ចតរថយន្តទុកចោល ឆ្លងចរន្តចេញពីអាគុយ ឆេះរាលដល់រថយន្ត១គ្រឿងទៀត ផ្អើលក្បែររដ្ឋសភា
រាជធានីភ្នំពេញ ៖ រថយន្ត Prius មួយគ្រឿង ឆ្លងក្បាលអាគុយ បណ្ដាលឲ្យឆាបឆេះរាលដាលដល់រថយន្ត Toyota មួយគ្រឿងទៀត ដែលចតក្បែរគ្នា…
រាជធានីភ្នំពេញ ៖ រថយន្ត Prius មួយគ្រឿង ឆ្លងក្បាលអាគុយ បណ្ដាលឲ្យឆាបឆេះរាលដាលដល់រថយន្ត Toyota មួយគ្រឿងទៀត ដែលចតក្បែរគ្នា បង្កការភ្ញាក់ផ្អើលនាវេលាម៉ោង០១និង១០នាទីរសៀលថ្ងៃទី១៧ ខែកុម្ភៈ ឆ្នាំ២០២៥ ស្ថិតនៅទល់មុខរដ្ឋសភា សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
តាមប្រភពព័ត៍មានពីប្រជាពលរដ្ឋ បានអោយដឹងថា គេឃើញមានផ្សែងហ៊ុយចេញពីក្បាលរថយន្ត តូយូតាព្រុស ពណ៍ខៀវ ពាក់ស្លាកលេខ ភ្នំពេញ 2BQ-6541 ផ្នែកខាងមុខ ស្របពេលនោះ ប្រជាពលរដ្ឋបានផ្អើលនាំរត់ទៅជួយយកទឹកមកជះពន្លត់ ប៉ុន្តែមិនអាចគ្រប់គងបាន ទើបប្រញាប់រាយការណ៍ទៅសមត្ថកិច្ចជំនាញ មកជួយអន្តរាគមន៍ដែរ។ ចំណែករថយន្តម៉ាក Toyota Veloz ពណ៍ទឹកប្រាក់ ពាក់ស្លាកលេខ ភ្នំពេញ 2BY-8441 ដែលចតក្បែរគ្នានោះ ត្រូវភ្លើងរោលបណ្តាលអោយខូចមួយចំហៀងខាងឆ្វេង ផ្នែកខាងមុខ ។
បច្ចុប្បន្ន សមត្ថកិច្ចជំនាញពន្លត់អគ្គិភ័យ នៃស្នងការដ្ឋាននគរបាលរាជធានីភ្នំពេញ បានបាញ់ពន្លត់រលត់ជាស្ថាពរ និងប្រើប្រាស់រថយន្តពន្លត់អស់០១គ្រឿង ។ រីឯមូលហេតុ សមត្ថកិច្ចបានស្រាវជ្រាវរកឃើញថា បណ្តាលមកឆ្លងចរន្តចេញពីក្បាលអាគុយ ៕
ចែករំលែកព័តមាននេះ