ADផ្ទាំងផ្សព្វផ្សាយពាណិជ្ជកម្ម

Picture

អ្នកជំនាញ ៖ តំបន់ព្រែកកោះប៉ោ និងពាមក្រសោមជាតំបន់ធនធានធម្មជាតិមហាសាលសម្រាប់អភិវឌ្ឍវិស័យទេសចរណ៍

10 ខែ មុន
  • ភ្នំពេញ

រាជធានី​ភ្នំពេញ ៖ ក្រោយ​ពី​ចុះ​ពិនិត្យ និង​វា​.​យ​តម្លៃ​សក្តានុពល​ទេសចរណ៍ ដើម្បី​លើក​គម្រោង​អភិវឌ្ឍ​ទេសចរណ៍​នៅ​តំបន់​ព្រែ​កកោះ​ប៉ោ និង​ពាម​ក្រសោប ស្ថិត​ក្នុងស្រុក​មណ្ឌល​សី​ម៉ា ខេត្តកោះកុង លោក នី…

រាជធានី​ភ្នំពេញ ៖ ក្រោយ​ពី​ចុះ​ពិនិត្យ និង​វា​.​យ​តម្លៃ​សក្តានុពល​ទេសចរណ៍ ដើម្បី​លើក​គម្រោង​អភិវឌ្ឍ​ទេសចរណ៍​នៅ​តំបន់​ព្រែ​កកោះ​ប៉ោ និង​ពាម​ក្រសោប ស្ថិត​ក្នុងស្រុក​មណ្ឌល​សី​ម៉ា ខេត្តកោះកុង លោក នី ផ​ល្លី រដ្ឋ​លេខ​ធិ​ការ​ក្រសួងទេសចរណ៍​បាន​បញ្ជាក់​ថា តំបន់​ទាំង​ពីរ​នោះ​ពោរពេញ​ដោយ​ធនធានធម្មជាតិ​មហាសាល​សម្រាប់​ការ​អភិ​វ​ឌ្ឃ​ជា​តំបន់​ទេសចរណ៍​ដ៏​ទាក់ទាញ ។

ផ្តល់​បទ​សម្ភាស​ជាមួយ​សារព័ត៌មាន​កោះសន្តិភាព​លោក​រដ្ឋលេខាធិការ​បាន​ឲ្យ​ដឹង​ថា គោលបំណង​នៃ​ការ​ចុះ​ត្រួតពិនិត្យ​តំបន់​ទាំង​ពីរ​ខាងលើ​នេះ ដើម្បី​ស្វែង​យល់​បន្ថែម​អំពី​សក្តានុពល​សំខាន់​ៗ​នៅ​តំបន់​នោះ​ហើយ​ផ្តើម​ពី​នោះ​យើង​នឹង​មាន​មូលដ្ឋាន​ជាក់លាក់​មួយ​ក្នុង​ការ​រៀបចំ​គម្រោង​ផែនការ​អភិវឌ្ឍ ។

លោក​សង្កត់ធ្ងន់​ថា តំបន់​ទាំង​ពីរ​នោះ​សម្បូរ​ដោយ​ផលិតផល​ដ៏​ពេញ​និយម ហើយ​មាន​តម្រូវការ​ខ្ពស់​នៅ​លើ​ទីផ្សារ ។ ដូច្នេះ​អ្វី​ជា​ការ​គិតគូរ​នៅ​ក្នុង​ផែនការ​អភិវឌ្ឍ​តំបន់​ទាំង​ពីរ​នោះ គឺ​យើង​ធ្វើ​យ៉ាងណា​ជំរុញ​តំបន់​ទាំង​ពីរ​ក្លាយជា​គោលដៅ​ទេសចរណ៍​ដ៏​ទាក់ទាញ​បំផុត ។

លោក នី ផ​ល្លី បាន​បន្ថែម​ថា គោលដៅ​ទេសចរណ៍​អភិវឌ្ឍ​តំបន់​ទាំង​ពីរ​នោះ គឺ​ប្រែក្លាយ​តំបន់​នេះ​ជា​តំបន់​ទេសចរណ៍ធម្មជាតិ​ជីវចម្រុះ​ផង និង​ទេសចរណ៍​ចំណីអាហារ​សមុទ្រ​ផង​ដែរ ។ ក្រោយមក​នឹង​អាច​ឈាន​ទៅ​ជំរុញ​ឲ្យ​ក្លាយទៅជា​តំបន់​ដ៏​ល្បីល្បាញ​ខាង​ទេសចរណ៍​អាហារូបត្ថម្ភ​ថែម​ទៀត ។ លោក​បញ្ជាក់ តំបន់​នោះ​ក៏​មាន​ប្រភេទ​អាហារ​តំបន់​ដែល​ធ្វើ​ចេញពី​ផលិតផល​សមុទ្រ​ទាំងអស់​ដែល​មាននៅ​តំបន់​នោះ ។

