ស្លុ.តចិត្ត! អណ្ដាតភ្លើងឆាបឆេះរថយន្តសាំងយ៉ុងយ៉ាងសន្ធោសន្ធៅ មនុស្សប្រុសស្រី៦នាក់រងគ្រោះ
- ព្រះវិហារ
រថយន្តសាំងយ៉ុងមួយគ្រឿងត្រូវអណ្ដាតភ្លើងឆាបឆេះយ៉ាងសន្ធោសន្ធៅនៅសល់តែគ្រោងឆ្អឹង បណ្ដាលឱ្យមនុស្សប្រុសស្រីចំនួន
ខេត្តព្រះវិហារ ៖ បើតាមសេចក្តីរាយការណ៍បានឱ្យដឹងថា រថយន្តសាំងយ៉ុងមួយគ្រឿងត្រូវអណ្ដាតភ្លើងឆាបឆេះយ៉ាងសន្ធោសន្ធៅនៅសល់តែគ្រោងឆ្អឹង បណ្ដាលឱ្យមនុស្សប្រុសស្រីចំនួន៤នាក់ ក្នុងចំណោម៦នាក់រងរបួសជាទម្ងន់ ក្រោយហេតុការណ៍ផ្ទុះកំប៉ុងហ្គាសដែលផ្ទុកនៅក្នុងរថយន្តនោះ បង្កឱ្យមានការភ្ញាក់ផ្អើលកាលពីវេលាម៉ោងប្រមាណជិត៣រសៀល ថ្ងៃទី១៣ ខែសីហា ឆ្នាំ២០២៣ នៅលើដងផ្លូវជាតិលេខ៦២ ចំណុចបង្គោលលេខ៤១ ស្ថិតក្នុងភូមិត្រពាំងទទឹម ឃុំរមទម ស្រុករវៀង ខេត្តព្រះវិហារ។
បើតាមសាក្សីនៅកន្លែងកើតហេតុ បានប្រាប់ឱ្យដឹងថា ក្រោយពេលកើតហេតុ អាជ្ញាធរស្រុករវៀង បានដឹកនាំកម្លាំងនគរបាល និងកម្លាំងកងរាជអាវុធហត្ថមូលដ្ឋានចុះទៅពិនិត្យពីស្ថានភាព និងជួយសង្គ្រោះជនរងគ្រោះជុំវិញការឆាបឆេះរថយន្តសាំងយ៉ុងមួយគ្រឿងនោះ ដែលបានបង្កឲ្យមនុស្សប្រុសស្រីចំនួន៤នាក់ ក្នុងចំណោម៦នាក់រងរបួសធ្ងន់ និងស្រាលពីការឆាបឆេះ ដោយសារអណ្តាតភ្លើងយ៉ាងសន្ធោសន្ធៅ។
បើតាមលោក ហោ ប៊ុនហួរ បានប្រាប់អ្នកសារព័ត៌មានឲ្យដឹងថា រថយន្តដែលរងការឆាបឆេះនោះ គឺជាប្រភេទរថយន្តសាំងយ៉ុង ពណ៌ស ជារថយន្តឈ្នួលដឹកទំនិញ និងអ្នកដំណើរ។ ក្នុងនោះ ក៏មានដឹកកំប៉ុងហ្គាសតូចៗមួយចំនួនផងដែរ រួមទាំងអ្នកដំណើរចំនួន៥នាក់ទៀតដែលមានទីលំនៅក្នុងភូមិ-ឃុំកើតហេតុខាងលើ។ លុះពេលបើករថយន្តមកដល់កន្លែងកើតហេតុ ក៏ស្រាប់តែរថយន្តឆ្លងចរន្តអគ្គិសនី ហើយផ្ទុះឆាបឆេះយ៉ាងសន្ធោសន្ធៅតែម្តង។
សូមបញ្ជាក់ថា ក្រោយកើតហេតុ អាជ្ញាធរបានបញ្ជូនជនរងគ្រោះរងរបួសស្រាលចំនួន២នាក់ទៅកាន់លំនៅដ្ឋានវិញ ចំណែកឯជនរងគ្រោះដែលរងរបួសធ្ងន់ ត្រូវបានបញ្ជូនទៅកាន់មន្ទីរពេទ្យខេត្តកំពង់ធំ ដើម្បីជួយសង្គ្រោះផងដែរ។
ចែករំលែកព័តមាននេះ