ខេត្តព្រះសីហនុ ៖ សាច់ញាតិជនរងគ្រោះឈ្មោះរត្ន័ គន្ធី ដែលរងគ្រោះដោយអំពើហិង្សាមកលើរាងកាយពីសំណាក់លោក អ៊ុក ផាន់ណារ៉េត (មេប៉ុស្តិ៍សង្កាត់លេខ៣) ក្រុងព្រះសីហនុ ខេត្តព្រះសីហនុ…
ខេត្តព្រះសីហនុ ៖ សាច់ញាតិជនរងគ្រោះឈ្មោះរត្ន័ គន្ធី ដែលរងគ្រោះដោយអំពើហិង្សាមកលើរាងកាយពីសំណាក់លោក អ៊ុក ផាន់ណារ៉េត (មេប៉ុស្តិ៍សង្កាត់លេខ៣) ក្រុងព្រះសីហនុ ខេត្តព្រះសីហនុ កាលពីថ្ងៃទី៦ ខែកក្កដា ឆ្នាំ២០២៤ កន្លងមកនេះ បានសម្តែងការហួសចិត្ត ខណៈសាលាដំបូងខេត្តព្រះសីហនុកំពុងដំណើរការលើសំណុំរឿងព្រហ្មទណ្ឌនេះ ស្រាប់តែបែកធ្លាយចេញដីការកោះហៅជនរងគ្រោះ(រត្ន័ គន្ធី )ជាលើកទី២ បែបប្រញាប់តែម្តង ឲ្យជនរងគ្រោះចូលខ្លួនទៅកាន់ការិយាល័យព្រហ្មទណ្ឌកំរិតធ្ងន់នៃស្នងការដ្ឋាននគរបាលខេត្តព្រះសីហនុ តាមបណ្តឹងរបស់ឈ្មោះ លោកវរសេនីយ៍ត្រីយ៍ អ៊ុក ផាន់ណារ៉េត នាយនគរបាលប៉ុស្តិ៍រដ្ឋបាលសង្កាត់លេខ៣រុង/ខេត្តព្រះសីហនុទៅវិញដែលបានប្តឹងឈ្មោះរត្ន័ គន្ធី ក្រោយបានប្រើអំពើហិង្សាទៅលើជនរងគ្រោះរួចមកហើយ ។
លុះដល់ថ្ងៃទី៧ ខែកក្កដា ឆ្នាំ២០២៤ លោកវរសេនីយ៍ត្រីយ៍ អ៊ុក ផាន់ណារ៉េត បានដាក់ពាក្យបណ្តឹងទៅកាន់ស្នងការដ្ឋាននគរបាលខេត្តព្រះសីហនុ ។ ទន្ទឹមនោះ ការិយាលយ័កម្រិតធ្ងន់នៃស្នងការដ្ឋាននគរបាលខេត្តព្រះសីហនុ បានចេញដីកាកោះហៅឲ្យជនរងគ្រោះរត្ន័ គន្ធី ចូលខ្លួនបំភ្លឺនៅរសៀលថ្ងៃទី២៣ ខែ សីហា ឆ្នាំ២០២៤ ខណៈដែលជនរងគ្រោះបានប្តឹងលោកអ៊ុក ផាន់ណារ៉េត ទៅកាន់អយ្យការអមសាលាតំបូង ហើយដំណើររឿងតំណាងអយ្យការកំពុងតែចាត់ការលើសំណុំរឿងព្រហ្មទណ្ឌ ។
