អ្នកនាំពាក្យសម្តេចតេជោព្រមានអ្នកនាំពាក្យក្រសួងការបទេសថៃឲ្យប្រយ័ត្នប្រយែងក្នុងការនិយាយស្តី
- ភ្នំពេញ
រាជធានីភ្នំពេញ ៖ ឯកឧត្តម ជា ធីរិទ្ធ អ្នកនាំពាក្យសម្តេចតេជោ បានចេញមកព្រមានទាំងយប់ ឱ្យលោក Nikorndej Balankura…
រាជធានីភ្នំពេញ ៖ ឯកឧត្តម ជា ធីរិទ្ធ អ្នកនាំពាក្យសម្តេចតេជោ បានចេញមកព្រមានទាំងយប់ ឱ្យលោក Nikorndej Balankura អ្នកនាំពាក្យក្រសួងការទេសថៃ ឲ្យចេះប្រយ័ត្នប្រយែងក្នុងការនិយាយស្តី ជាពិសេសការប្រើពាក្យ «អ្នកជិតខាងល្អ» ខណៈដែលប្រទេសលោកឯងបិទព្រំដែនដោយឯកតោភាគី ។
ការព្រមានរបស់អ្នកនាំពាក្យសម្តេចតេជោ បានធ្វើបន្ទាប់ពីលោក Nikorndej Balankura អ្នកនាំពាក្យក្រសួងការទេសថៃ បានប្រតិកម្មទៅនឹង ការព្រមានជំរុញឱ្យបិទមិនឱ្យមានការនាំចូលបន្លែ ផ្លែឈើ ពីថៃចូលមកមកម្ពុជា តាមច្រកទាំងអស់ បើថៃមិនបើកច្រកជាប្រក្រតីឡើងវិញ ។
អ្នកនាំពាក្យក្រសួងការទេសថៃ បានលើកឡើងថា «អ្នកជិតខាងល្អ មិនគួរធ្វើអីចឹង» ។ ឆ្លើយតបចំពោះការលើកឡើងរបស់ភាគីថៃ ឯកឧត្តម ជា ធីរិទ្ធ អ្នកនាំពាក្យសម្តេចតេជោ បានលើកឡើងតាមបណ្តាញសង្គមនៅយប់ ថ្ងៃទី១៦ មិថុនា យ៉ាងដូច្នេះថា «ពិតជាមិនចេះខ្មាសមែន!
នៅពេលសម្តេចតេជោ ព្រមានបិទការនាំចូលបន្លែ ផ្លែឈើ លោក Nikorndej Balankura អ្នកនាំពាក្យក្រសួងការទេសថៃ ចេះនិយាយថា អ្នកជិតខាងល្អ មិនគួរធ្វើអ៊ីចឹង ចុះត្រង់ប្រទេសលោកឯង បិទព្រំដែនដោយឯកតោភាគី តើនេះជាចរិតអ្នកជិតខាងល្អមែនទេ? ចេះបើកមាត់ទៅរួច? បិទព្រំដែនខ្លួនឯង ហើយចង់ឲ្យគេចរចា ខ្លាចអន់ ហើយចង់លេងការទូតខ្សែលើគេទៀត»។
ឯកឧត្តម ជា ធីរិទ្ធ បានបញ្ជាក់ជំហរបស់សម្តេចតេជោ ប្រធានបក្សកាន់អំណាចជាថ្មីថា «បិទខ្លួនឯង ត្រូវបើកខ្លួនឯង ។ ថ្ងៃមុន ព្រមានផ្តាច់ភ្លើង ខុសម្តងហើយនៅមិនចេះប្រយ័ត្នសម្តី!»៕
ចែករំលែកព័តមាននេះ