហើយនោះ ។
គិតមកដល់ពេលនេះ បើទោះបីជាអ្នកនាង សំ ប៉ូលីដា មានវ័យកាន់តែជ្រេបន្តិច ប៉ុន្តែអ្នកនាង នៅមិនទាន់ងាកទៅណាឆ្ងាយ ឬបញ្ចប់អាជីពសិល្បៈរបស់ខ្លួនឡើយ ពោលអ្នកនាងនៅតែទទួលច្រៀងតាមភោជនីយដ្ឋាន ឬក៏កម្មវិធីនានាប្រសិនបើមានការហៅ និងតម្រូវការ ។
យ៉ាងណា ពាក់ព័ន្ធទៅបញ្ហាការយកគ្រួសារថ្មីនោះ ត្រូវបានអ្នកនាងអះអាងថា បច្ចុប្បន្ននាងមិនគិតរឿងនេះទៀតឡើយ ដោយសារវ័យកាន់តែចាស់ កូនក៏ធំៗ ហើយគួបផ្សំនឹងរូបនាងធ្លាប់ជួបរឿងស្នេហាមិនសមប្រកបនាពេលកន្លងមកផងនោះ ។
ថ្លែងប្រាប់កោះសន្តិភាពតាមសារអេឡិចត្រូនិច កាលពីពេលថ្មីៗនេះ អ្នកនាង សំ ប៉ូលីដា បានលើកឡើងថា រឿងគូស្រករថ្មីនេះ គឺអ្នកនាងមិនគិតទៀតឡើយ ដោយសារអ្នកមានវ័យកាន់តែជ្រេ ហើយកូនៗធំអស់ហើយ ។
អ្នកនាងបន្តថា អ្នកនាងចង់នៅខ្លួនមួយមានឯករាជ្យ ហើយណាមួយខ្លាចយកមួយហើយ មួយទៀតដូចដើម គឺខ្លាចដូចអញ្ចឹង ដូច្នេះ អ្នកនាងសម្រេចបញ្ចប់រឿងគូស្រករនេះត្រឹមអាយុ៥២ឆ្នាំនាពេលនេះ ។
យ៉ាងណា បើតាមអ្នកនាង សំ ប៉ូលីដា កន្លងមក អ្នកនាងក៏មានអ្នកតាមស្រឡាញ់ដែរ ដោយមានទាំងចាស់ និងក្មេង ប៉ុន្តែអ្នកនាងមិនចាប់អារម្មណ៍ ដោយអ្នកនាងគិតថា យើងជាអ្នកសិល្បៈមានវ័យកាន់តែចាស់ហើយ ហើយណាមួយយើងក៏មានកូនធំទន្ទឹមខ្លួនរួចដែរ ។
អ្នកនាង សំ ប៉ូលីដា បានអះអាងបន្ថែមថា អ្នកនាងបានបែកបាក់ស្វាមីតាំងពីឆ្នាំ២០១៨ ដែលគិតមកទល់នាពេលនេះ មានរយៈពេលជិត១០ឆ្នាំហើយ ក្នុងពេលចំណងអាពាហ៍ពិពាហ៍របស់អ្នកនាង គឺទទួលបានកូនចំនួន២នាក់ ។
អ្នកនាងបញ្ជាក់ថា បច្ចុប្បន្នកូនទាំងពីររបស់អ្នកនាងកំពុងរស់នៅជាមួយអតីតស្វាមី ប៉ុន្តែទំនេរគឺអ្នកនាងក៏ទៅលេងកូន និងយកកូនមកលេង ក្នុងពេលដែលអ្នកនាង និងអតីតស្វាមីក៏នៅរាប់អានគ្នាធម្មតាដែរ ។
ចែករំលែកព័តមាននេះ