រាជធានីភ្នំពេញ៖ នៅរសៀលថ្ងៃទី ១១ ខែតុលា នេះផ្ទុះហេតុការណ៍គួរឱ្យរន្ធត់ចិត្តមួយដែលស្វាមីរបស់ថៅស្រីម្ចាស់ក្រុមហ៊ុន សម្រស់ធម្មជាតិ លោកស្រី សុន្ទររី ហៅស្រីអូន បានសម្លាប់ខ្លួន តែយ៉ាងណាមិញជុំវិញមូលហេតុនៃការសម្រេចចិត្តបញ្ចប់ជីវិតនេះ មិនទាន់ត្រូវបានបញ្ជាក់នៅឡើយទេ។

បើតាមអ្នកសិល្បៈមួយរូបបានថ្លែងប្រាប់សារព័ត៌មានកោះសន្តិភាពថា នេះជាការពិតដែលស្វាមីរបស់អ្នកនាងស្រីអូនបានទទួលមរណភាព។ តែអ្នកនាងបញ្ជាក់ថា អ្នកនាង ក៏មិនទាន់បានដឹងពីមូលហេតុនោះទេ ខណៈតារាកំប្លែងជួរមុខ នាយ ពែក មី ក៏បានបង្ហោះសារចូលរួមមរណទុក្ខ និងកាន់ទុក្ខនេះផងដែរ។ ជាមួយគ្នានោះ អ្នកសិល្បៈជាច្រើនរូបផ្សេងទៀត ក៏បានសម្តែងនូវមរណទុក្ខសម្រាប់ការបាត់បង់នេះ

បន្ទាប់ពីទទួលបានដំណឹងពីការសម្លាប់ខ្លួនរបស់លោកឧកញ៉ា ឈាង រ័ត្ន ស្វាមី របស់ស្រីអូនសម្រស់ធម្មជាតិ នៅលើបណ្តាញសង្គមឯណោះវិញ គេសង្កេតឃើញអ្នកសិល្បៈមួយចំនួនបានពួកគាត់បង្ហោះរូបកាន់ទុក្ខ ដោយក្នុងនោះរួមមាន តារាកំប្លែងនាយពាក់ម៉ី, នាយគ្រឿន, តារាសម្តែងលោក ប៉ែន ចំរុង, លោកតាន់ គីមសួរ, លោកអាចារ្យធំ, លោកម៉ៃ សុគន្ធ និងអ្នកសិល្បៈផ្សេងទៀតជាច្រើន ។

ដោយឡែកតារាកំប្លែងនាយពាក់ម៉ី ត្រូវបានមហាជនជាច្រើនបានសួរនាំយ៉ាងព្រោងព្រាតពាក់ព័ន្ធជាមួយនឹងការដូរប្តូរប្រូហ្វាល់នេះ ។ តែទោះជាយ៉ាងណា នាយពាក់ម៉ី មិនទាន់បានឆ្លើយតបនោះទេ ពាក់ព័ន្ធការប្តូរប្រូហ្វាល់ជារូបកាន់ទុក្ខនៅលើគណនីហ្វេសរបស់ខ្លួន ។ ទោះបីជាយ៉ាងណាក៏ដោយ យើងមិននៅមិនទាន់ដឹងថា តើលោកឧកញ៉ា ឈាង រ័ត្ន ស្វាមីរបស់ស្រីអូនសម្រស់ធម្មជាតិ ទទួលមរណភាពដោយសារមូលហេតុអ្វីនៅឡើយទេ ៕