ខេត្ត​ឧត្តរមានជ័យ ៖ រឿងរ៉ាវផ្ទៃដីចំការរបស់ប្រជាពលរដ្ឋដែលស្ថិតនៅតាមខ្សែបន្ទាត់ព្រំដែនកម្ពុជា ថៃក្នុងភូមិអូរខ្លាឃ្មុំ ភូមិរួតចំប៉ី សង្កាត់អូរស្មាច់ ក្រុងសំរោង ខេត្តឧត្តរមានជ័យ ​ដែលទាហានថៃមកដកចោលថ្មីៗនេះ ត្រូវបានគេបង្កើត ក្រុមការងារចម្រុះប្រដាប់ដោយអាវុធចុះត្រួតពិនិត្យ ។ គេ
បាន​សង្កេតឃើញក្រុមទាហានឈុតខ្មៅថៃមិនក្រោមពី១០០នាក់ ចំណែកក្រុមទាហានកម្ពុជា​៧៥​នាក់​កំពុងក្លាយទៅជារឿងចំណុចក្តៅកាលពីព្រឹកថ្ងៃទី១៧ ខែតុលា ឆ្នាំ២០២៤។

ស្រ្តីឈ្មោះភុន វ៉ាន អាយុ៤៦ឆ្នាំ ប្តីឈ្មោះហូរ ហន អាយុ៥៦ឆ្នាំ មានកូន៤នាក់ (ស្រី៣នាក់) រស់នៅភូមិដើមជ្រៃ សង្កាត់អូរស្មាច់ ក្រុងសំរោង ខេត្តឧត្តរមានជ័យ នៅរសៀលថ្ងៃទី១៧ ខែតុលា
ឆ្នាំ២០២៤​​នេះ បានរៀបរាប់អៈអាងថា កើតហេតុនៅថ្ងៃទី៩ រហូតមកទល់ថ្ងៃទី១៧ ខែតុលាឆ្នាំ២០២៤​នេះ ក្រុមទាហានឈុតខ្មៅថៃតែងតែចូលមកអុកឡុកគំរាមថា ត្រូវដកដំឡូងនិងសណ្តែក​ដីចេញ ហើយចោទប្រជាពលរដ្ឋខ្មែរថាធ្វើចំការចូលទៅដីថៃ។

ប្រជាពលរដ្ឋដដែលបានបញ្ចាក់ថា ដីចំការសណ្តែកដីគាត់ដែលក្រុមទាហានសៀមចូលមកដកបំផ្លិចបំផ្លាញកាលពីថ្ងៃទី១០ ថ្ងៃទី១១ ខែតុលា ឆ្នាំ២០២៤ កន្លងទៅ ចំនួនកន្លះហិកតាដែលមានចំងាយ​​ពីព្រំដែនកន្លះគីឡូម៉ែត្រ មានសិទ្ធប្រើប្រាសដីចេញ ដោយចៅង្កាត់អូរស្មាច់ក្នុងអំឡុងតាំងពី​ឆ្នាំ​២០១៤ម្លេះ ។ ខណៈនេះក្រុមទាហានឈុតខ្មៅថៃនៅតែបន្តធ្វើសកម្មភាពអុកឡុកចូលមកដក
ដំឡូងមី អ្នកភូមិរួតចំប៉ីទៀតដែលមានចំងាយពីចំការគាត់៣គីឡូម៉ែត្រ តែត្រូវបានក្រុមទាហាន ប៉ូលីសកម្ពុជាបានជួយ​រារាំងមិនឲ្យកើតមានសកម្មភាពដកដំឡូងមីនេះហើយត្រូវរកដំណោះស្រាយជាមុន​សិន។

មន្រ្តីបម្រើការងារម្នាក់សុំមិនបញ្ចេញឈ្មោះបានបង្ហើបថា យោងតាមការចុះពិនិត្យជាក់ស្តែងផ្ទៃដីចំការប្រជាពលរដ្ឋដែលបានបង្កបង្កើតផលអស់រយៈពេលយូរ​ឆ្នាំហើយ ដែលមានចំងាយពីព្រំដែនប្រមាណ៤០០ទៅ៥០០ម៉ែត្រវាមិនអាចចូលទៅដីថៃនោះទេ ។ ហើយក្រុមទាហានថៃបន្ទាប់ពីធ្វើសកម្មភាពដក សណ្តែកដីហើយបន្តមកដកដំឡូងមីទៀតដោយពួកគេអះ​អាងថា ធ្វើចូលដីថៃ ក្រុមទាហាន​យើង​បានរារាំងមិនឲ្យដកទុក្ខប្រមូលផលសិន ។

ទាក់ទិនហេតុការណ៍នេះកោះសន្តិភាពបានទូរស័ព្ទនៅនៅរសៀលថ្ងៃទី១៧ខែតុលាឆ្នាំ២០២៤នេះជួបលោកលួស ឡាញ់មេបញ្ជាការរងយោធភូមិភាគទី៤ ប្រចាំទឹសទី៣ ក្នុងតំបន់អូរស្មាច់និងប្រាសាទតាមាន់ធំបានឆ្លើយតបយ៉ាងខ្លីថារឿងរ៉ាវដែលកើតមានក្នុងតំបន់អូរស្មាច់បានបង្កើតក្រុមការងារដោះស្រាយរួចរាល់ហើយ ដោយលោកមិនបានបកស្រាយឲ្យវែងឆ្ងាយទេថា ជាប់រវល់ ។

ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕​