សម្តេចព្រះឧត្តមវង្សា គូ សុភាព នៅថ្ងៃទី២៦ ខែកក្កដា បានផ្ញើសារទៅជនជាតិថៃដែលក៏ជាពុទ្ធសាសនិក ថាការបំផ្លាញវត្តគឺជាឧក្រិដ្ឋកម្មដ៏សាហាវ។ សម្តេចសង្ឃ បានសរសេរជាភាសាអង់គ្លេសទៅកាន់ជនជាតិថៃថា «ជូនចំពោះជនជាតិថៃ!…
សម្តេចព្រះឧត្តមវង្សា គូ សុភាព នៅថ្ងៃទី២៦ ខែកក្កដា បានផ្ញើសារទៅជនជាតិថៃដែលក៏ជាពុទ្ធសាសនិក ថាការបំផ្លាញវត្តគឺជាឧក្រិដ្ឋកម្មដ៏សាហាវ។
សម្តេចសង្ឃ បានសរសេរជាភាសាអង់គ្លេសទៅកាន់ជនជាតិថៃថា «ជូនចំពោះជនជាតិថៃ! វត្តពុទ្ធសាសនា គឺជាកន្លែងពិសិដ្ឋ ដោយមិនគិតពីទីតាំងរបស់វា (វត្តនេះមានទីតាំងនៅប្រទេសកម្ពុជា)។ ប្រទេសថៃគឺជាប្រទេសកាន់ព្រះពុទ្ធសាសនា។ ក្នុងនាមជាពុទ្ធសាសនិកម្នាក់ ការបំផ្លិចបំផ្លាញទីតាំងបែបនេះជាឧក្រិដ្ឋកម្មដ៏សាហាវ»។
សូមបញ្ជាក់ថា ការបាញ់ប្រហារឈ្លានពានរបស់ថៃមកលើប្រទេសកម្ពុជាកាន់តែមានសភាពខ្លាំងក្លា នៅពេលដែលវាបានឈានដល់ថ្ងៃទី៣ ដោយបណ្តាលអោយយោធាកម្ពុជាចំនួន៥នាក់បាត់បង់ជីវិត និង២១នាក់របួស ហើយប្រជាជនចំនួន៨នាក់បានស្លាប់ និងរបួស៥០នាក់។ ចំណែកប្រជាពលរដ្ឋជាច្រើនមឺននាក់បានភៀសខ្លួនទៅកាន់កន្លែងសុវត្ថិភាព។
ទន្ទឹមពេលជាមួយគ្នានោះ ក៏មានការបាញ់ប្រហារលើវត្តអារាម មណ្ឌលសុខភាព និងភូមិប្រជាជនផងដែរ៕
ចែករំលែកព័តមាននេះ