នៅពេលដែលមានសេចក្តីរាយការណ៍អំពីកំណើននៃទុនវិនិយោគនៅប្រទេសវៀតណាម នៅកម្ពុជាក៏មានសេចក្តីរាយការណ៍អំពីកំណើននៃទុនវិនិយោគបទេសដែរ ទោះបីជាទំហំវិនិយោគមិនមានទំហំប៉ុនគ្នាក៏ដោយចុះ ។ ទីភ្នាក់ងារវិនិយោគបរទេសនៃក្រសួងផែនការ និងវិនិយោគវៀតណាម បានអះអាងថា ប្រទេសដែលមានប្រជាពលរដ្ឋប្រមាណជាជាង១០០លាននាក់ នៅក្នុងរយៈពេល៨ខែ បានទាក់ទាញគម្រោងវិនិយោគដែលមានតម្លៃសរុបប្រមាណជាជាង…
នៅពេលដែលមានសេចក្តីរាយការណ៍អំពីកំណើននៃទុនវិនិយោគនៅប្រទេសវៀតណាម នៅកម្ពុជាក៏មានសេចក្តីរាយការណ៍អំពីកំណើននៃទុនវិនិយោគបទេសដែរ ទោះបីជាទំហំវិនិយោគមិនមានទំហំប៉ុនគ្នាក៏ដោយចុះ ។
ទីភ្នាក់ងារវិនិយោគបរទេសនៃក្រសួងផែនការ និងវិនិយោគវៀតណាម បានអះអាងថា ប្រទេសដែលមានប្រជាពលរដ្ឋប្រមាណជាជាង១០០លាននាក់ នៅក្នុងរយៈពេល៨ខែ បានទាក់ទាញគម្រោងវិនិយោគដែលមានតម្លៃសរុបប្រមាណជាជាង ២០,៥២ ពាន់លានដុល្លារកើន៧ភាគរយធៀបនឹងរយៈពេលដដែលកាលពីឆ្នាំទៅ ។
ប្រភពដដែលបានអះអាងថា ក្រុមហ៊ុនវិនិយោគដែលបានស្នើនោះគឺមានចំនួនសរុប ប្រមាណជា ២.២៤៧ គម្រោងមកពីប្រទេសចំនួន ៩៤ ដោយនៅក្នុងនោះ សិង្ហបុរីដាក់ទុនច្រើនជាងគេ គឺជាង ៦,៧៩ពាន់លានដុល្លារ ក្រៅពីនោះ គឺចិនហុងកុង ដែលមានទំហំ ជាង ២,៤ ពាន់លានដុល្លារ ក្រៅពីនោះមានអាមេរិក មានជប៉ុនជាដើម ។
សម្រាប់កម្ពុជាវិញ តួរលេខបានបង្ហើបថា ពីខែសីហាឆ្នាំ២០២៣ ដល់ខែសីហា ឆ្នាំ២០២៤ កម្ពុជាដែលមានពលរដ្ឋជាង១៧លាននាក់ គឺបានទាក់ទាញគម្រោងវិនិយោគសរុប៧,៥ ពាន់លានដុល្លារ ។ ទឹកប្រាក់ទាំងនេះ គឺសម្រាប់ដំណើរការគម្រោងសរុប៣៩១ គម្រោង នៅក្នុងនោះជាង៦០ ភាគរយ គឺមកពីចិន ហើយអាចបង្កើតការងារធ្វើបាន៣៤០.០០០ កន្លែង ៕
ចែករំលែកព័តមាននេះ