មហាជន ជាពិសេស បណ្តាអ្នកលេងបណ្តាញសង្គមបានសម្តែងការភ្ញាក់ផ្អើលយ៉ាងខ្លាំង ក្នុងពេលដែលស្ងាត់ៗតារាសម្តែងនាង វ៉ាង ស្រីណូ បានបង្ហាញពីការពពោះកូនដំបូងដែលមានអាយុ៧ខែ ក្នុងពេលដែលតារារូបនេះមិនទាន់មានដំណឹងរៀបការមានស្វាមីនៅឡើយ ។ អ្នកនាង…
មហាជន ជាពិសេស បណ្តាអ្នកលេងបណ្តាញសង្គមបានសម្តែងការភ្ញាក់ផ្អើលយ៉ាងខ្លាំង ក្នុងពេលដែលស្ងាត់ៗតារាសម្តែងនាង វ៉ាង ស្រីណូ បានបង្ហាញពីការពពោះកូនដំបូងដែលមានអាយុ៧ខែ ក្នុងពេលដែលតារារូបនេះមិនទាន់មានដំណឹងរៀបការមានស្វាមីនៅឡើយ ។
អ្នកនាង វ៉ាង ស្រីណូ បានចាប់ផ្តើមទម្លាយពីការពពោះកូនដំបូងរបស់ខ្លួនសាធារណៈដោយមិនលាក់លៀម ក្នុងពេលដែលកូនក្នុងផ្ទៃរបស់នាងកាន់តែវិវត្តន៍ធំធាត់ ដែលជាមូលហេតុធ្វើឲ្យនាងមិនអាចលាក់បាំងពីភ្នែកមហាជនបានទៀត ។
យ៉ាងណា តារាស្រីរូបនេះបានបង្ហាញអារម្មណ៍រីករាយយ៉ាងខ្លាំង ក្នុងពេលដែលនាងទទួលបានកូនជាលើកដំបូងតាមក្តីប៉ងប្រាថ្នា ដោយនៅក្នុងនោះនាងបានចាត់ទុកកូនដែលនឹងចាប់កំណើតឃើញពន្លឺព្រះអាទិត្យនាពេលឆាប់ៗខាងមុខនេះ គឺជាកូននាំសំណាងក្នុងជីវិតរបស់នាង ។
ជាមួយនឹងការបង្ហាញរូបភាពខ្លួនឯងកំពុងពពោះកូនក្នុងផ្ទៃ វ៉ាង ស្រីណូ បានភ្ជាប់ជាមួយនឹងសំណេរថា អត់ដឹងថា ត្រូវរៀបរាប់ពីណាមកមុនទេ ! គ្រាន់តែចង់និយាយថា ម៉ាក់មានក្តីសុខនឹងមោទនភាពណាស់ដែលបានក្លាយជាស៊ីងហ្គលមាំមី ។
នាងបញ្ជាក់ថា គ្រប់យ៉ាងចូលមកក្នុងជីវិតយ៉ាងរលូនតាមប្រាថ្នា និងការគ្រោងទុក, តាំងពីចាប់ផ្តើមមានវត្តមានកូននៅក្នុងផ្ទៃ មករហូតអីឡូវ8ខែ ហើយម៉ាក់មិនដែលចាញ់មិនធ្វើទុក្ខ ក្អួត ចង្អោរ ឬពិបាកម្តងណាទេ សូម្បីពេលខ្លះប្រាប់គេ ថាកំពុងពរពោះគេមិនជឿទៀត ព្រោះមិនសូវខ្ទាតពោះ សុខភាពធម្មតាមិនដូចអ្នកមានគភ៌ ទៅណាមកណាក៏បាន និងធ្វើការបានធម្មតា រឹងមាំ រីករាយ មានសុភមង្គលគ្រប់ពេល!កូនជាកូន នាំលាភ នាំសំណាង នឹងជាសុភមង្គលទាំងស្រុងរបស់ម៉ាក់ វត្តមានកូនធ្វើអោយម៉ាក់ កក់ក្តៅ និងកាន់តែរឹងមាំ បំពេញតួរនាទីជាម្តាយផងជាឪពុកផង ។
