ADផ្ទាំងផ្សព្វផ្សាយពាណិជ្ជកម្ម

Picture

កូរ៉េ​ខាងត្បូង​ពង្រាយ​យន្តហោះ​ស៊ើ​ប​ការណ៍​តាម​បណ្ដោយ​ព្រំដែន

3 ខែ មុន

ប្រទេស​កូរ៉េ​ខាងត្បូង ៖ កងទ័ព​កូរ៉េ​ខាងត្បូង​កាលពី​ថ្ងៃ​ទី​២២​វិច្ឆិកា បាន​ដាក់​ពង្រាយ​បណ្ដា​មធ្យោ​

ប្រទេស​កូរ៉េ​ខាងត្បូង ៖ កងទ័ព​កូរ៉េ​ខាងត្បូង​កាលពី​ថ្ងៃ​ទី​២២​វិច្ឆិកា បាន​ដាក់​ពង្រាយ​បណ្ដា​មធ្យោ​បាយ​ស៊ើប​ការណ៍ តាម​បណ្ដោយ​ព្រំដែន​កូរ៉េ​ទាំង​២ ក្រោយ​ការ​ផ្អាក​ខ​ទី​៣​នៃ​មាត្រា​ទី​១​នៃ​កិច្ចព្រមព្រៀង​យោធា​អន្តរ​កូរ៉េ ដែល​ចុះហត្ថលេខា​ពី​ថ្ងៃ​ទី​១៩​កញ្ញា​ឆ្នាំ​២០១៨​។

កងទ័ព​កូរ៉េ​ខាងត្បូង​បាន​បាន​ដាក់​ពង្រាយ​យន្តហោះ​ស៊ើប​ការណ៍​គ្មាន​មនុស្ស​បើក​១​គ្រឿង និង​បណ្ដា​យន្តហោះ​ស៊ើប​ការណ៍​ធុន​RC-800 នៅ​ជុំវិញ​ខ្សែបន្ទាត់់​ព្រំដែន​រវាង​កូរ៉េ​ទាំង​២​។ អ្នក​ទទួលខុសត្រូវ​ម្នាក់​នៃ​កងទ័ព​កូរ៉េ​ខាងត្បូង​ថ្លែង​ថា បណ្ដា​សកម្មភាព​ត្រួតពិនិត្យ និង​ស៊ើប​ការណ៍ លើ​កូរ៉េ​ខាងជើង​កំពុង​ធ្វើ​ទាំង​យប់​ទាំង​ថ្ងៃ​។ សកម្មភាព​ទាំងនេះ​មាន​កម្រិត​ដូច​មុន​ថ្ងៃ​ទី​១៩​កញ្ញា​ឆ្នាំ​២០១៨​។

ខ​ទី​៣​នៃ​មាត្រា​ទី​១​នៃ​កិច្ចព្រមព្រៀង​នោះ ចែង​ពី​តំបន់​គ្មាន​ការ​ហោះហើរ ដែល​រារាំង​មិន​ឲ្យ​យន្តហោះ​កូរ៉េ​ត្បូង​ហោះហើរ​សើ​ុ​ប​ការណ៍​លើ​កូរ៉េ​ខាងជើង​ជុំវិញ​ខ្សែបន្ទាត់​ព្រំដែន​នោះ នាំ​ឲ្យ​មានការ​ចន្លោះ​ប្រហោង​នៃ​ការ​សើ​ុ​ប​ការណ៍​។ បែប​នេះ​ក៏​ជា​ការ​ប្រឆាំង​នឹង​ការ​បាញ់​បញ្ជូន​ផ្កាយ​រណប​សើ​ុ​ប​ការណ៍​កូរ៉េ​ខាងជើង​កាលពី​ថ្ងៃ​ទី​២១​វិច្ឆិកា​ដែរ​៕

អត្ថបទសរសេរ ដោយ

កែសម្រួលដោយ