មហាជន ក៏ដូចជាអ្នកគាំទ្រជាច្រើននៅក្នុងប្រទេសថៃ នាំគ្នាសម្ដែងការហួសចិត្តយ៉ាងខ្លាំង និងនឹកស្មានមិនដល់គ្រប់ៗគ្នាតែម្ដង ក្រោយប្រទះឃើញលោក Hi So Pokphornprapha យកឃ្លីបវីដេអូរបស់តារាសម្ដែងស្រីវ័យក្មេង
ប្រទេសថៃ ៖ នៅថ្ងៃទី៣ ខែឧសភា ឆ្នាំ២០២៣ មហាជន ក៏ដូចជាអ្នកគាំទ្រជាច្រើននៅក្នុងប្រទេសថៃ នាំគ្នាសម្ដែងការហួសចិត្តយ៉ាងខ្លាំង និងនឹកស្មានមិនដល់គ្រប់ៗគ្នាតែម្ដង ក្រោយប្រទះឃើញលោក Hi So Pokphornprapha យកឃ្លីបវីដេអូរបស់តារាសម្ដែងស្រីវ័យក្មេង Matt Peeranee ទៅបង្ហោះនៅក្នុងគណនី Story Instagram របស់ខ្លួន។
រហូតធ្វើឱ្យអ្នកគាំទ្រមានការងឿងឆ្ងល់ ដល់ថ្នាក់ពួកគេនាំគ្នាលើកឡើងជាមតិរិះគន់បែបនេះថា «តើពួកគេត្រូវជាអ្វីនឹងគ្នាអោយពិតប្រាកដទៅ? បានជាឃើញស្និទ្ធស្នាលគ្នាដល់ថ្នាក់នេះ» «មិនគួរណាទៅជាអញ្ចឹងនោះទេ សូមអត់យល់ទាល់តែសោះហើយ មិនដឹងថា ពួកគេលួចទាក់ទងគ្នា ឬមួយក៏អ្វីអោយច្បាស់នោះទេ»។ អ្នកខ្លះទៀតក៏បញ្ចេញមតិយ៉ាងដូច្នេះថា «អញ្ចឹងតើ បានបែកគ្នាជាមួយ Aum patchrapa លឿនណាស់ តាមពិតមើលឃើញតារាស្រីរូបនេះអញ្ចឹងសោះ»។
យ៉ាងណាក្ដី យើងមិនដឹងថា នៅក្នុងទំនាក់ទំនងរបស់តារាស្រី Matt Peeranee និង Hiso Pokphornprapha ពួកគេត្រូវជាអ្វីនឹងគ្នាអោយពិតប្រាកដនោះឡើយ? ព្រោះថា ចាប់តាំងតែលោក Pok ចែកផ្លូវគ្នាជាមួយកំពូលតារាសម្ដែងស្រី Aum patchrapa មក ជារឿយៗលោកតែងតែលេចលឺនូវពាក្យរិះគន់មិនឈប់នោះឡើយពីសំណាក់មហាជន។ ក្រោយពេលលោកចេះតែឃើញនៅជាមួយតារាស្រីរូបនេះមិនឈប់ រហូតឈានដល់ការសង្ស័យទៅលើទំនាក់ទំនងស្នេហារវាងលោក Hi So Pok និងតារាស្រី Matt peeranee ផងដែរ។ ដោយសារតែចាប់តាំងពីចូលឆ្នាំថ្មីមក គេនាំគ្នាសង្កេតឃើញចុងក្រោយមកនេះ គូស្នេហ៍មួយគូនេះ តែងតែលេចចេញរូបភាពទៅចូលរួមពិធីជប់លៀងជាមួយគ្នា ដោយមើលទៅហាក់បីដូចជាមានភាពស្និទ្ធស្នាលមិនធម្មតានោះឡើយ។
ប៉ុន្តែបើក្រឡេកមកមើលតារាស្រី Matt ផ្ទាល់ ពេលបានឃើញព័ត៌មានចុះផ្សព្វផ្សាយតៗគ្នាមិនឈប់រួចមក នាងក៏ចេញមុខនិយាយយ៉ាងច្បាស់ៗ និងបញ្ជាក់អំពីទំនាក់ទំនងនាងនិងលោកPok ផងដែរ។ ដោយនាងបានប្រកាសថា «ពួកគេត្រឹមតែជាបងប្អូន ដែលរាប់អានគ្នាដូចបងប្អូនបង្កើតនៅក្នុងក្រុម ដែលមានភាពជិតស្និទ្ធិតែប៉ុណ្ណោះឯង គ្មានអ្វីលើសពីនឹងនោះទេ។ សូមកុំនាំគ្នាយល់ច្រឡំអី ខ្ញុំហ៊ានអះអាងពិតជាគ្មានអ្វីទាល់តែសោះឡើយ»។
ហើយថ្មីៗនេះ ក៏បានធ្វើអោយអ្នកនិយមតាមដានរាល់សកម្មភាពរបស់ពួកគេជាច្រើន ផ្ទុះការចាប់អារម្មណ៍សារជាថ្មីម្ដងទៀត ក្រោយពេលឃើញ Hi-So Pok ដែលគ្រប់គ្នាស្គាល់យ៉ាងច្បាស់ថា ជាអតីតមិត្តប្រុសរបស់រាជនីសម្រស់ Aum patchrapa នោះ លោកបានចេញមុខមកបង្ហោះឃ្លីបតាមរយៈ IG story ជាឃ្លីបបទចម្រៀងមួយដែលមានឈ្មោះថា «Hua Jai Pradao» របស់ Bonz គឺលោក Nadol Lumphrasert ម្ចាស់បទតារាប្រុសវ័យក្មេងដ៏ល្បីមួយរូប។ ដែលបកប្រែជាភាសារខ្មែរ មានន័យថា «ត្រីឆ្លាមចូលចិត្តខាំអូន» ដែល MV នៃបទចម្រៀងនេះ តារាស្រី Matt ក៏បានចូលរួមសម្តែងជាតួឯកស្រីក្នុងវីដេអូចម្រៀងនិងផងដែរ។
ហើយបន្ទាប់មក តារាស្រី Matt Peeranee ក៏បង្ហោះរូបយ៉ាងស្រស់ស្អាតនៅក្នុងគណនី Instagram របស់នាងផងដែរ។ ដែលខ្លួនបានទៅលេង MV នៃបទចម្រៀងនោះ ហើយសរសេរសារថា «សូមទុក MV បទចម្រៀង (បេះដូងត្រី) របស់ @bonnadol ផង»៕ ដោយ ៖ សុភា ដានេត
ចែករំលែកព័តមាននេះ