ប្រភពផ្តល់ព័ត៌មានពីម្តាយជនរងគ្រោះបានឲ្យដឹងតាមទូរសព្ទ័កាលពីរសៀលថ្ងៃទី២៣ សីហា ឆ្នាំ២០២៤ ថា មេធាវីកូនរបស់គាត់ (ជនរងគ្រោះ) បានដាក់ពាក្យស្នើសុំចុះថ្ងៃទី២០ ខែសីហា ឆ្នាំ២០២៤ គោរពជូនលោកឧត្តមសេនីយ៍ឯក ស រដ្ឋា អគ្គស្នងការងនិងជាស្នងការនគរបាលខេត្តព្រះសីហនុ សុំលោកឧត្តមសេនីយ៍ឯកបញ្ជូនសំណុំរឿងទៅសាលាតំបូងខេត្ត ព្រះសីហនុវិញដោយហេតុថា អយ្យអមសាលាតំបូងកំពុងតែបន្តនិតិវិធី ដូច្នេះ កូនរបស់គាត់មិនបានចូលខ្លួនទៅបំភ្លឺនៅស្នងការដ្ឋាននគរបាលខេត្តតាមលិខិតកោះហៅនោះទេ។
សាច់ញាតិជនរងគ្រោះបានដាក់ការសង្សយ័ថា កណីហិង្សាមកលើជនរងគ្រោះ (រត្ន័ គន្ធី )លោកនាយនគរបាលប៉ុស្តិ៍រដ្ឋបាលសង្កាត់លេខ៣ ស៊ីលៀសល្អៀសខ្លួន ឬកន្ទេលធំបន្លំដេក ហើយមើលទៅបានជាវ៉ៃគេហើយប្តឹងគេទៀត (នៅលើគោកសុទ្ធ) ។ ពលរដ្ឋសួរថា ឯណាទៅគោលនយោបាយ ភូមិ-ឃុំមានសុវត្ថិទាំង៥ចំណុច ”? ទុកចិត្តឯណាបាន បើអ្នកដែលវ៉ៃពលរដ្ឋក្នុងមូលដ្ឋានគឺជាមេប៉ុស្តិ៍ ហើយអត់ទាន់មានមេចាត់ការកូនចៅផង សង្ស័យកាន់ជើងគ្នាឯងទេដឹង?
ទាក់ទងទៅនឹងករណីលោកនាយនគរបាលប៉ុស្តិ៍រដ្ឋបាលសង្កាត់លេខ៣ ប្រើហិង្សាមកលើប្រជាពលរដ្ឋ អ្នកសារព័ត៌មាន យើងមិនអាចទាក់ទងសុំការបំភ្លឺពីលោកនាយប៉ុស្តិ៍បានទេ តាមប្រពន្ធ័តេលេក្រាមលោកចូលមើលហើយតែមិនឆ្លើយតប ។
គួររំលឹកផងដែរថា ករណីពលរដ្ឋ ឈ្មោះ រត្ន័ គន្ធី រងគ្រោះ ដោយអំពើរហិង្សាពីណាក់ឈ្មោះ អ៊ុក ផាន់ណារ៉េត កាលពីយប់ថ្ងៃទី៦ ខែកក្កដា ឆ្នាំ២០២៤ នៅក្រោយសាលារៀនអនុវិទ្យាលយ័សម្តេចឪ ស្ថិតក្នុងភូមិ២សង្កាត់លេខ៣ ក្រុងព្រះសីហនុនោះ ត្រូវបានលោកអ៊ីវត្រាយ ព្រះរាជអាជ្ញារង តំណាងអយ្យការអមសាលាដំបូង ខេត្តព្រះសីហនុ បានចេញដីការកោះហៅមេប៉ុស្តិ៍នោះឲ្យចូលខ្លួនបំភ្លឺ កាលពីថ្ងៃទី១៣ ខែសីហា ឆ្នាំ២០២៤ កន្លងទៅ តាមបណ្តឹងរបស់ជនរងគ្រោះកាលពីថ្ងៃទី១៥ ខែកក្កដា ឆ្នាំ២០២៤ ម្តងរួចទៅហើយ តែមិនទាន់បានដឹងពីលទ្ទផលនៅឡើយទេ គ្រួសារសាច់ញាតិជនរងគ្រោះ និងមហាជនជាច្រើនកំពុងតែទន្ទឹងរង់ចាំអ៊ុតមើលពីលទ្ធផលដែលសម្រេចដោយស្ថាបន័ច្បាប់ ?
ចែករំលែកព័តមាននេះ