ដូចរស់ឡើងវិញ នាយឆាងតារាកំប្លែងទើបរះ បន្ទាប់ពីដេកលើគ្រែពេទ្យក្នុងបន្ទប់សង្គ្រោះបន្ទាន់ជាច្រើនថ្ងៃនោះ ចាប់ផ្តើមមានសុខភាពល្អប្រសើរឡើងវិញហើយ ។ ពាក្យចាស់ពោលថា « អាយុមិនអស់ មិនស្លាប់ »…
ដូចរស់ឡើងវិញ នាយឆាងតារាកំប្លែងទើបរះ បន្ទាប់ពីដេកលើគ្រែពេទ្យក្នុងបន្ទប់សង្គ្រោះបន្ទាន់ជាច្រើនថ្ងៃនោះ ចាប់ផ្តើមមានសុខភាពល្អប្រសើរឡើងវិញហើយ ។
ពាក្យចាស់ពោលថា « អាយុមិនអស់ មិនស្លាប់ » ជាការពិតកាលពីពេលថ្មីៗ មានប្អូនអ្នកប្រើបណ្តាញសង្គម បានសម្តែងក្តីអាណិតដល់តារាកំប្លែងនាយឆាងនិងបួងសូងសុំក្តីសុខសប្បាយដល់នាយយើង ក្រោយពីដៃគូកំប្លែង គឺតារាកំប្លែងនាយធុង បានមរណភាព ស្រាប់តែនាយឆាងក៏ចាប់ផ្តើមឈឺធ្ងន់នោះ។
ជាការពិត ក្នុងបន្ទប់សង្គ្រោះបន្ទាន់ ICU ដូចមានជីវិតរស់ឡើងវិញ ឃើញព្រះអាទិត្យរះម្តងទៀត ដោយនាយឆាងពុំដែលឈឺធ្ងន់ដូច្នេះនោះទេ តែដល់ពេលឈឺម្តងធ្វើអោយម្តាយបុណ្យព្រះសំពះទេវតាបាយមិននឹកទឹកមិនស្រេក ក្រោយស្ថានភាពគ្រួសារជួបទុក្ខលំបាក ម្តាយដើរទិញ ឬរើសអេតចាយ។
គួរជម្រាបដែរថា មកដល់ថ្ងៃទី១៧ ខែឧសភា នាយឆាងមានស្ថានភាពល្អប្រឡើងហើយ ដោយនាយបានចាកចេញពីបន្ទាប់សង្ក្រោះបន្ទាន់នាព្រឹកមិញ បើសិនស្ថានភាពកាន់តែប្រសើរនោះ អាចថាជាសញ្ញាវិជ្ជាមានមួយសម្រាប់នាយ ដែលធូរស្បះស្បើយបានមួយកម្រិតមកសម្រាក់ព្យាបាលបន្តនៅបន្ទាន់ធម្មតាវិញ។
តើបងប្អូនដឹងទេ ២០ថ្ងៃក្នុងបន្ទាប់សង្គ្រោះបន្ទាន់ នាយឆាងជួបរឿងអ្វីខ្លះ?តើ២០ថ្ងៃ នាយរស់នៅក្នុងស្ថានភាពសុខទុក្ខយ៉ាងណានោះ?
តាមរយៈបទសម្ភាសន៍ជាមួយកម្មវិធី 60Buzz នៃសារព័ត៌មានកោះសន្តិភាព ស្រីម៉ៅដែលជាបងស្រីបង្កើតនាយឆាងប្រាប់ថា បើគិតថ្ងៃទី ១៧ខែឧសភានេះ នាយបានចេញពីបន្ទាប់សង្គ្រោះបន្ទាន់ហើយ ពោលនាយបានធូរខ្លះៗ និយាយបានតិច ក្រោយការសង្គ្រោះនិងការយកចិត្តទុក្ខពីក្រុមគ្រូពេទ្យប្រមាណជា ២០ថ្ងៃនេះ។
បងស្រីនាយឆាងបានបញ្ជាក់ស្ថានភាពនាយបន្តថា ចាប់តាំងពីការសង្ក្រោះក្នុងចន្លោះពី ១០ថ្ងៃដំបូង នាយបានធូរស្បះស្បើយបន្តិច លុះក្រោយមកបន្ថែមការព្យាបាល ១០ថ្ងៃបន្ថែមទៀតឃើញថា ស្ថានភាពនាយបានធូរច្រើនលើសពីការរំពឹងទុក ដោយក្រុមគ្រូពេទ្យបានដកត្រយោសុងនាយឆាងហើយ ដោយទុកអោយនាយរៀនដកដង្ហើមបានខ្លះៗនោះ។
ពោលកាលចាប់តាំងពីដកត្រយោសុងមកឃើញថា នាយទារហូបបបរ ឬជារបស់ទន់ៗផ្សេងៗដែលនាយអាចនឹងបរិភោគបាន ពោលបើស្ថានភាពកាន់តែល្អជាងនេះទៀត នោះនាយអាចនឹងបរិភោគបាយបានដែលនឹងធ្វើអោយស្ថានភាពនាយកាន់តែប្រសើរនោះ។ បងស្រីបង្កើតនាយឆាងបន្តថា ថ្ងៃនេះនាយអាចធ្វើចលនាដៃជើងបានល្អ ក្រោយដកត្រយោសុង តែមាត់មិនទាន់និយាយបាននោះឡើយ ដោយនៅដាក់អុកស៊ីសែន ដូច្នេះបានត្រឹមបង្ហាញសញ្ញាកាយវិការ និងចលនាផ្សេងទៀតនោះ។
គួរជម្រាបឡើងវិញថា នាយឆាងមានទីលំនៅបច្ចុប្បន្ននៅក្រោយវត្តពោធិ៍ចិនតុង នៅភូមិដីថ្មី នាយមានទម្ងន់ ២១០គីឡូក្រាម មានបងប្អូនចំនួន៥នាក់។ នាយឆាង តាំងពីដឹងក្តីមក នាយមានអាយុ៣ឆ្នាំនាយចាប់ផ្តើមធាត់ ដោយចេះតែហូបបាន មូលហេតុនេះហើយធ្វើអោយានាយមានគីឡូច្រើនដល់សព្វថ្ងៃនេះ។
ហើយនេះជាលើកទី១ហើយចំពោះនាយឆាងផ្ទាល់ ដែលមានជម្ងឺឈឺសួតធ្ងន់ដូច្នេះ ព្រោះកាលពីកាលពីកន្លងទៅ ក្រុមគ្រួសារថា នាយឈឺដែរ តែតិចតួចប៉ុណ្ណោះ៕
ចែករំលែកព័តមាននេះ