តារាសម្តែងរូបស្រស់សង្ហា គឺលោក រតន វិសិទ្ធ បងប្អូនមហាជន និងអ្នកសិល្បៈទាំងក្នុង និងក្រៅប្រទេស អាចនឹងស្គាល់លោកហើយ ពោលគឺកាលពីថ្មីនេះ តារាសម្តែងរូបនេះ បានជួបរឿងដ៏ហួសចិត្តមួយ ខណៈពេលលោកកំពុងសម្តែងនៅក្រៅប្រទេសសុខៗ ស្រាប់តែ
រាជធានីភ្នំពេញ ៖ តារាសម្តែងរូបស្រស់សង្ហា គឺលោក រតន វិសិទ្ធ បងប្អូនមហាជន និងអ្នកសិល្បៈទាំងក្នុង និងក្រៅប្រទេស អាចនឹងស្គាល់លោកហើយ ពោលគឺកាលពីថ្មីនេះ តារាសម្តែងរូបនេះ បានជួបរឿងដ៏ហួសចិត្តមួយ ខណៈពេលលោកកំពុងសម្តែងនៅក្រៅប្រទេសសុខៗ ស្រាប់តែមានជនមិនស្គាល់អត្តសញ្ញាណបានធ្វើការ Hack តេឡេក្រាមរបស់លោក។
នេះអាចថា ជាលើកទី១ហើយចំពោះតារាសម្តែងរូបនេះ ហើយលោកក៏ធ្វើការចែកចាយក្នុងគណនីហ្វេសប៊ុករបស់លោក ដោយលើកឡើងថា «បងប្អូន មានគេលួ.ច Hack Account Telegram របស់ខ្ញុំ ដើរខ្ចីលុយគេគ្រប់គ្នា ចឹងបងប្អូនកុំទទួលអោយសោះ។ សូមជួយស៊ែរផងបងប្អូន»។
នេះអាចនិយាយបានថា គឺជារឿងដ៏ហួសចិត្តចំពោះតារាសម្តែងលោក រតន វិសិទ្ធផ្ទាល់ ដូច្នេះលោកក៏ទទូចផងដែរថា «ប្រសិនមានករណីដូចដែលលោកបានធ្វើចែកចាយនោះ សូមប្រុងប្រយ័ត្នទាំងអស់គ្នា»។
តាមរយៈបទសម្ភាសន៍ជាមួយសារព័ត៌មានកោះសន្តិភាព លោក រតន វិសិទ្ធ បានប្រាប់អោយដឹងថា «រឿងនេះ គឺជារឿងដ៏ហួសចិត្តចំពោះលោកផ្ទាល់ ដោយលោកសូមអោយបងប្អូនមហាជន សាច់ញាតិ ក៏ដូចជាមិត្តភក្តិអ្នកស្គាល់ទាំងអស់ សូមមានប្រុងប្រយ័ត្ន ដោយសារគណនីតេឡេក្រាមរបស់លោក មានគេលួ.ចចូល។ ហើយបានទៅខ្ចីលុយមិត្តភក្តិរបស់លោក ចំនួន ៣០០ដុល្លារ តែពុំបានផ្ញើអោយជនរូបនោះឡើយ ព្រោះមិត្តភក្តិរបស់លោកធ្វើការទាក់ទងទៅសួរសិន ណាមួយនាពេលនេះ លោកកំពុងតែនៅសហរដ្ឋអាមេរិកផង ដូច្នេះសូមប្រុងប្រយ័ត្ន»។
លោក រតន វិសិទ្ធ បានបន្តថា «ប្រសិនបើមានការសរសេរជាសារ ឬសារជាសម្លេងនោះ សូមប្រុងប្រយ័ត្ន សូមកុំផ្ញើផ្តេសផ្លាស់អោយសោះ បើពុំចង់ខាតបង់នោះ»។ លោកបញ្ជាក់ថា «ចំពោះរឿងនេះ លោកគ្រាន់តែចង់អោយបងប្អូនបានជ្រាបជាដំណឹង ដោយចង់ទប់ស្កាត់រឿងមួយនេះ ហើយពុំចង់អោយនរណាម្នាក់ត្រូវបានជនរូបនោះឆបោ.ក ដូចជាករណីមិត្តភក្តិរបស់លោកនោះទេ»។
ជាចុងក្រោយ លោក រតន វិសិទ្ធ សង្ឃឹមថា នឹងគ្មានបងប្អូនណាចា.ញ់បោ.កជនដែលបានធ្វើការ Hack តេឡេក្រាមរបស់លោកនោះឡើយ ដោយលោកអំពាវហើយអំពាវនាវទៀត សូមប្រុងប្រយ័ត្នឱ្យខ្ពស់ដូចជាប្រការខាងលើ។
គួរបញ្ជាក់ផងដែរថា នាពេលបច្ចុប្បន្ននេះ លោកកំពុងរស់នៅសហរដ្ឋអាមេរិក ដូច្នេះលោកពុំបានប្រើប្រាស់លេខនៅខ្មែរនោះឡើយ ហើយចំពោះរឿងរ៉ាវមួយនេះ លោកក៏ហួសចិត្តចំពោះរឿងនេះដែរ ហើយក៏មិនទទួលខុសត្រូវឡើយ ប្រសិនបើបងប្អូនបានចា.ញ់បោ.កជនរូបនេះ៕
អត្ថបទដោយ ៖ លីហួ គីមឆាយ
ចែករំលែកព័តមាននេះ