រាជរដ្ឋាភិបាលបានប្រកាសផ្តល់ឱកាសឲ្យអ្នកចេះយុទ្ធគុនបុរាណខ្មែរទាំងអស់ អាចចុះឈ្មោះវៃដណ្តើមជើងឯង នៅខែតុលាជាផ្លូវការ ។រាជរដ្ឋាភិបាលកម្ពុជាដែលមានសម្តេចធិបតី ហ៊ុន ម៉ាណែត ជាប្រមុខបានប្រកាសថា ការប្រកួតក្បាច់គុនបុរាណខ្មែរ នេះនឹងរៀបចំ នៅថ្ងៃទី១៨…
រាជរដ្ឋាភិបាលបានប្រកាសផ្តល់ឱកាសឲ្យអ្នកចេះយុទ្ធគុនបុរាណខ្មែរទាំងអស់ អាចចុះឈ្មោះវៃដណ្តើមជើងឯង នៅខែតុលាជាផ្លូវការ ។
រាជរដ្ឋាភិបាលកម្ពុជាដែលមានសម្តេចធិបតី ហ៊ុន ម៉ាណែត ជាប្រមុខបានប្រកាសថា ការប្រកួតក្បាច់គុនបុរាណខ្មែរ នេះនឹងរៀបចំ នៅថ្ងៃទី១៨ ដល់ថ្ងៃទី២០ ខែតុលា ឆ្នាំ២០២៤ ដើម្បីចូលរួមការពារ និងលើកស្ទួយក្បាច់គុនបុរាណខ្មែរយើង ហើយបងប្អូនកីឡាករ កីឡាការីនីទាំងអស់ ដែលមានចំណាប់អារម្មណ៍អាចដាក់ពាក្យចូលរួមប្រកួត ។
ការប្រកួតនេះ គឺសម្រាប់តែអ្នកដែលចេះយុទ្ធគុនខ្មែរប៉ុណ្ណោះ ពោល គឺល្បុក្កតោ យុទ្ធគុនខម ខ្លាក្រាប ស្រវែពេន គុនដំបង យុទ្ធគុនខេមរមភូមិន្ត គឺសុទ្ធតែអាចដាក់ពាក់ចូលរួមប្រកួតបានទាំងអស់ លើកលែងតែ យុទ្ធគុនបរទេស ។ ទីតាំងនៃការប្រកួតនេះ ត្រូវបានគេដឹងថា មានគម្រោងនឹងរៀបចំឡើងនៅវិមានពហុកីឡដ្ឋានជាតិអូឡាំពិក ។
រាជរដ្ឋាភិបាលបានកំពុងតែរៀបចំ និងជំរុញដំណើរការនៃការចងក្រងជាឯកសារ ដើម្បីអភិរក្ស និងរក្សាទុក នូវរាល់យុទ្ធគុនខ្មែរបុរាណ ដែលមានខណៈដែលពេលនេះយុទ្ធគុនដែលមានការទទួលស្គាល់ដ៏ចំហ គឺ ល្បុក្កតោ ត្រូវបានដាក់បញ្ចូលក្នុងបញ្ជីតំណាងបេតិកភណ្ឌវប្បធម៌អរូបីនៃមនុស្សជាតិរបស់អង្គការយូណេស្កូ កាលពីថ្ងៃទី២៩ ខែវិច្ឆិកា ឆ្នាំ២០២២ ៕
ចែករំលែកព័តមាននេះ