ខេត្តរតនគិរីភ្ញៀវទេសចរជាតិថយចុះ តែភ្ញៀវអន្តរជាតិកើនឡើង
- រតនគិរី
ខេត្តរតនគិរី ៖ យោងតាមរបាយការណ៍របស់មន្ទីរទេសចរណ៍ខេត្តរតនគិរីអោយដឹង កាលពីល្ងាចថ្ងៃទី១ មករា ឆ្នាំ២០២៤ ថា រយៈពេល៣ថ្ងៃ(២៩-៣១) ខែធ្នូ ឆ្នាំ២០២៣…
ខេត្តរតនគិរី ៖ យោងតាមរបាយការណ៍របស់មន្ទីរទេសចរណ៍ខេត្តរតនគិរីអោយដឹង កាលពីល្ងាចថ្ងៃទី១ មករា ឆ្នាំ២០២៤ ថា រយៈពេល៣ថ្ងៃ(២៩-៣១) ខែធ្នូ ឆ្នាំ២០២៣…
ខេត្តរតនគិរី ៖ យោងតាមរបាយការណ៍របស់មន្ទីរទេសចរណ៍ខេត្តរតនគិរីអោយដឹង កាលពីល្ងាចថ្ងៃទី១ មករា ឆ្នាំ២០២៤ ថា រយៈពេល៣ថ្ងៃ(២៩-៣១) ខែធ្នូ ឆ្នាំ២០២៣ ក្នុងខេត្តរតនគិរីមានភ្ញៀវទេសចរជាតិចំនួន៨,៣៦៣នាក់ មានការថយចុះ២.៧៣% រីឯភ្ញៀវទេសចរអន្តរជាតិចំនួន៥៧នាក់ មានការកើនឡើង២.៥១% សរុបភ្ញៀវទេសចរជាតិ-អន្តរជាតិមានចំនួន៨,៤២០នាក់ មានការថយចុះ២.៥៧% ។
ចំពោះមូលហេតុចំនួនភ្ញៀវទេសចរមានការធ្លាក់ចុះ គឺដោយកត្តាភ្ញៀវទេសចរមានច្រើនជម្រើសក្នុងការដើរលេងកំសាន្តក្នុងព្រឹត្តិការណ៍ឆ្លងឆ្នាំសកល២០២៤ ។ សេវាកម្មស្នាក់នៅ និងសេវាកម្មម្ហូបអាហារ និងសេវាកម្មដឹកជញ្ជូនភ្ញៀវ ពុំមានការតំឡើងថ្លៃគួរអោយកត់សំគាល់នោះឡើយ ។ហើយនៅតាមតំបន់រមណីយដ្ឋានមានការគ្រប់គ្រងបរិស្ថាន សណ្តាប់ធ្នាប់បានល្អប្រសើរ ដោយមានរៀបចំណតរថយន្ត និងម៉ូតូយ៉ាងមានរបៀបរៀបរយ ។
របាយការណ៍ដដែលលើកឡើងថា ពិធីបុណ្យចូលឆ្នាំសកល២០២៤នេះ សោភ័ណភាពទីប្រជុំជននិងទីក្រុង និងអនាម័យតាមតំបន់រមណីយដ្ឋានក្រោមការ ដឹកនាំរៀបចំដោយឯកឧត្តម ញ៉ែម សំអឿន អភិបាលនៃគណៈខេត្តរតនគីរីបានយកចិត្តទុកដាក់ខ្ពស់ក្នុងការរៀបចំឲ្យមានសោភ័ណភាពទីប្រជុំជន ទីក្រុង និងតាមបណ្ដាក្រុងស្រុកទាំងអស់ក្នុងខេត្តរតនគិរី ដោយមានការរៀបចំភ្លើងបំភ្លឺទីសាធារណៈ តាមបណ្តាអង្គភាពរបស់រដ្ឋ និងវិស័យឯកជន ដើម្បីលើកស្ទួយ សោភ័ណភាពទីក្រុង ក្នុងការផ្តល់សេវាកម្មជូនប្រជាពលរដ្ឋក្នុងខេត្ត ក៏ដូចភ្ញៀវទេសចរជាតិនិងអន្តរជាតិ ដែលបានមកទស្សនាខេត្តរតនគិរី ។
តាមការសន្និដ្ឋានថា ប្រជាពលរដ្ឋក្នុងខេត្តរតនគិរីមានភាពសប្បាយរីករាយ និងសារទរចំពោះរដ្ឋបាលខេត្តរតនគិរី ដែលបានរៀបចំព្រឹត្តិការណ៍ឆ្លងឆ្នាំសកល២០២៤ ។ហើយប្រជាពលរដ្ឋភាគច្រើនក្នុងខេត្តបានជប់លៀងនៅតាមគេហដ្ឋាន និងជុំវិញមាត់បឹងកន្សែង ដើម្បីអបអរសាទរក្នុងព្រឹត្តិការណ៍ឆ្លងឆ្នាំសកល ២០២៤ ។
ជាពិសេស ថ្នាក់ដឹកនាំ មន្ត្រីរាជការ ប្រជាពលរដ្ឋ ភ្ញៀវទេសចរជាតិ និងអន្តរជាតិ បានជួបជុំគ្នានៅមាត់បឹងកន្សែង ដើម្បីអបអរសាទរ រហូតដល់ឆ្លងឆ្នាំសកល២០២៣ឆ្លងចូលឆ្នាំ២០២៤ និងនៅរមណីយដ្ឋានបឹង វារីអគ្គិសនីស្រុកអូរជុំភ្ញៀវទេសចរជាតិ និងអន្តរជាតិ បានរៀបចំបាញ់កាំ
ជ្រួច លក្ខណៈគ្រួសារ ដើម្បីអបអរសាទរនិងត្រៀមក្នុងកម្មវិធីឆ្លងឆ្នាំសកល២០២៤ផងដែរ ៕
ចែករំលែកព័តមាននេះ