ទន្ទឹម​នោះ តំបន់​ទាំង​ពីរ​ក៏​អាច​ចាត់ទុកជា​តំបន់​ផ្គត់ផ្គង់​នូវ​អាហារ​សមុទ្រ​សម្រាប់​ទីផ្សារ​ផ្សេង​ៗ​ទៀត​ផង​ដែរ ឬ​ក៏​អាច​និយាយ​ថា ជួយ​រក្សា​ស្ថេ​រ​ភាព​នៃ​សន្តិសុខ​ស្បៀង​មួយ​ផ្នែក​នៅ​ក្នុង​ប្រទេស ។ លោក​បន្ថែម​ថា យើង​នឹង​អភិវឌ្ឍ​តំបន់​នោះ​ជា​តំបន់​ទេសចរ​ប្រកបដោយ​ចីរភាព ឬ​ការ​អភិវឌ្ឍ​ទេសចរណ៍​បែប​ពហុ​បំណង ។

លោក​អះអាង​ថា បច្ចុប្បន្ន​តំបន់​នោះ គឺ​មាន​អ្វី​ៗ​ទាំងអស់​ដែល​ទ្រទ្រង់​ដល់​ការ​អភិវឌ្ឍ​របស់​យើង ប៉ុន្តែ​យើង​នៅ​តែ​ត្រូវ​បំពេញបន្ថែម​នូវ​ហេ​ដ្ឋា​រចនា​ត​ភ្ជាប់​មួយ​ចំនួន​ទៀត និង​ការ​រៀបចំ​ផែនការ​ជាក់លាក់​រួម​ទាំង​រៀបចំ​នូវ​ខ្សែ​ទេសចរណ៍ និង​ការ​ផ្សព្វផ្សាយ​ទាក់ទាញ​ភ្ញៀវ ។

លោក​បន្ថែម​ថា សម្រាប់​តំបន់​ពាម​ក្រសោប គឺ​មាន​អ្នក​ស្គាល់ និង​បាន​ទៅ​លេង​ច្រើន​ហើយ ទោះបី​យើង​មិន​ទាន់​ប្រើប្រាស់​ឲ្យ​អស់​នៅ​អ្វី​ដែល​ជា​ធនធានធម្មជាតិ​នៅ​ទីនោះ​ក៏​ដោយ​ចុះ ។ ប៉ុន្តែ​ដោយ​ទ្បែ​ក​តំបន់​ព្រែ​កកោះ​ប៉ោ ពុំ​សូវ​មាន​អ្នក​ស្គាល់​ហើយ​មាន​អ្នក​ទៅ​លេង​ច្រើន​នោះ​ទេ តែ​ទីនោះ​មាន​កន្លែង​កម្សាន្ត​ច្រើន​ជាង​ហើយ​ទាក់ទាញ​ជាង​។

លោក​បន្ថែម​ថា កន្លង​ទៅ​ភ្ញៀវ​ទេសចរ​ទៅ​លេង​តំបន់​នោះ​តែ​ពេល​មានបុណ្យ​ទាន ឬ​ក៏​ចុង​ស​ប្តា​ហ៍​ថ្ងៃ​ឈប់​សម្រាក​ប៉ុណ្ណោះ ដូច្នេះ​វា​មិន​ស​ក្កិ​សម​ទៅ​នឹង​ធនធាន​ទេសចរណ៍​នៅ​តំបន់​ទាំង​ពីរ​នោះ ។ អ​ញ្ចឹ​ង​ហើយ​បានជា​ក្រុមការងារ​ចុះ​ធ្វើ​ការងារ​ដោយ​ផ្ទាល់ ដើម្បី​ពិនិត្យ​ឲ្យ​បាន​គ្រប់​ជ្រុងជ្រោយ​មុន​រៀបចំ​ផែនការ​អភិវឌ្ឍ ។

លោក​ក៏​បាន​អំពាវនាវ​ដល់​ប្រជា​សហគមន៍ និង​ប្រតិបត្តិការ​ទេសចរណ៍ រួម​គ្នា​ដើម្បី​បង្កើន​ផ​លិ​ផល​ទេសចរ​ថ្មី​កាន់តែ​ច្រើន​ថែម​ទៀត ហើយ​ខិតខំ​ថែទាំ និង​ពង្រឹង​ផលិតផល​ទេសចរ​ដែល​មាន​ស្រាប់ ក៏​ដូច​ចូលរួម​ថែរក្សា និង​អភិរក្ស​ជីវចម្រុះ​នៅ​តំបន់​ទាំង​ពីរ​នោះ​ឲ្យ​បាន​គង់វង្ស​បន្ត​ទៀត ៕

អត្ថបទសរសេរ ដោយ

កែសម្រួលដោយ