តារាសម្តែងអ្នកនាង ផន សុផារី បានធ្វើការព្រមា.នចាត់វិធានការ ដោយមិនមានការលើកលែងទៅកាន់ម្ចាស់គណនីហ្វេសប៊ុកមួយ ដែលបង្ហោះប្រមា.ថអាយុជីវិតកូនស្រីរបស់នាងយ៉ាងធ្ងន់ធ្ងរ ដោយមិនមានមូលដ្ឋានច្បាស់លាស់
រាជធានីភ្នំពេញ ៖ តារាសម្តែងអ្នកនាង ផន សុផារី បានធ្វើការព្រមា.នចាត់វិធានការ ដោយមិនមានការលើកលែងទៅកាន់ម្ចាស់គណនីហ្វេសប៊ុកមួយ ដែលបង្ហោះប្រមា.ថអាយុជីវិតកូនស្រីរបស់នាងយ៉ាងធ្ងន់ធ្ងរ ដោយមិនមានមូលដ្ឋានច្បាស់លាស់។
អ្នកនាង ផន សុផារី បានបញ្ចេញនូវគណនីមួយមានឈ្មោះ «ស្រីណាក់ ស្រីណាក់» ដែលបង្ហោះរូបភាពកូនស្រីរបស់នាង ដោយភ្ជាប់ជាមួយនឹងខ្លឹមសារខ្លីថា «អេលី (ឈ្មោះកូនស្រីនាង) បានស្លា.ប់ហើយបងប្អូន អាណិតណាស់ Idol តូច»។
តាមរយៈសារដែលធ្វើការប្រមា.ថអាយុជីវិតមកលើកូនស្រីរបស់ខ្លួននាពេលនេះ ធ្វើឲ្យអ្នកនាង ផន សុផារី សម្តែងការខឹងសម្បារយ៉ាងខ្លាំង និងព្រមា.នចាត់វិធានការដោយមិនមានការលើកលែង ខណៈពេលដែលនាងក៏ស្វះស្វែងរកការជួយអន្តរាគមន៍ពីផ្នែកជំនាញពាក់ព័ន្ធចំពោះរឿងខាងលើនេះផងដែរ។
អ្នកនាង ផន សុផារី បានបញ្ចេញសារឆ្លើយតបខ្លីមួយបង្ហោះលើគណនីហ្វេសប៊ុករបស់ខ្លួនថា «ជេរខ្ញុំ ប្រមា.ថខ្ញុំ ខ្ញុំអាចលើកលែងឲ្យបាន តែកុំប្រមា.ថជីវិតកូនខ្ញុំ កុំស្មានថា ខ្ញុំឲ្យអ្នកឯងរស់បានសុខឲ្យសោះ!»។
យ៉ាងណា អ្នកនាងក៏បានបង្ហាញពីការស្នើសុំឲ្យមានការជួយអន្តរាគមន៍ពីនាយកដ្ឋានប្រឆាំងបទល្មើសបច្ចេកវិទ្យា នៃអគ្គស្នងការនគរបាលជាតិផងដែរ ហើយទំនងពិនិត្យឃើញថា ផេកហ្វេសប៊ុកខាងលើនេះ ជាផេកក្លែងក្លាយ ទើបនាងបានបញ្ជាក់ចុងក្រោយថា «អ្វីដែលនាងសរសេរនេះ គឺសំដៅលើម្ចាស់ផេក អ្នកក្នុងរូបហ្វេសប៊ុកមិនពាក់ព័ន្ធឡើយ»។
ដោយឡែកបន្ថែមពីលើនេះ អ្នកនាង ផន សុផារី ក៏បានលើកឡើងតាមការការ Live នៅលើគណនីហ្វេសប៊ុកនាងថា «អ្វីដែលនាងសរសេរបង្ហោះឆ្លើយតបទៅកាន់ផេកមួយនេះវិញ គឺនាងមិនបានប្រើពាក្យជេរដោយប្រើសម្តីអាក្រក់នោះឡើយ ប៉ុន្តែនាងគ្រាន់សម្តែងការហួសចិត្តប៉ុណ្ណោះ ចំពោះរឿងដែលបានកើតឡើងនេះ»។
នាងបញ្ជាក់ថា «រហូតមកទល់នាពេលនេះ នាងក៏មិនដឹងម្ចាស់ផេកដែលយករូបគេមកដាក់ ហើយធ្វើរឿងបែបនេះ មានគោលបំណងចង់អោយល្បី ដើម្បីទាក់ទាញការ Follow អោយបានច្រើនយកទៅលក់ឬក៏យ៉ាងណាឡើយ ប៉ុន្តែម្ចាស់ផេកមួយនេះ យល់ពីសម័យបច្ចេកវិទ្យាទំនើប គឺធ្វើអ្វីក៏គេអាចរកឃើញដែរ មិនអាចលាក់បាំងបានយូរនោះឡើយ។ ហើយម្ចាស់ផេកនេះទៀតសោត ក៏អាចនៅមិនទាន់បានធ្វើជាឪពុកម្តាយគេផងក៏ថាបាន ទើបមិនយល់បែបនេះ»។
យ៉ាងណាបើតាមអ្នកនាង ផន សុផារី ថា «នាងមិនចង់មានរឿងវែងឆ្ងាយឡើយ ប៉ុន្តែនាងគ្រាន់តែចង់ប្រាប់ថា នាងគឺជាមនុស្សដែលស្រាឡាញ់កូនជាទីបំផុត ហើយឪពុកម្តាយណាក៏មានចិត្តស្រឡាញ់កូនដូចគ្នា ហេតុនេះការដែលនាងខិតខំរាល់ថ្ងៃ គឺដើម្បីក្តីសុខរបស់កូន ដោយមិនចង់ឲ្យមានការមើលងាយ និងធ្វើបាបកូននោះឡើយ»។
នាងបន្ថែមថា «នាងពិតជាសប្បាយចិត្តនៅពេលដែលនាងបានបង្ហោះរឿងរ៉ាវនេះឡើង ហើយឃើញមានបងប្អូនជាច្រើនបានចូលទៅធ្វើការខំមិន ដោយម្នាក់ៗសម្តែងការខឹងសម្បារ និងមិនពេញចិត្តចំពោះទង្វើរបស់ម្ចាស់ផេកមួយនេះ និងបានគាំទ្រកូនស្រីរបស់នាង»៕
ចែករំលែកព័តមាននេះ