រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា បានគូសបញ្ជាក់ថាសម្តេចប្រឆាំងដាច់ខាតក្នុងការស្នើណាក៏ដោយចំពោះការសុំបើកច្រកព្រំដែនកម្ពុជា -ថៃឡើង វិញព្រោះថាកុំឲ្យថោកដោយសារការបើកព្រំដែននេះកូនសោរនៅលើដៃថៃ។ សម្ដេចតេជោ…
រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា បានគូសបញ្ជាក់ថាសម្តេចប្រឆាំងដាច់ខាតក្នុងការស្នើណាក៏ដោយចំពោះការសុំបើកច្រកព្រំដែនកម្ពុជា -ថៃឡើង វិញព្រោះថាកុំឲ្យថោកដោយសារការបើកព្រំដែននេះកូនសោរនៅលើដៃថៃ។
សម្ដេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ ព្រះរាជតំណាងដ៏ខ្ពង់ខ្ពស់បំផុតព្រះករុណាព្រះបាទ សម្ដេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជាក្នុងពិធីបើក «អនុសំវច្ឆរមហាសន្និបាតមន្ត្រីសង្ឃទូទាំងប្រទេស លើកទី៣៣ ឆ្នាំ២០២៥» នៅវិទ្យាស្ថាន ជាតិអប់រំនាព្រឹកថ្ងៃទី១៧ ខែវិច្ឆិកាឆ្នាំ២០២៥បានបញ្ជាក់យ៉ាងដូច្នេះថា៖ចាប់តាំពីថៃ បិទព្រំ ដែនមកកម្ពុជាមិនដែលសុំបើកព្រំដែនឡើងវិញនោះទេ ហើយបើថៃនៅតែបន្ត បិទទៀតក៏ ខ្មែរមិនងាប់ដែរ។
សម្តេចតេជោក៏បានឲ្យដឹងថាបន្ទាប់ពីបិទច្រកព្រំដែនកម្ពុជា ថៃមកនាយករដ្ឋមន្ត្រីថៃក៏បាន ប្រកាសជាច្រើនដង រហូតដល់រដ្ឋមន្ត្រីក្រសួងការពារជាតិថៃនិយាយថា និយាយដាច់ខាត មិននិយាយពីការបើកច្រកព្រំដែននោះទេ។ ចំណុចនេះសម្តេច បានសរសេតបវិញលើបណ្តាញសង្គមហ្វេសប៊ុក ថាសូមឲ្យថៃបន្តបិទ១០០ឆ្នាំ ឬ៥០០ឆ្នាំ ក៏គ្មានបញ្ហានោះទេ។
សម្តេចតេជោបានគូសបញ្ជាក់ថាយ៉ាងដូច្នេះថា៖«ខ្ញុំសូមប្រឆាំងដាច់ខាតចំពោះសំណើរណាក៏ដោយដែលភាគីកម្ពុជាស្នើសុំបើកច្រកព្រំដែនកម្ពុជា ថៃឡើងវិញ ព្រោះគេជាអ្នកបិទ យើងទៅ សុំបើកកុំធ្វើថោក ។ ព្រោះរឿងនឹងយើងបានដឹងទាំងអស់គ្នាហើយ យើងមិនមែនជាអ្នកបិទនោះទេ គឺគេអ្នកបិទ កូនសោនៅលើគេ ហេតុអ្វីបានជាយើងទៅអង្វរសុំគេ »។
ជាមួយគ្នានោះដែរសម្តេចតេជោ គ៏បានគូសបញ្ជាក់បន្ថែមថា៖«ខ្ញូំសូមផ្ញើរសារទៅថ្នាក់ដឹកនាំថៃ មិនថាស៊ីវិល ឬទាហានទេ គឺកម្ពុជាមិនធ្វើថោកទៅស្នើសុំថៃបើកច្រកព្រំដែន ឡើងវិញ នោះទេ»។
ដើម្បីទប់ទល់នឹងករណីបិទព្រំថែនកម្ពុជា -ថៃនេះសម្តេចតេជោបានលលើកឡើ ងថាកម្ពុជាត្រូវ តែពង្រឹងសមត្ថភាពសម្រាប់ការផលិតទំនិញសម្រាប់ផ្គត់ផ្គង់ហើយរកទីផ្សារ ផ្សេងសម្រាប់ផ្គត់ ផ្គង់ជំនួសទំនិញថៃ។ ប៉ុន្តែខ្ញុំសូមនិយាយរឿងមួយថាអ្វីកុំទៅជ្រុលហួសរហូតដល់អ្នកវិនិយោគថៃធ្វើការវិនិយោគនៅក្នុងប្រទេសកម្ពុជា មិនព្រមទិញទំនិញ ដែលជាខុសក្បូន បើគេផ លិតទំនិញនៅក្នុងប្រទេសកម្ពុជាគឺត្រូវចាត់ទុកជារបស់កម្ពុជា ៕
ចែករំលែកព័តមាននេះ