រាជធានីភ្នំពេញ ៖ បុរសម្នាក់រៀនបើករថយន្តទាំងយប់ក៏បានជ្រុលចង្កូតឡើងខឿនបុកជញ្ចាំងផ្ទះប្រជាពលរដ្ឋ កាលពីវេលាម៉ោង១០និង៤០នាទីយប់ថ្ងៃទី៣ ខែកញ្ញា ឆ្នាំ២០២៤ ស្ថិតនៅតាមបណ្តោយផ្លូវលេខ២៨៨ កែង៥១ ស្ថិតក្នុងសង្កាត់បឹងកេងកង១ ខណ្ឌបឹងកេងកង…
រាជធានីភ្នំពេញ ៖ បុរសម្នាក់រៀនបើករថយន្តទាំងយប់ក៏បានជ្រុលចង្កូតឡើងខឿនបុកជញ្ចាំងផ្ទះប្រជាពលរដ្ឋ កាលពីវេលាម៉ោង១០និង៤០នាទីយប់ថ្ងៃទី៣ ខែកញ្ញា ឆ្នាំ២០២៤ ស្ថិតនៅតាមបណ្តោយផ្លូវលេខ២៨៨ កែង៥១ ស្ថិតក្នុងសង្កាត់បឹងកេងកង១ ខណ្ឌបឹងកេងកង រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេបានឃើញបុរសម្នាក់កំពុងឡើងបើកបររថយន្ត TOYOTA GRANVIA ពណ៌ស ពាក់ស្លាកលេខ កម្ពុជា AU-0527 ដោយដំបូងរថយន្តខាងលើ ឈប់នៅក្បែរផ្ទះកើតហេតុប្រមាណ២០ម៉ែត្រ ភ្លាមៗនោះបុរសខាងលើក៏ឡើងបើករថយន្ត ក្នុងគោលបំណងរៀនបើកបរ ក៏ស្រាប់តែរេចង្កូតឡើងខឿនផ្ទះប្រជាពលរដ្ឋ រួចបុកដើមឈើបាក់អស់មួយដើមថែមទៀត។
គួរបញ្ជាក់ថាករណីគ្រោះថ្នាក់ចរាចរណ៍ខាងលើនេះ មិនបង្កអោយនរណាម្នាក់រងរបួសនោះទេ ។
ក្រោយកើតហេតុ សមត្ថកិច្ចមូលដ្ឋានបានទាក់ទងទៅកាន់សមត្ថកិច្ចជំនាញចរាចរណ៍ ដើម្បីចុះមកធ្វើការវាស់វែង ព្រមទាំងបាននាំខ្លួនម្ចាស់រថយន្តទៅប៉ុស្តិ៍ ដើម្បីធ្វើការពិនិត្យមើលជាតិអាល់កុល ខ្លាចក្រែងពិសារគ្រឿងស្រវឹង ចំណែករថយន្តយកទៅរក្សាទុកនៅអធិការដ្ឋាននគរបាលខណ្ឌបឹងកេងកង ដើម្បីរង់ចាំម្ចាស់រថយន្តចូលខ្លួនទៅដោះស្រាយតាមនីតិវិធីនៅពេលក្រោយ៕
ចែករំលែកព័តមាននេះ