នាងថា ម៉ាក់មិនត្រូវការអ្វីច្រើនជាងនេះទេ សូមអោយតែកូនមានសុខភាពល្អ និងសូមអោយសំរាលតាមពេលដែលកំណត់ ជួបគ្នាខែ09 កូនស្រីមាសម្តាយ ។
វ៉ាង ស្រីណី បានលើកឡើងបន្ថែមថា បាំងតែមួយខែទៀតទេ បានជួបមុខគ្នាហើយកូនម៉ាក់ រង់ចាំថតរូបពោះធំយូរហើយ តែពោះមិនខ្ទាតសោះកូនជិតកើតហើយទើបឃើញពោះ 😅😅 កាលបាន5ខែប្រាប់គេថា ទំងន់គេមិនជឿ អីឡូវប្រាប់គេថា ៨ខែ ក៏គេមិនចង់ជឿ គេឡើងសាប់ផ្រាយ ។
យ៉ាងណា ដំណឹងពីការពពោះរបស់ វ៉ាង ស្រីណូ នាពេលនេះ គេក៏ឃើញមានមហាជន ជាពិសេសមិត្តភក្តិស្និទ្ធិស្នាលរបស់នាងមួយចំនួនបាននាំគ្នាចូលរួមអបអរសាទរចំពោះនាងផងដែរ បើទោះបីជាពេលនេះនាងហាក់ឃ្លាតឆ្ងាយពីសិល្បះក៏ដោយ ។
ជាការកត់សម្គាល់ បន្ទាប់ពីដកឃ្លាពីសិល្បៈអស់រយពេលជាច្រើនឆ្នាំមកនេះ វ៉ាង ស្រីណូ បានងាកមករកស៊ីនូវមុខរបរលក់សម្ភារម៉ាកប្រ៊េនៗល្បី និងគ្រឿងសម្អាងមកពីបរទេសតាមអនឡាញ ក្រៅពីមុខរបររកស៊ីធំៗទាំងអស់នេះ នាងក៏នៅមានមុខរបរធំៗបន្ថែមទៀតទាំងនៅក្នុងស្រុកខ្មែរ និងនៅបរទេសនោះគឺការរកស៊ីផ្នែកអចលនទ្រព្យ គឺទិញផ្ទះទុក លក់បន្តជាច្រើនកន្លែង និងមានទាំងខនដូរលក់និងជួលទៀតផង។
អតីតតារារូបនេះបញ្ជាក់ថា នាងមានអ្វីៗមកដល់សព្វថ្ងៃនេះ គឺនាងបង្កើតឡើងដោយខ្លួនឯង បួករួមទាំងវាសនា និងឧិកាស បូកផ្សំនិងការខិតខំបន្ថែមពីខ្លួនឯង ដោយមិនមាននរណាម្នាក់នៅពីក្រោយ មិនមានប្តី រឺមិនមានអ្នកដឹកមុខរឺផ្តល់យោបល់ឡើយ ។
កន្លងមក វ៉ាង ស្រីណូ ក៏ធ្លាប់បានទទួលស្គាល់ថា នាងមានគូដណ្តឹងដែលរស់នៅអាមេរិក ប៉ុន្តែទំនាក់ទំនងរបស់ពួកនាងក៏បានកាត់ផ្តាច់ទៅវិញ ហើយរហូតមកទល់នាពេលនេះនាងបន្តរស់នៅម្នាក់ឯង ដោយពុំទាន់លេចលឺពីទំនាក់ទំនងជាមួយបុរសណាម្នាក់ទៀតឡើយ ៕
ចែករំលែកព័តមាននេះ