នៅពេលនេះស្ថានភាពកំណាត់ផ្លូវជាតិលេខ៧៨ ពីក្រុងបានលុងនៅក្នុងខេត្តរតនៈគីរី ទៅព្រំប្រទល់ ខេត្តស្ទឹងត្រែង គឺរលោងស្រិល ។ ក្រសួងសាធារណការ និងដឹកជញ្ជូនបានអះអាង នៅថ្ងៃទី១៨ ខែសីហា…
នៅពេលនេះស្ថានភាពកំណាត់ផ្លូវជាតិលេខ៧៨ ពីក្រុងបានលុងនៅក្នុងខេត្តរតនៈគីរី ទៅព្រំប្រទល់ ខេត្តស្ទឹងត្រែង គឺរលោងស្រិល ។
ក្រសួងសាធារណការ និងដឹកជញ្ជូនបានអះអាង នៅថ្ងៃទី១៨ ខែសីហា ឆ្នាំ២០២៤ថា កំណត់ផ្លូវដែលប្រវែងប្រមាណជា៥៦,១២គីឡូម៉ែត្រ ដោយមានទទឹង១១ម៉ែត្រ ដោយចាប់ផ្ដើមពីគីឡូម៉ែត្រ ៦៥+០៨០ ពីព្រំប្រទល់ ខេត្តស្ទឹងត្រែង បញ្ចប់ត្រឹមគីឡូម៉ែត្រ១២១+២០០ វត្តភ្នំស្វាយ សង្កាត់បឹងកន្សែង ក្រុងបានលុង គឺបានកសាងកម្រាលកៅស៊ូ DBST គឺរលោងស្រិល ។
ប្រភពដដែលបានអះអាងថា សមិទ្ធផលនេះ និងផ្តល់អត្ថប្រយោជន៍យ៉ាងធំធេងដល់សេដ្ឋកិច្ចជាតិ និងសេដ្ឋកិច្ចគ្រួសារតាមរយៈការសម្រួលដល់ការធ្វើដំណើររបស់បងប្អូនប្រជាពលរដ្ឋ ភ្ញៀវទេសចរ និងការដឹកជញ្ជូនទំនិញ ឬកសិផលគ្រប់ប្រភេទ ។
ពីមុនកំណាត់ផ្លូវនេះត្រូវបានគេដឹងថា គឺជាប្រភេទផ្លូវដែលដីក្រហមពិបាកធ្វើដំណើរនៅពេលរដូវវស្សា ហើយធ្វើឲ្យខេត្តរតនៈគីរីក្លាយជាខេត្តដែលពិបាកធ្វើដំណើរទៅដល់មួយ ប៉ុន្តែពេលនេះ អាចវិលត្រឡប់មក វិញបានរវាងភ្នំពេញ និងរតនៈគីរី ៕
ចែករំលែកព័តមាននេះ