ខេត្តឧត្តរមានជ័យ ៖ មានអគ្គីភ័យឆាបឆេះរាលដាលដល់ស្រូវអស់ជាច្រើនហិកតា កាលពីវេលាម៉ោង១២និង៣០នាទីថ្ងៃត្រង់ថ្ងៃទី២៧ ខែវិច្ឆិកា ឆ្នាំ២០២៥ ស្ថិតក្នុងភូមិឈើស្លាប់ ឃុំគោកខ្ពស់ ស្រុកបន្ទាយអម្ពិល ខេត្តឧត្តរមានជ័យ។…
ខេត្តឧត្តរមានជ័យ ៖ មានអគ្គីភ័យឆាបឆេះរាលដាលដល់ស្រូវអស់ជាច្រើនហិកតា កាលពីវេលាម៉ោង១២និង៣០នាទីថ្ងៃត្រង់ថ្ងៃទី២៧ ខែវិច្ឆិកា ឆ្នាំ២០២៥ ស្ថិតក្នុងភូមិឈើស្លាប់ ឃុំគោកខ្ពស់ ស្រុកបន្ទាយអម្ពិល ខេត្តឧត្តរមានជ័យ។
ប្រជាពលរដ្ឋដែលរងគ្រោះបានឲ្យដឹងថា ដីស្រែរបស់ប្រជាពលរដ្ឋចំនួន៥គ្រួសារស្មើរផ្ទៃដីចំនួន១១ហិកតាស្ថិតនៅចំណុចត្រពាំងព្រីងតាណែម ខាងកើតអូរកប់សេះប្រហែល២គីឡូម៉ែត្រក្នុងភូមិឃុំខាងលើ។
ប្រជាពលរដ្ឋដដែលបានបញ្ចាក់ថាក្នុងចំណោមផ្ទៃដីស្រែរបស់ពលរដ្ឋចំនួន១១ហិកតានោះ មានដីស្រែខ្លះបានច្រូតកាត់រួចរាល់មួយចំនួនហើយតែមិនទាន់ដឹកជញ្ជូននិងដីស្រែខ្លះទៀតដោយ
មិនទាន់បានច្រូតកាត់នៅឡើយទេ។
អាជ្ញាធរបានឲ្យដឹងថា មុនពេលកើតហេតុ មានប្រជាពលរដ្ឋម្នាក់ឈ្មោះជុង រិទ្ធ ភេទប្រុស អាយុ៤៥ឆ្នាំ បានដុតគល់ឈើក្នុងដីស្រែរបស់ខ្លួន បន្ទាប់មកបានពន្លត់រួចហើយដែរ តែវានៅសេសសល់ខ្លះមិនទាន់រលុតអស់ ស្រាប់តែភ្លើងបានឆេះរាលដាលឡើងវិញ ។ បន្ទាប់មកក៍មានការភ្ញាក់ផ្អើលដល់អ្នកភូមិមានមនុស្សចូលរួមពន្លត់ចំនួន៤៥នាក់ (ស្រី១៨នាក់)ដែរ តែអកុសលដោយសារតែភ្លើងឆាបឆេះលឿនពេកស្រូវក្នុងស្រែឆេះហ្មត់ដោយមិនអាចជួយសង្គ្រោះបានឡើយ៕
ចែករំលែកព័តមាននេះ